ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ງານມະຫາກຳບຸນຊ້າງຄັ້ງທີ 11 ທີ່ໄຊຍະບູລີ

ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ໃນນາມປະທານຮັບຜິດຊອບການຈັດງານມະຫາກຳບຸນຊ້າງປະຈຳປີ 2017 ໄດ້ ຖະແຫຼງການຕໍ່ສື່ມວນຊົນ ໃນຕົ້ນເດືອນ ທັນວານີ້ ວ່າ: ງານບຸນຊ້າງ ເປັນງານ ບຸນໃຫຍ່ຂອງແຂວງໄຊຍະບູລີ ທີ່ສ່ອງແສງເຖິງປະຫວັດສາດຄວາມເປັນມາຂອງ ລາວ ໃນອາດີດທີ່ມີປະຊາກອນຊ້າງຈຳນວນຫຼວງຫຼາຍຈົນບໍ່ສາມາດນັບໄດ້, ປະຊາກອນຊ້າງເຫຼົ່ານີ້ ຕິດພັນກັບການດຳລົງຊີວິດຂອງປະຊາຊົນລາວບັນດາເຜົ່າຈົນໄດ້ຂະໜານນາມເປັນ ປະເທດລ້ານຊ້າງ ສຳລັບການຈັດງານມະຫາກຳບຸນຊ້າງປີ 2017ນີ້ແຂວງໄຊຍະບູລີຈະໄດ້ຍົກລະດັບຂອງງານບຸນໃຫ້ໃຫຍ່ກວ່າປີຜ່ານມາໂດຍຈະເນັ່ນໜັກກິດຈະກຳຫຼັກໆຂອງງານບຸນ ຄືຈະມີການສະເເດງຂອງຊ້າງຄຳຮູ້ໃຫ້ມີຄວາມຫຼາກຫຼາຍຂື້ນເມື່ອທຽບໃສ່ຫຼາຍໆຜ່ານມາ. ເພື່ອໃຫ້ບັນດາແຂກທັງພາຍໃນ ແລະຕ່າງປະເທດ ມີຄວາມປະທັບໃຈ. ໃນເທດສະການມະຫະກຳບຸນຊ້າງປະຈຳປີ 2017 ນີ້ຈະໄດ້ຈັດຂຶ້ນໃນວັນທີ 13 – 19 ກຸມພາ. ສ່ວນມື້ທາງການແມ່ນວັນທີ 17 – 19 ກຸມພາ 2017 ຊື່ງຈະມີຊ້າງເຂົ້າຮ່ວມ 68 ໂຕ ຢູ່ໃນງານຈະມີກິດຈະກຳກ່ຽວກັບຊ້າງຫຼາຍລາຍການເຊັ່ນ: ຂະບວນແຫ່ຊ້າງ 68 ໂຕ, ປະກວດຊ້າງງາມບາສີສູ່ຂວັນຊ້າງ, ການສະເເດງຝຶກແອບຊ້າງ,ການຈັດງານລ້ຽງຊ້າງຫຼືບຸບເຟຊ້າງ, ຊ້າງອາບນ້ຳ, ການສະເເດງຊ້າງຄຳຮູ້, ການບໍລິການຂີ່ຊ້າງ ແລະອື່ນໆອີກຫຼາຍກິດຈະກຳ. ນອກຈາກກິດຈະກຳຂອງຊ້າງ ຍັງມີການໂຄສະນາຂາຍສິນຄ້າປະເພດຕ່າງໆຈາກຫຼາຍພາກສ່ວນທັງພາຍໃນ ແລະຕ່າງປະເທດ, ການສະເເດງສິລະປະວັນນະຄະດີຈາກພາຍໃນແຂວງ, ຈາກກອງສິລະປະກອນສູນກາງ ແລະກົມກອງຕ່າງໆ ໃນເເຕ່ລະຄືນມີການສະເເດງຄອນເສີດດົນຕີເທີງເວທີຂອງຜູ້ສະໜັບສະໜູນງານບຸນ ແລະພາກສ່ວນອື່ນໆຫຼາຍລາຍການ, ມີການສະເເດງວາງຂາຍຜະລິດຕະພັນ, ອາຫານພື້ນບ້ານທີເປັນເອກະລັກຂອງທ້ອງຖີ່ນຢ່າງຫຼວງຫຼາຍ.

15555004_1311432225581908_231713216_n

ດັ່ງນັ້ນ ເຊີນຊວນບັນດາທ່ານແຂກ, ນັກທ່ອງທ່ຽວຈາກພາຍໃນ ແລະຕ່າງປະເທດ ໄປທ່ຽວມາ ບຸນຊ້າງຢູ່ແຂວງໄຊຍະບູລີ ໃນລະຫວ່າງວັນທີ 13 – 19 ກຸມພາ 2017.

 

ທ່ຽວຊົມວັດທະນະທຳ ເຮືອນຊົນເຜົ່າຕຣຽງ ແຂວງເຊກອງ

ດາດຈຶງ ເມືອງຊາຍແດນ ລາວ-ຫວຽດນາມ ຢູ່ທີ່ແຂວງເຊກອງ ເມືອງດາກຈຶງເປັນອີກເມືອງໜຶ່ງຊຶ່ງຈະເປັນເມືອງເອກຂອງເຊກອງໃນອະນາຄົດ. ເມືອງດັກຈຶງ ທີ່ມີຄົນເວົ້າເຖິງພາສາດັກກັງ ທີ່ເປັນພາສາປະຈຳເຜົ່າຕຣຽງ ຊາວຕຣຽງທີ່ມີຢູ່ຫຼາຍ ທີ່ແຂວງເຊກອງ ໂດຍສະເພາະເມືອງດັກຈຶງ ຄຳວ່າ: ດັກ ແປວ່ານ້ຳ. ເມືອງດາກຈຶງ ຢູ່ຫ່າງຈາກເມືອງລະມາມແຂວງເຊກອງປະມານ 100 ກິໂລແມັດ.

201-696x522 202-696x522 635-696x522 20101224132747

ການດຳລົງຊີວິດ ແລະ ການຕັ້ງບ້ານເຮືອນຂອງຕຣຽງ ໃນສະໄໝກ່ອນຮູບແບບຂອງ ການປຸກສ້າງເຮືອນສ່ວນຫຼາຍເປັນຮູບ 4 ແຈສາກໃຫຍ່ ເຊິ່ງເປັນບ່ອນໄວ້ເຄື່ອງໃຊ້ສອຍໄວ້ຫ້ອງດຽວກັນບໍ່ວ່າຈະເປັນຫ້ອງນອນ, ຫ້ອງແຕ່ງ­ກິນ, ຖ້າແນມມາແຕ່ໄກຈະເຫັນແຕ່ຫຼັງຄາມີຮູບຮ່າງຄ້າຍຄືດອກເຫັດ ແຕ່ບໍ່ມົນຂ້ອນຂ້າງຍາວ ເຊິ່ງເປັນເອກະລັກສະເພາະຂອງຊົນຕຣຽງ.

