ບໍລິສັດ Baidu ເຊີ່ງເປັນບໍລິສັດນໍາໜ້າໃນດ້ານເຕັກໂນໂລຊີ ເຊີ່ງມີຮາກຖານດ້ານອິນເຕີເນັດທີ່ເຂັ້ມແຂງຂອງຈີນ ແລະ ເປັນໜຶ່ງໃນຈໍານວນບໍ່ພໍເທົ່າໃດບໍລິສັດໃນໂລກທີ່ໃຫ້ບໍລິການດ້ານປັນຍາປະດິດ (AI) ເຕັມຮູບແບບ ກໍາລັງທົດ ລອງບໍລິການລົດ Taxi ບໍ່ມີຄົນຂັບ (AD: Autonomous Diving Vehicles) ໃນຖະໜົນສາທາລະນະຢູ່ນະຄອນ ຫລວງປັກກິ່ງ.
ທ່ານ Gong Lei, ຫົວໜ້າສູນຂ່າວ, ພະແນກສື່ສານມວນຊົນ ບໍລິສັດ Baiduໄດ້ອະທິບາຍໃຫ້ຮູ້ວ່າ: ລົດ Taxi ບໍ່ມີຄົນຂັບ ແມ່ນນອນຢູ່ໃນໂຄງການ Baidu Apollo ທີ່ໄດ້ຮັບອະນຸຍາດຈາກທາງການຈີນໃຫ້ບໍລິການໃນຂອບເຂດທີ່ກໍານົດໄວ້ ໂດຍບໍ່ໃຊ້ຄົນຂັບ ແຕ່ຖືກຄວບຄຸມດ້ວຍລະບົບເຕັກໂນໂລຊີທີ່ທັນສະໄໝ AI ຜ່ານເຄື່ອຂ່າຍ 5 ຈີ, ຜູ້ໂດຍ ສານສາມາດຮຽກໃຊ້ບໍລິການລົດດັ່ງກ່າວຜ່ານແອັປພລີເຄເຊິ່ນ ເຊີ່ງລົດສາມາດຮັບຜູ້ໂດຍສານໄດ້ຕາມປ້າຍທີ່ກໍານົດ ແລະ ຈະບໍ່ເຄື່ອນໄຫວຖ້າຫາກຜູ້ໂດຍສານບໍ່ໃສ່ສາຍຮັດນິລະໄພ. ນີ້ຖືເປັນສ່ວນໜຶ່ງໃນການຫລຸດຜ່ອນການປ່ອຍກັກບອນຕາມນະໂຍບາຍຂອງລັດຖະບານຈີນ.
ນອກຈາກທົດລອງບໍລິການ Taxi ບໍ່ມີຄົນຂັບ ຢູ່ນະ ຄອນຫລວງປັກກິ່ງແລ້ວ ບໍລິສັດ Baidu ຍັງໄດ້ທົດລອງການບໍລິການດັ່ງກ່າວຢູ່ເມືອງຊາງຊາ, ແຂວງຫູໜານ ແລະ ລັດຄາລິຟໍເນຍຂອງສະຫະລັດອາເມລິກາ ແລະ ໃນກ່ອນໜ້ານີ້ໄດ້ບໍລິການລົດບໍ່ມີຄົນຂັບເຂົ້າໃນຫລາຍການບໍລິການຢູ່ຫລາຍເມືອງຂອງຈີນມາແລ້ວ.
ສໍາລັບ ບໍລິສັດ Baidu ໄດ້ຮັບການສ້າງຕັ້ງຂຶ້ນໃນວັນ ທີ 1 ມັງກອນ ປີ 2000 ເຊີ່ງເລີ່ມຈາກການໃຫ້ບໍລິການໃນດ້ານການຄົ້ນຫາຂໍ້ມູນທາງອິນເຈີເນັດ ເຊີ່ງໃນເວລານັ້ນແມ່ນໜຶ່ງໃນສີ່ປະເທດໃນໂລກທີ່ພັດທະນາເຕັກໂນໂລຊີເຄື່ອງມືຄົ້ນຫາດັ່ງກ່າວຮ່ວມກັບສະຫະລັດອາເມລິກາ, ຣັດເຊຍ ແລະ ສ.ເກົາຫລີ, ຕໍ່ມາ ໄດ້ພັດທະນາໄປສູ່ການໃຫ້ບໍລິການດ້ານ AI ເຮັດໃຫ້ຕະຫລອດໄລຍະ 20 ປີກວ່າມານີ້ Baidu ໄດ້ກ້າວຂຶ້ນສູ່ການບໍລິສັດດ້ານເຕັກໂນໂລຊີທັນ ສະໄໝອັນດັບຕົ້ນໆ ຂອງໂລກ, ເຊີ່ງການພັດທະນາລົດບໍ່ມີຄົນຂອບເປັນໜຶ່ງເຕັກໂນໂລຊີເກີດຂຶ້ນໃໝ່ທີ່ເລີ່ມແນະນໍາໃຫ້ສັງຄົມໄດ້ຮັບຮູ້ຕັ້ງແຕ່ປີ 2017 ຈາກນັ້ນ ໄດ້ເລີ່ມທົດ ລອງນັບແຕ່ປີ 2020 ເປັນຕົ້ນມາ.
Baidu ເນັ້ນໃສ່ການພັດທະນາເຕັກໂນໂລຊີ ແລະ ນະວັດຕະກໍາ ເຊີ່ງຢູ່ໃນອັນດັບຕົ້ນໆ ຂອງໂລກ ແລະ ເປັນຜູ້ນໍາຂອງບໍລິສັດເຕັກໂນໂລຊີ ແລະ ອິນເຕີເນັດຂະໜາດໃຫຍ່ຂອງຈີນ. ນອກຈາກນີ້ ຍັງໄດ້ຍື່ນສະເໜີຂໍຈົດທະ ບຽນ AI ຫລາຍກວ່າ 13.000 ລາຍການ ເຊີ່ງຫລາຍເປັນອັນດັບທີໜຶ່ງໃນປະເທດຈີນ, ລວມເຖີງເປັນຜູ້ນໍາໃນຫລາຍສາຂາ ເປັນຕົ້ນ: ການນໍາໃຊ້ເຕັກໂນໂລຊີເຂົ້າໃນການຮຽນ, ລະບົບສຽງອັດສະລິຍະ, ການຂັບຂີ່ແບບອັດຕະໂນມັດ ແລະ ອື່ນໆ.