ເຮືອນຊົນເຜົ່າຕຣຽງ ບ້ານດາກມວນ ເມືອງດາກຈຶງ ແມ່ນເຮືອນທີ່ເປັນເອກະລັກ ຂອງຊົນເຜົ່າຕະລຽງ ທີ່ເຮັດດ້ວຍວັດຖຸທຳມະຊາດ ຫ່າງຈາກເທດສະບານແຂວງ 108 ກິໂລແມັດ ຈາກເທດສະບານເມືອງດາກຈຶງ 8 ກິໂລແມັດ ເຮືອນດັ່ງກ່າວ ແມ່ນເປັນເອກະລັກມີມາແຕ່ດັ່ງເດີມຂອງເຜົ່າ ເຊິ່ງນຳໃຊ້ວັດຖຸຈາກທຳມະຊາດລ້ວນໆ ເຂົ້າໃນການປຸກສ້າງ ແລະ ດ້ວຍຄວາມສາມັກຄີ ຂອງປະຊາຊົນທັງໝົດໃນບ້ານຊ່ວຍກັນສ້າງ ໃນແຕ່ລະຫຼັງຄາເຮືອນ.

ວັດທາດຈຸນລະມະນີ (ແຂວງອັດຕະປື) ສະຖານທີ່ ເກັບຮັກສາທາດອັດຖິ ຂອງພະເຈົ້າໄຊຍະເສດຖາທິລາດ

21-1-696x464 33-1

379-1 479-2 20116

ໜອງຟ້າ

bn db1

ໜອງຟ້າ ຕັ້ງຢູ່ບ້ານວັງຕັດ, ເມືອງສານໄຊ,ແຂວງອັດຕາປຶ ເຊີ່ງຫ່າງຈາກຕົວເມືອງ ສາມັກຄີໄຊປະມານ 178 ກີໂລແມັດ, ໜອງຟ້າມີຄວາມກວ້າງແມ່ນ 1 ກິໂລແມັດມົນທົນ , ຢູ່ສູງຈາກລະດັບນໍ້າທະເລ 1200-1500 ແມັດ.

ອິງຕາມຂໍ້ມູນຄົ້ນຄົ້ວາທາງທໍລະນີສາດໃນປີ 1930 ໄດ້ໃຫ້ຂໍ້ສັງເກດ ແລະ ສັນນິຖານວ່າ ໜອງຟ້ານີ້ເກີດມາຈາກພູໄຟເກົ່າທີ່ລະເບີດມາຫຼາຍຮ້ອຍ ຫຼື ເປັນພັນໆ ປີ ເຊີ່ງບົດຄົ້ນຄ້ວາດັ່ງກ່າວແມ່ນເປັນຂອງ Mr Came & Mr Dap Lay ນັກທໍລະນີສາດຊາວຝຣັ່ງ.

ນ້ຳຕົກຕາດສະໝອງພາກ

%e0%ba%95%e0%ba%b2%e0%ba%94%e0%ba%aa%e0%ba%b0%e0%ba%ab%e0%ba%99%e0%ba%ad%e0%ba%87%e0%ba%9e%e0%ba%b2%e0%ba%81

ຕັ້ງຢູ່ບ້ານຕໍາໝາຍຢອດ ເມືອງສະໜາມໄຊ ຫ່າງຈາກເມືອງສາມັກຄີໄຊ ປະມານ 56 ກິໂລແມັດ. ເກີດຈາກຫ້ວຍສະໝອງ ໄຫຼຕົກໃສ່ເຊປຽນ, ມີຄວາມສູງປະມານ 10 ແມັດ ແລະ ກວ້າງປະມານ 30 ແມັດ, ເປັນສະຖານທີ່ພັກຜ່ອນທີ່ສວຍງາມ ແບບທຳມະຊາດ, ເດີນທາງເຂົ້າໄປເຖິງ ຕາມເສັ້ນທາງ 18 ອາ (ທາງດິນແດງ).

ປ່າຫີນ ອີກໜຶ່ງທ່າແຮງການທ່ອງທ່ຽວ ເມືອງຮຸນ

ປ່າຫີນ ເປັນລານຫີນກວ້າງຢູ່ໃນເຂດພື້ນທີ່ເມືອງຮຸນ ແຂວງອຸດົມໄຊ ຫຼາຍຄົນທີ່ໄດ້ໄປເຫັນ ເວົ້າເປັນສຽງດຽວກັນວ່າ: ຖ້າຫັນເອົາເຂດນີ້ພັດທະນາໃຫ້ກາຍເປັນເຂດອຸທິຍານປ່າຫີນງາມ ເພື່ອດຶງດູດນັກທ່ອງທ່ຽວ ແລະ ຍົກໃຫ້ເປັນສະຖານທີ່ທ່ອງທ່ຽວທາງທຳມະຊາດຂອງເມືອງຮຸນ ກໍ່ຄື ແຂວງອຸດົມໄຊ ຈະສາມາດດຶງດູດນັກທ່ອງທ່ຽວໄດ້ເປັນຈຳນວນບໍ່ໜ້ອຍ.

ລານຫີນທີ່ກວ້າງຂວາງເກີດຈາກການກັດເຊາະເນື້ອດິນ ແລະ ຫີນ ໃນສ່ວນທີ່ຈັບໂຕກັນ ຢ່າງເບົາບາງຫຼຸດອອກໄປ ຫຼາຍເດືອນຫຼາຍປີ ຈຶ່ງເຮັດໃຫ້ເກີດໂຂດຫີນທີ່ມີຮູບຮ່າງລັກສະນະແຕກຕ່າງກັນ ເບິ່ງແລ້ວມີຄວາມງົດງາມ ແລະ ໜ້າອັດສະຈັນ, ໃນປ່າຫີນປະກອບດ້ວຍຕົ້ນໄມ້ທີ່ແຕກຕ່າງກັນໄປ ຕາມສະພາບພື້ນທີ່ ແລະ ລະດັບຄວາມສູງ.

821-696x522 8870-300x225

ສະຖານທີ່ແຫ່ງນີ້ແມ່ນອຸດົມສົມບູນໄປດ້ວຍທຳມະຊາດ ຖ້າຫາກພັດທະນາເຂດນີ້ ໃຫ້ກາຍເປັນ ແຫຼ່ງທ່ອງທ່ຽວ ພ້ອມທັງສ້າງສິ່ງອຳນວຍຄວາມສະດວກຕ່າງໆ ບໍ່ວ່າຈະເປັນສະຖານທີ່ຈອດລົດ, ເສັ້ນທາງເຂົ້າເຖິງ, ຮ້ານຄ້າ ຮ້ານອາຫານ, ຫ້ອງນ້ຳ ແລະ ສິ່ງອຳນວຍຄວາມສະດວກຕ່າງໆ ພ້ອມທັງກິດຈະກຳທີ່ສາມາດດຶງດູໃຫ້ຜູ້ຄົນເຂົ້າມາ ຮັບຮອງວ່າ ປ່າຫີນ ແຫ່ງນີ້ ຈະກາຍເປັນອີກສະຖານທີ່ ໜຶ່ງ ທີ່ສ້າງລາຍໄດ້ໃຫ້ກັບຂະແໜງການທ່ອງທ່ຽວ ແລະ ປະຊາຊົນບໍລິເວນນັ້ນ.

ປ່າຫີນ ຈະກາຍເປັນແຫຼ່ງທ່ອງທ່ຽວທີ່ສຳຄັນທາງທຳມະຊາດອີກແຫ່ງໜຶ່ງຂອງເມືອງຮຸນ ມີຄວາມສວຍງາມເປັນເອກະລັກສະເພາະທີ່ທຳມະຊາດສ້າງຂຶ້ນ ທີ່ຍັງຄົງຮັກສາຄວາມອຸດົມສົມບູນ ຂອງທຳມະຊາດ ໄວ້ເປັນຢ່າງດີ.

ຖ້ຳຈອມອອງ ເມືອງໄຊ ແຂວງອຸດົມໄຊ ຖ້ຳມະຫັດສະຈັນ ເທິງດິນແດນແຫ່ງຖ້ຳ

ຖ້ຳຈອມອອງນີ້ ໄດ້ຄົ້ນພົບໃນປີ ຄສ 2005 ແລະ ເປີດບໍລິການປີ ຄສ 2007. ຖໍ້າຈອມອອງ ແມ່ນເອີ້ນຕາມຊື່ຂອງບ້ານ, ປະຊາຊົນທ້ອງຖິ່ນເຄີຍເອີ້ນຊື່ຖ້ຳນີ້ໃນເມື່ອກ່ອນວ່າ ຖ້ຳເຈຍ ຫຼື ຖ້ຳຂີ້ເຈຍ ຍ້ອນວ່າສະໄໝກ່ອນ ມີໂຕເຈຍມາອາໄສຢູ່ເປັນຈຳນວນຫຼວງຫຼາຍ, ປະຊາຊົນເຂດຈອມອອງ ໄດ້ພາກັນຂຸດເອົາຂີ້ໂຕເຈຍຢູ່ໃນຖ້ຳມາເຮັດໝື້ປືນແກັບ. ດັ່ງນັ້ນ, ປະຊາຊົນເຂດຈອມອອງ ຈຶ່ງໄດ້ພາກັນເອີ້ນຊື່ຂອງຖ້ຳນີ້ວ່າ ຖ້ຳເຈຍ ຫຼື ຖ້ຳຂີ້ເຈຍ. ແຕ່ທາງພະແນກທ່ອງທ່ຽວໄດ້ໂຄສະນາໃຫ້ເອີ້ນຊື່ວ່າ ຖ້ຳຈອມອອງ ຕາມຊື່ຂອງບ້ານ ຈົນເຖິງປັດຈຸບັນນີ້.

21-6 21-11 21-14

ບ້ານຈອມອອງອີກປະຫວັດໜຶ່ງທີ່ເອີ້ນວ່າ ຈອມອອງ ຍ້ອນວ່າ: ຄຳວ່າ “ ຈອມ ’’ ເປັນພາສາກຶມມຸ ເຊິ່ງແປວ່າ ຕິດຕາມໄປ, ນຳກົ້ນໄປ, ສ່ວນຄຳວ່າ “ ອອງ ” ແປວ່າ ໂຕຕໍ່ດິນ, ໃນສະໄໝກ່ອນປະຊາຊົນເມືອງນາໝໍ້ ໄດ້ໄປຄ້ອງຕໍ່ ຫຼື ຫາເອົາຮັງໂຕຕໍ່ ໂດຍໄດ້ເອົາຍວງຝ້າຍນ້ອຍໆອ່ອນໆມັດອາຫານໃສ່ຕີນໂຕຕໍ່ແລ້ວກໍ່ປ່ອຍຕໍ່ໃຫ້ບິນກັບໄປຫາຮັງ ແລ້ວປະຊາຊົນກໍນຳໂຕຕໍ່ນັ້ນໄປ ຈຶ່ງໄປພົບເຫັນເຂດພື້ນທີ່ດັ່ງກ່າວເປັນເຂດທີ່ອຸດົມສົມບູນເໝາະສົມໃນການຜະລິດກະສິກຳ, ປູກຝັງ, ລ້ຽງສັດ. ຕໍ່ມາຈຶ່ງພາກັນຍ້າຍຖິ່ນຖານມາຢູ່ບ້ານນີ້ແລ້ວຈິ່ງເອີ້ນວ່າ ບ້ານຈອມອອງ ຈົນເຖິງປັດຈຸບັນ.

ຖ້ຳຈອງອອງຕັ້ງຢູ່ບ້ານຈອມອອງ ເມືອງໄຊ ຫ່າງຈາກເທດສະບານ ເມືອງໄຊ 45 ກິໂລແມັດ ໄປທາງແຂວງອຸດົມໄຊ  24 ກິໂລແມັດ ເປັນທາງປູຍາງ ແຍກເຂົ້າເໜືອບ້ານ ນ້ຳບໍຕາໄກ ປະມານ 21 ກິໂລແມັດ ເປັນທາງດີນແດງ ອັດແໜ້ນ ຈາກບ້ານຈອມອອງສາມາດເຂົ້າເຖິງໄດ້ດ້ວຍ 2 ທາງຄື: ຍ່າງລັດແຕ່ບ້ານຜ່ານທົ່ງນາໄປຫາຖໍ້າ 2 ກິໂລແມັດ ແລະ ທາງລົດເຂົ້າຮອດ( ທາງດິນແດງ) ຖ້ຳຈອມອອງຕັ້ງຢູ່ຫ່າງຈາກບ້ານຈອມອອງປະມານ 3 ກິໂລແມັດ, ເປັນເສັ້ນທາງລົດສາມາດແລນເຂົ້າເຖິງບໍລິເວນຖ້ຳ ເປັນຖ້ຳໃຫຍ່, ຍາວ ແລະ ສວຍງາມທີ່ສຸດຂອງແຂວງອຸດົມໄຊເຊິ່ງປະກອບດ້ວຍລະບົບນິເວດທຳມະຊາດທີ່ອັດສະຈັນ, ມີຫຼາຍຊ່ອງທາງເຂົ້າ-ອອກພາຍໃນຖ້ຳ ປະມານ 16 ກວ່າກິໂລແມັດ, ຄວາມກວ້າງ ປະມານ 15 – 50 ແມັດແລະຄວາມສູງປະມານ 25-100 ແມັດ. ຢູ່ໃນຖ້ຳບາງບ່ອນມີສາຍນ້ຳໄຫຼຜ່ານ, ມີນົມຜາ, ຫີນຍ້ອຍ ທີ່ມີລວດລາຍສວຍງາມ,ຫີນແກ້ວເປັນສີຂາວເຫຼື້ອມຄືກັບເພັດພອຍເປັນກ້ອນໃຫຍ່ປະດັບປະດາຫ້ອຍຢູ່ຕາມຝາຫີນຄືກັບດອກໄຟປະດັບຢ່າງສວຍງາມ. ຢູ່ໃນຖ້ຳຍັງເປັນລັກສະນະເດີມທີ່ຍັງບໍ່ໄດ້ຮັບການດັດແປງແຕ່ຢ່າງໃດ. ຖ້ຳນີ້ໄດ້ຜ່ານການສຳຫຼວດຂອງນັກວິທະສາດ ຈາກສະຫະພັນຢູໂຣບໃນປີ 2009 ແລະປີ 2010 ໄດ້ສຳຫຼວດ 4 ປີ ເປັນຖ້ຳໃໝ່ລະດັບຊາດ ASEAN ແລະ ລະດັບໂລກ ປະຈຸບັນລັດຖະບານແຫ່ງ ສປປ ລາວ ໄດ້ຮັບທຶນຈາກທະນາຄານພັດທະນາອາຊີ ADB ໃຫ້ທືນຊ່ວຍເຫຼືອ ເພື່ອພັດທະນາເສັ້ນທາງ ແລະ ສິ່ງອຳນວຍຄວາມສະດວກຕ່າງໆ

21-2 21-3 21-16 21-23 81

ຖໍ້າປະຫວັດສາດເຂດຫາງລ້ອງ ແຂວງຫົວພັນ

ແຂວງຫົວພັນ ຖີ່ນກຳເນີດຂະບວນການປະຕິວັດແມ່ນໜຶ່ງໃນບັນດາແຂວງພາກເໜືອຂອງລາວທີ່ມີຄວາມອຸດົມສົມບູນໄປດ້ວຍຊັບພະຍາກອນທຳມະຊາດຫຼາກຫຼາຍຊະນິດນອກຈາກນັ້ນກໍຍັງມີສະຖານທີ່ທ່ອງທ່ຽວທີ່ຫຼາກຫຼາຍໄວ້ຄອຍຖ້າໃຫ້ບັນດານັກທ່ອງທ່ຽວໄດ້ທ່ຽວຊົມບໍ່ວ່າຈະເປັນສະຖານທີ່ທ່ອງທ່ຽວທາງວັດທະນະທຳ, ປະຫວັດສາດ ແລະທຳມະຊາດ

zzztthhaammppaavvaaddssaadd-696x494

ອັນໄດ້ກາຍເປັນທີ່ນິຍົມຂອງຜູ້ຄົນ ທັງພາຍໃນ ແລະຕ່າງປະເທດໂດຍສະເພາະແມ່ນຖ້ຳປະຫວັດສາດເຂດຫາງລ້ອງຖ້ຳປະຫວັດສາດເຂດຫາງລ້ອງປະກອບມີຖ້ຳຂະແໜງການຕ່າງໆຂອງສູນກາງ ແລະແຂວງທີ່ອາໄສຢູ່ສະໄໝສົງ ຄາມເຊັ່ນ: ຖ້ຳລຸງມາ (ເຈົ້າແຂວງ), ຖ້ຳໂຮງໝໍທະຫານ, ຖ້ຳຮັບແຂກ, ຖ້ຳນຳເຂົ້າ-ສົ່ງອອກ, ຖ້ຳວິທະຍຸ ແລະຖ້ຳອື່ນໆ ຊຶ່ງເປັນ ເຂດທີ່ມີທີວທັດທຳມະຊາດສວຍ ງາມ, ຫ່າງຈາກເທສະບານແຂວງ ປະມານ 18 ກິໂລແມັດ ຊຶ່ງມີລາຍລະອຽດແຕ່ລະຖ້ຳມີດັ່ງລຸ່ມນີ້: ຖ້ຳລຸງມາ (ເຈົ້າແຂວງ) ແມ່ນຕັ້ງຫ່າງຈາກບ້ານຫາງລ້ອງປະມານ 100 ແມັດ ແລະຫ່າງຈາກ ເທສະບານ 18 ກິໂລແມັດ ລົດໃຫ່ຍ, ລົດຈັກສາມາດເຂົ້າເຖິງບໍລິເວນຖ້ຳໄດ້.

-ຖ້ຳຊ້າງລອດຕັ້ງຢູ່ເທສະບານ ເມືອງວຽງໄຊ ລົດໃຫ່ຍ ແລະລົດຈັກສາມາດໄປມາສະດວກ, ມີເຄື່ອງ Audio-Tour ແລະມີຫ້ອງ ນ້ຳສາທາລະນະ.

-ຖ້ຳຕຳຫຼວດຕັ້ງຫ່າງຈາກເທ ສະບານເມືອງວຽງໄຊ ປະມານ 1,5 ກິໂລແມັດ ລົດໃຫ່ຍ ແລະລົດຈັກສາມາດເຂົ້າເຖິງໄດ້

-ຖ້ຳໂຮງໝໍນ້ອຍຕັ້ງຢູ່ຫ່າງ ຈາກເທສະບານ ເມືອງວຽງໄຊ ປະມານ 200 ແມັດ ລົດໃຫຍ່, ລົດຈັກສາມາດເຂົ້າເຖິງໄດ້.

-ຖ້ຳການເງີນຕັ້ງຢູ່ຫ່າງຈາກ ເທສະບານ ເມືອງວຽງໄຊ ປະມານ 200 ແມັດ ມີທາງຍ່າງສຳລັບທ່ຽວຊົມຖ້ຳ.

-ຖ້ຳທະນາຄານຕັ້ງຢູ່ຫ່າງຈາກເທສະບານ ເມືອງວຽງໄຊ ປະມານ 200 ແມັດ ມີທາງຍ່າງສຳລັບທ່ຽວຊົມຖ້ຳ.

-ຖ້ຳກະສິກຳຕັ້ງຢູ່ຫ່າງຈາກ ເທສະບານ ເມືອງວຽງໄຊປະມານ 300 ແມັດມີທາງຍ່າງສຳລັບ ທ່ຽວຊົມຖ້ຳ.

-ຖ້ຳແຜນການຕັ້ງຢູ່ເທສະບານເມືອງວຽງໄຊ ສາມາດຍ່າງ, ຂີ່ລົດໃຫ່ຍ, ລົດຈັກເຂົ້າເຖິງບໍລິເວນຖ້ຳໄດ້.

-ຖ້ຳຜາທ້າວ (ຖ້ຳແມ່ໝ້າຍ) ຕັ້ງຢູ່ເທສະບານເມືອງວຽງໄຊສາມາດຍ່າງທ່ຽວຊົມໄດ້.

8-9

-ຖ້ຳໄປສະນີ ຕັ້ງຫ່າງຈາກເທ ສະບານເມືອງວຽງໄຊ ປະມານ 5 ກິໂລແມັດ ມີທາງລົດເຂົ້າໄປເຖິງ ແລະຍ່າງເຂົ້າໄປເຖິງບໍລິເວນຖ້ຳ ປະມານ 100 ແມັດ.

-ຖ້ຳໝາຫຼົງ ຕັ້ງຫ່າງຈາກເທ ສະບານ ເມືອງວຽງໄຊ ປະມານ 2 ກິໂລແມັດ ມີທາງລົດຜ່ານໜ້າຖ້ຳ.

-ຖ້ຳໂຮງໝໍມິດຕະພາບລາວ-ກູບາຕັ້ງຢູ່ເຂດບ້ານຊຽງລວງຫ່າງ ຈາກເທສະບານເມືອງວຽງໄຊ 37 ກິໂລແມັດ ລົດໃຫຍ່, ລົດຈັກສາມາດເຂົ້າເຖິງບໍລິເວນຖ້ຳໄດ້.

-ຖ້ຳໂຮງໝໍນ້ອຍນາວີດຕັ້ງ ຫ່າງຈາກບ້ານນາວິດປະມານ 2 ກິໂລແມັດ ແລະຫ່າງຈາກເທສະບານເມືອງວຽງໄຊ 38 ກິໂລແມັດ ລົດໃຫຍ່ ແລະລົດຈັກສາມາດເຂົ້າເຖິງບໍລິເວນຖ້ຳ.

-ຖ້ຳໂຮງງານປຸງຢາຕັ້ງຫ່າງ ຈາກບ້ານນາດປະມານ 2,5 ກິໂລແມັດ ແລະຫ່າງຈາກເທສະບານເມືອງວຽງໄຊ 38 ກິໂລແມັດ ລົດໃຫຍ່ ແລະລົດຈັກສາມາດເຂົ້າເຖິງບໍລິເວນຖ້ຳ.

-ຖ້ຳນ້ຳເຂົ້າ-ນ້ຳອອກຫາງລ້ອງຕັ້ງຫ່າງຈາກບ້ານຫາງລ້ອງ ປະມານ 100 ແມັດ ແລະຫ່າງຈາກເທສະບານ 18 ກິໂລແມັດ ລົດໃຫຍ່ ແລະລົດຈັກສາມາດເຂົ້າເຖິງ ບໍລິເວນຖ້ຳ.

-ຖ້ຳນົກແອ່ນຕັ້ງຢູ່ກິໂລແມັດທີ 18 ຈາກເທສະບານແຂວງໄປເມືອງວຽງໄຊ ລົດໃຫຍ່ ແລະລົດຈັກສາມາດເຂົ້າເຖິງບໍລິເວນຖ້ຳ.

-ຖ້ຳຄວາຍຕັ້ງຫ່າງຈາກບ້ານນາຄາວ ປະມານ 3 ກິໂລແມັດ ແລະຫ່າງຈາເທສະບານເມືອງວຽງໄຊ 8 ກິໂລແມັດ ໄລຍະປີ 1965-1978 ແນວລາວຮັກຊາດ ໄດ້ນຳໃຊ້ຖ້ຳແຫ່ງນີ້ ເປັນທີ່ຕັ້ງຂອງໂຮງຮຽນສ້າງຄູມັດທະຍົມສູນກາງລົດໃຫຍ່ ແລະລົດຈັກສາມາດເຂົ້າເຖິງບໍລິເວນຖ້ຳ.

-ຖ້ຳໂຮງງານຫຍິບແສ່ວຕັ້ງຢູ່ບ້ານສົ້ມຫ່າງຈາກເທສະບານເມືອງວຽງໄຊ 45 ກິໂລແມັດ 1971-1989 ໂຮງງານຫຍິບແສ່ວໄດ້ນຳໃຊ້ຖ້ຳແຫ່ງນີ້ເປັນບ່ອນເຮັດວຽກ ຫຼັງຈາກນັ້ນຈຶ່ງໄດ້ຍົກຍ້າຍໄປຢູ່ສູນກາງສາມາດເຂົ້າເຖິງເຂດດັ່ງ ກ່າວດ້ວຍລົດໃຫຍ່ ແລະລົດຈັກ.

221-1-696x392 xam_nuea_pic_14

ຕາດນ້ຳນົວ ເມືອງ ວຽງໄຊ ແຂວງ ຫົວພັນ

ຕາດນ້ຳນົວ namnoua waterfall ເປັນນ້ຳຕົກຕາດຂະໜາດໃຫຍ່ ເຊິ່ງນ້ຳໄດ້ຕົກຈາກໜ້າຜາທີ່ມີຄວາມສູງ 80 ແມັດ ທິວທັດທຳມະຊາດອ້ອມຮອບດ້ວຍປ່າໄມ້ໃຫຍ່ສວຍງາມ ບັນຍາກາດງຽບສະຫງົບ ສາຍນ້ຳໃສໄຫລເຢັນເປັນຕາລອຍຫຼິ້ນໃຫ້ເຢັນກາຍສະບາຍໃຈ

ດ້ານເທິງນ້ຳຕົກມີອ່າງນ້ຳຂະໜາດໃຫຍ່ໃຫ້ລົງລອຍຫຼິ້ນ ບໍລິເວນຮອບໆຈະມີກ້ອນຫີນຂະໜາດໃຫຍ່ນ້ອຍຕັ້ັງສະລັບລຽນກັນໄປຕາມທຳມະຊາດເສັ້ນທາງສາຍນ້ຳນົວໄຫລຜ່ານໄປທີ່ດ້ານລຸ່ມ

ໃນມືວັນພັກຈະມີນັກທ່ຽວທັງຊາວ ແລະ ຕ່າງປະເທດນິຍົມມາທ່ຽວຫຼິ້ນ ການເດີນທາງແຕ່ຕົວເມືອງວຽງໄຊຫານ້ຳຕົກແມ່ນໄລຍະທາງ 8-9 ກີໂລແມັດ ຕາມເສັ້ນທາງເຂົ້າໄປທີ່ນ້ຳຕົກທ່ານຈະເຫັນວິວທິວທັກຂອງທົ່ງນາ ປ່າໄມ້ໃນເມືອງວຽງໄຊໄດ້ຢ່າງສວຍງາມ

ຕາດສະເຫຼີ້ຍ ແຂວງຫົວພັນ

%e0%ba%95%e0%ba%b2%e0%ba%94%e0%ba%aa%e0%ba%b0%e0%bb%80%e0%ba%ab%e0%ba%a5%e0%ba%b5%e0%bb%89%e0%ba%8d %e0%ba%95%e0%ba%b2%e0%ba%94%e0%ba%aa%e0%ba%b0%e0%bb%80%e0%ba%ab%e0%ba%a5%e0%ba%b5%e0%bb%89%e0%ba%8d2

ແຂວງຫົວພັນທີ່ຈິງແລ້ວມີແຫລ່ງທ່ອງທ່ຽວປະເພດນ້ຳຕົກຕາດທີ່ສວຍງາມຫຼາຍໆແຫ່ງ ແຕ່ບາງຕາດອາດຈະບໍ່ມີສື່ສຽງເທົ່າທີ່ຄວນ ອາດເປັນເພາະຍັງມີຫຼາຍຄົນທີ່ໄປບໍ່ທັນຮອດ ຫຼື ໄປແລ້ວບໍ່ໄດ້ນຳຂໍ້ມູນມາເຜີຍແຜ່ຕໍ່ ເຊິ່ງມື້ນີ້ ພວກເຮົາຈະພາທຸກທ່ານໄປທ່ຽວ ຕາດສະເຫຼີ້ຍ

ຕາດສະເຫຼີ້ຍ ຕັ້ງຢູ່ລະຫວ່າງທາງຜ່ານ ບ້ານສະເຫຼີ້ຍ ແລະ ບ້ານໂພນໄຊ ເສັ້ນທາງເລກ 6 ຊໍາເໜືອ ຫາ ຊຽງຂວາງ, ຫ່າງຈາກເທສະບານແຂວງ 36 ກິໂລແມັດ. ນໍ້າຕົກຕາດສະເຫຼີ້ຍ ມີລັກສະນະເນີນ ທີ່ບໍ່ສູງປານໃດ ແຕ່ມີຄວາມຍາວ ປະມານ 100 ກວ່າແມັດ, ບ່ອນກວ້າງສຸດປະມານ 10 ແມັດ. ລົດໃຫຍ່, ລົດຈັກ ສາມາດເຂົ້າເຖິງໄດ້ສະດວກ, ສະຖານທີ່ມີຫ້ອງນ້ຳ, ມີຮ້ານອາຫານ ແລະ ມີຂົວອູ່ ຢູ່ຕິດຕີນຕາດ ແລະ ຫົວຕາດ ສາມາດຍ່າງຂ້າມໄປມາໄດ້.

ບໍລິຄຳໄຊເປັນແຂວງຫນຶ່ງຂອງປະເທດລາວ ທີ່ຕັ້ງຢູ່ທາງພາກກາງຂອງປະເທດ ແຂວງບໍລິຄຳໄຊ ເປັນແຂວງ ທີ່ຕັ້ງຂຶ້ນໃໝ່ໃນປີ ຄ.ສ 1986 ເປັນແຂວງ ທີ່ອຸດົມສົມບູນໄປດ້ວຍຊັບຢາກອນທຳມະຊາດແລະວັດທະນະທຳ ເປັນແຂວງທີ່ມີທິວທັດທີ່ສວຍງາມເຊັ່ນນ້ຳຕົກຕາດເລີກ, ຕາດວັງຟອງ, ຖ້ຳແກບ ແລະອື່ນໆ ນອກຈາກທິວທັດທຳມະຊາດທີ່ສວຍງາມແລ້ວ ແຂວງບໍລິຄຳໄຊຍະຍັງມີປູຊະນີຍະສະຖານທາງພຸດທະສາດສະຫນາທີ່ສຳຄັນຫຼາຍແຫ່ງ. ແຂວງບໍລິຄຳໄຊແຍກອອກມາຈາກແຂວງວຽງຈັນແລະແຂວງຄຳມ່ວນ ເມື່ອປີ 1983 ແຂວງນີ້ມີ ພູຫີນປູນ ທີ່ມີຊື່ສຽງ ແລະ ທິດທັດອັນສວຍງາມ.

ສະຖານທີ່ທ່ອງທ່ຽວ

  • ຍອດພູຟ້າ
  • ບ້ານເຜົ່າມົ້ງ
  • ຫາດສາ
  • ສວນຊາ 400 ປີ
  • ພິພິດທະພັນຊົນເຜົ່າ
  • ເຂດເມືອງເກົ່າ
  • ດ່ານຊາຍແດນສົບຮຸນ-ໄຕຈາງ

download

Teepflückerin der Phunoy Ethnie pflückt Teeblätter in den Kronen alter Teebäume, Ban Komaen, Phongsali Provinz, Laos

Blick auf die Stadt Phongsali am Hang in weiter bewaldeter Berglandschaft, Phongsali City, Laos

ປ່າສະຫວງພູຖະແຫຼງ ດິນແດນທະເລໝອກ ຕັ້ງຢູ່ເມືອງບຸນເໜືອ (ຜົ້ງສາລີ) ມີໄລຍະທາງຫ່າງຈາກເທດສະບານແຂວງ ລົງໄປທິດໃຕ້ 30 ກິໂລແມັດ ເຊິ່ງຢູ່ແຂວງເໜືອສຸດຂອງປະເທດ ເຖິງໄລຍະທາງຈະໃກ ແຕ່ເມື່ອໄປຮອດແລ້ວຈະບໍ່ຜິດຫວັງແນ່ນອນ

12-3-1

ບໍລິຄຳໄຊເປັນແຂວງຫນຶ່ງຂອງປະເທດລາວ ທີ່ຕັ້ງຢູ່ທາງພາກກາງຂອງປະເທດ ແຂວງບໍລິຄຳໄຊ ເປັນແຂວງ ທີ່ຕັ້ງຂຶ້ນໃໝ່ໃນປີ ຄ.ສ 1986 ເປັນແຂວງ ທີ່ອຸດົມສົມບູນໄປດ້ວຍຊັບຢາກອນທຳມະຊາດແລະວັດທະນະທຳ ເປັນແຂວງທີ່ມີທິວທັດທີ່ສວຍງາມເຊັ່ນນ້ຳຕົກຕາດເລີກ, ຕາດວັງຟອງ, ຖ້ຳແກບ ແລະອື່ນໆ ນອກຈາກທິວທັດທຳມະຊາດທີ່ສວຍງາມແລ້ວ ແຂວງບໍລິຄຳໄຊຍະຍັງມີປູຊະນີຍະສະຖານທາງພຸດທະສາດສະຫນາທີ່ສຳຄັນຫຼາຍແຫ່ງ. ແຂວງບໍລິຄຳໄຊແຍກອອກມາຈາກແຂວງວຽງຈັນແລະແຂວງຄຳມ່ວນ ເມື່ອປີ 1983 ແຂວງນີ້ມີ ພູຫີນປູນ ທີ່ມີຊື່ສຽງ ແລະ ທິດທັດອັນສວຍງາມ.

4-1 10

ສະຖານທີ່ແຫຼງທ່ອງທ່ຽວທຳມະຊາດນ້ຳຕົກຕາດນ້ຳປາ

ຕາດນ້ຳປາແຫ່ງນີ້ຕັ້ງຢູ່ຫ່າງຈາກ ເມືອງປາກຊັນ 14 ກິໂລແມັດ, ເດີນທາງໄປຕາມເສັ້ນທາງ ເລກທີ 4B ແລ້ວລ້ຽວຊ້າຍເຂົ້າໄປອີກ 1 ກິໂລແມັດ ກໍ່ຈະເຖິງບ້ານນ້ຳປາ ຫຼັງຈາກນັ້ນເຮົາສາມາດເດີນທາງ ດ້ວຍເຮືອຈັກ ເຂົ້າໄຕາມລຳນ້ຳປາ ປະມານ 8 ກິໂລແມັດ.

ເລີ່ມຕົ້ນການເດີນ ດ້ວຍການຂີ່ເຮືອ ຈາກບ້ານນ້ຳປາ, ເມືອງບໍລິຄັນ ເຊິ່ງໃນເວລາເດີນທາງກໍ່ຈະໄດ້ຊົມທິວທັດສອງຝາກນ້ຳ ທີ່ເຕັມໄປດ້ວຍຕົ້ນໄມ້ໃຫຍ່ນ້ອຍທີ່ຂຽວອຸ່ມທຸ່ມ ມີຫາດຊາຍທີ່ສວຍງາມທີ່ແຄມສອງຝາກຝັ່ງຂອງ ບ້ານນ້ຳປາ ໃຊ້ເວລາ 30 ນາທີ ຈາກນັ້ນກໍ່ຈະໄດ້ພົບຕາດນ້ຳປາ ທີ່ອ້ອມຮອບດ້ວຍທຳມະຊາດທີ່ອຸດົມສົມບູນ ເຕັມໄປດ້ວຍຕົ້ນໄມ້ ແລະ ດອກໄມ້ ແລະ ພືດພັນນາໆຊະນິດ ເໝາະສົມກັບການກິນເຂົ້າປ່າ ແລ້ວທ່ຽວຊົມທຳມະຊາດ ແລະ ຫຼີ້ນນ້ຳ ຢ່າງເປັນທີ່ສຸດ.

ສຳລັບໄລຍະທີ່ກ້າວເຂົ້າລະດູຝົນແບບນີ້ ນ້ຳຕົກແຕ່ລະແຫ່ງແມ່ນມີນ້ຳຫຼາຍ ເຮັດໃຫ້ເປັນສະຖານທີ່ທີ່ຜູ້ຄົນນິຍົມໄປພັກຜ່ອນເຊິ່ງສັງເກດໄດ້ໃນວັນຢຸດເສົາ ອາທິດ ເຊິ່ງຈະມີຜູ້ຄົນຈຳນວນບໍ່ໜ້ອຍທີ່ເດີນທາງໄປເປັນຄອບຄົວ ຫຼື ໝູ່ຄະນະ.

167 tad-nampa

ບໍ່ແກ້ວ ດິນແດນແຫ່ງແກ້ວແຫວນເງິນຄຳ

ແຂວງບໍ່ແກ້ວ ຕັ້ງຢູ່ທິດຕາເວັນຕົກຂອງປະເທດ, ທິດເຫນືອຕິດກັບແຂວງຫລວງນ້ຳທາ, ທິດຕາເວັນອອກຕິດກັບແຂວງອຸດົມໄຊ, ທິດໃຕ້ຕິດກັບລາຊາອານາຈັກໄທ ແລະ ທິດຕາເວັນຕົກຕິດກັບມຽນມາ. ປະກອບດ້ວຍ5ເມືອງຄື: ເມືອງຫ້ວຍຊາຍ,ຕົ້ນເຜິ້ງ, ປາກທາ,ເມິງ ແລະ ເມືອງຜາອຸດົມ ມີປະຊາກອນປະມນ180.000ຄົນ.

ຫ້ວຍຊາຍ ຄືເມືອງເທດສະບານແຂວສງບໍ່ແກ້ວ ເຊິ່ງເປັນປະຕູດ່ານເຂົ້າອອກທີ່ສໍາຄັນ ເນື່ອງຈາກມີທ່າເຮືອທີ່ເຊື່ອມກັບອໍາເພີຊຽງຂອງຂອງປະເທເດໄທ ແລະ ນັກທ່ອງທ່ຽວທີ່ເດີນທາງມາ ທາງພາກເຫນືອຂອງລາວ ກໍຈະຜ່ານແຂວງບໍ່ແກ້ວກ່ອນຈະໄປສູ່ຈຸດໝາຍປາຍທາງຕໍ່ໄປທັງຫລວງພຣະບາງ ແລະອຸດົມໄຊ ຫລືແຂວງອື່ນໆ.

12-3 27ef7c3f79527dfff647155b2235d1e2 52-1 139-1

ຄໍາຂວັນ ຂອງແຂວງບໍ່ແກ້ວແມ່ນ ບໍ່ແກ້ວມະນີລ້ຳຄ່າ ຊົມປ່າດອກງິ້ວບານ ເທດສະບານບັນດາເຜົ່າ ຖິ່ນເມືອງເກົ່າສຸວັນນະໂຄມຄໍາ ຊົມຖ້ຳນ້ຳຍູ້ ອູ້ສາວລາວຢວນ ຊວນຊົມວັດຈອມເຂົາມະນິລັດ  ໄຫວ້ພະທາດສຸວັນນະຜ້າຄໍາ”.

ການເດີນທາງສູ່ແຂວງບໍ່ແກ້ວ

ປັດຈຸບັນການເດີນທາງເຂົ້າ-ອອກແຂວງບໍ່ແກ້ວ ກໍສະດວກສະບາຍຫຼາຍຂຶ້ນ ໂດຍສະເພາະນັກທ່ອງທ່ຽວທີ່ເດີນທາງຜ່ານຈັງຫວັດຊຽງຣາຍ ປະເທດໄທ ເມື່ອຂົວມິດຕະພາບລາວ-ໄທ ແຫ່ງທີ 4 ທີ່ເຊື່ອມເມືອງຫ້ວຍຊາຍ ແຂວງບໍ່ແກ້ວ ກັບອໍາເພີຊຽງຂອງ ຈັງຫວັດຊຽງຣາຍ ເປີດນໍາໃຊ້ມາແຕ່ທ້າຍປີ2013. ເຮັດໃຫ້ເສັ້ນທາງອາ 3 ຈາກຈີນ ຜ່ານລາວ ສູ່ປະເທດ ໄປມາສະດວກຍິ່ງຂຶ້ນ.

ນອກຈາກຜ່ານດ່ານສາກົນຂົວມິດຕະພາບ 4 ແລ້ວ ທ່ານຍັງສາມາດເດີນທາງຜ່ານດ່ານມັງກອນ ທີ່ເຂດເສດຖະກິດພິເສດສາມຫລ່ຽມຄໍາ ເມືອງຕົ້ນເຜິ້ງນໍາອີກ.

ນອກຈາກນັ້ນຍັງສາມາດເດີນທາງດ້ວຍທາງຍົນ ຈາກນະຄອນຫລວງວຽງຈັນ ສູ່ສະຫນາມບິນເມືອງຫ້ວຍຊາຍ ແຂວງບໍ່ແກ້ວ ໂດຍສາຍການບິນລາວເດີນອາກາດ ເຊິ່ງບິນທຸກໆມື້, ມື້ລະຖ້ຽວ.

ຫລື ຈະເດີນທາງດ້ວຍລົດໂດຍສານ ຈາກນະຄອນຫລວງວຽງຈັນ ກໍມາເຖິງບໍ່ແກ້ວຢ່າງສະດວກສະບາຍ. ຕາມເສັ້ນທາງເລກທີ 13 ເຫນືອ ເຖິງອຸດົມໄຊ ກໍໄປຕໍ່ເຖິງຫລວງນໍ້າທາ ຈາກນັ້ນກໍແລ່ນຕາມເສັ້ນທາງອາ3 ກໍເຖິງແຂວງບໍ່ແກ້ວ ຫລື ຈະມາຕາມເສັ້ນທາງເລກ 11 ລຽບແຄມນ້ຳຂອງສູ່ເມືອງປາກລາຍ. ຈາກນັ້ນໄປຕາມເສັ້ນທາງເລກ 4 ປາກລາຍ-ໄຊຍະບູລີ ແລ້ວໄປຕໍ່ຕາມເສັ້ນທາງ4A ໄຊຍະບູລີ -ເມືອງເງິນ ແລ້ວກໍຂ້າມນ້ຳຂອງເຂົ້າສູ່ປາກແບ່ງ ອຸດົມໄຊ  ແລ້ວແລ່ນຕາມເສັ້ນທາງ13ເຫນືອໄປເລື້ອຍໆ ຈົນເຖິງອຸດົມໄຊ ແລະ ກໍໄປຕໍ່ຕາມເສັ້ນທາງອຸດົມໄຊ-ຫລວງນໍ້າທາງ ແລະ ກໍເຂົ້າທາງອາ 3 ຫລວງນໍ້າທາ-ບໍ່ແກ້ວ ກໍເຖິງຈຸດໝາຍປາຍທາງ.

ສ່ວນທາງເຮືອກໍເປັນອີກຊ່ອງທາງຫນຶ່ງທີ່ນັກທ່ອງທ່ຽວທີ່ມາຈາກຫລງພຣະບາງນິຍົມຂີ່ ເນື່ອງຈາກໄດ້ຊົມຄວາມງົດງາມຂອງນ້ຳຂອງ ແລະ ທຳມະຊາດສອງຟາກຟັງຢ່າງໃກ້ສິດ. ໂດຍເລີ່ມຈາກທ່າເຮືອທີ່ເມືອງຫລວງພະບາງ ກໍສາມາດເດີນທາງມາເຖິງເມືອງຫ້ວຍຊາຍແຂວງບໍ່ແກ້ວ.

ສະຖານທີ່ພັກ

ໃນເທດສະບານເມືອງຫ້ວຍຊາຍ ມີໂຮງແຮມ ແລະ ເຮືອນພັກລະດັບຕ່າງໆໃຫ້ເລືອກພັກ ໂດຍສະເພາະຕາມຖະຫນົນແຄມຂອງໃຈກາງຕົວເມືອງຈະມີໂຮງແຮມ ແລະເຮືອນພັກ ເປັນຈໍານວນຫລາຍແຄມນໍ້າຂອງເຊິ່ງເຮັດໃຫ້ການພັກຜ່ອນຂອງທ່ານສະດວກສະບາຍ ແລະ ເພີດເພີນກັບການຊົມອາທິດອັດສະດົງໃນຍາມແລງ ເຊັ່ນໂຮງ ແຮມຫ້ວຍຊາຍແຄມຂອງ, ໂຮງແຮມທະວິສິນ, ເຮືອນພັກອຸດົມພອນ. ຫລື ຈະມາພັກທີ່ໂຮງແຮມນາຄາຣາຊ ນະຄອນ ທີ່ຕັງຢູ່ເທິງພູ ຕິດຂົວມິດຕະພາບ4

 ຮ້ານອາຫານ

ບໍ່ແກ້ວເປັນເມືອງທ່ອງທ່ຽວ ແລະ ເປັນປະຕູດ່ານເຂົ້າອອກຂອງນັກທ່ອງທ່ຽວໃນພາກເຫນືອ ດັ່ງນັ້ນທ່ານຈິ່ງບໍ່ຕ້ອງກັງວົນໃຈກັບເລື່ອງອາຫານ ເພາະທີ່ນີ້ມີທັງອາຫານທ້ອງຖິ່ນ, ຈົນໄປເຖິງອາຫານປະເທດຕ່າງໆທັງໄທ, ຈີນ ຫລື ອາຫານຝຣັ່ງໃຫ້ເລືອກກິນເລືອກຊີມຕາມສະດວກ.

ສະຖານທີ່ທ່ອງທ່ຽວທີ່ສໍາຄັນ

ເຖິງຈະເປັນແຂວງທີ່ບໍ່ໃຫຍ່ ແຕ່ບໍ່ແກ້ວກໍມີຫລາຍຢ່າງທີ່ຫນ້າຄົ້ນຫາ ແລະ ທ່ອງທ່ຽວ ໂດຍສະເພາະກໍແມ່ນສີສັນເມືອງຫ້ວຍຊາຍ ເມືອງທີ່ຕັ້ງສະຫງ່າລຽບນ້ຳຂອງ. ນອກນັ້ນບໍ່ແກ້ວ ຍັງເຄີຍເປັນທີ່ຕັ້ງຂອງອານາຈັກອັນຮຸ່ງເຮືອງໃນອະດີດນັ້ນຄືສຸວັນນະໂຄມຄໍາ ເຊິ່ງປັດຈຸບັນຍັງມີຮ່ອງຮອຍພຣະພຸດທະຮູບ ແລະພຣະທາດຕ່າງໆຢັງຢາຍເປັນຈຸດໆຢູ່ເຂດເມືອງຕົ້ນເຜິ້ງ.

ສະຖານທີ່ທ່ອງທ່ຽວສໍາຄັນອື່ນໆກໍປະກອບດ້ວຍ:

+ສີສັນເມືອງຫ້ວຍຊາຍ

+ວັດຈອມເຂົາມະນີຣັດ

+ວັດພະທາດສຸວັນນະຜ້າຄໍາ

+ຕະຫລາດເມືອງບໍ່ແກ້ວ

+ຕາດນໍ້າຍອນ

+ປ່າສະຫງວນນ້ຳກ່ານ

+ດອນຊາວ

+ເຂດເຊດຖະກິດພິເສດສາມຫລ່ຽມຄໍາ

 

ບໍ່ນ້ຳຮ້ອນ ປຸ່ງເລາະ ເມືອງ ເມິງ ແຂວງ ບໍ່ແກ້ວ ຊື່ອາດຈະບໍ່ຄຸ້ນຫູ ແຕ່ຖ້າໄດ້ໄປແລ້ວຮັບຮອງວ່າບໍ່ຜິດຫວັງແນ່ນອນ ບໍ່ນ້ຳຮ້ອນແຫ່ງນີ້ຍັງຄົງຄວາມເປັນທຳມະຊາດໄວ້ຢ່າງສົມບູນ

ປ່າສະຫງວນແຫ່ງຊາດ ນໍ້າກ່ານ ຄວາມອຸດົມສົມບູນທາງທຳມະຊາດຄູ່ ແຂວງບໍ່ແກ້ວ

ສຳ­ລັບແຫຼ່ງທ່ອງທ່ຽວປ່າສະຫງວນແຫ່ງຊາດນ້ຳກ່ານຕັ້ງຢູ່ບ້ານຕູບເມືອງຫ້ວຍຊາຍ, ແຂວງບໍ່ແກ້ວຊຶ່ງຫ່າງຈາກເທ­ສະບານແຂວງ 85 ກິ­ໂລ­ແມັດ, ມີເນື້ອ­ທີ່ 136,000 ເຮັກຕາ, ນັບແຕ່ເດືອນກັນ­ຍາປີ 2008 ປ່າສະ­ຫງວນແຫ່ງຊາດນ້ຳກ່ານໄດ້ຖືກປະ­ກາດເປັນປ່າສະ­ຫງວນແຫ່ງຊາດແຫ່ງທີ 21 ຂອງ ສປປ ລາວ, ເຂດປ່າສະ­ຫງວນດັ່ງ­ກ່າວເປັນປ່າ ທີ່ໄດ້ຮັບການມາຢ້ຽມ­ຢາມຂອງ ບັນ­ດານັກທ່ອງທ່ຽວທັງພາຍໃນ ແລະຕ່າງ­ປະ­ເທດຫຼາຍທີ່ສຸດ.

ເນື່ອງຈາກປ່າສະ­ຫງວນແຫ່ງຊາດນ້ຳກ່ານ, ໄດ້ກາຍ­ເປັນປາຍທາງການ­ທ່ອງ­ທ່ຽວແບບອະ­ນຸ­ລັກຊີ­ວະນາໆພັນກໍຄືການ­ທ່ອງ­ທ່ຽວຍ່າງປ່າ­ດົງເລິກທີ່ມີຄວາມຕື່ນ­ເຕັ້ນ ແລະການພະຈົນໄພ

177 418 419 767 4984 7069 7454-696x522

ຊຶ່ງໃຊ້ເວ­ລາ 2Œ3 ຊົ່ວ­ໂມງຕໍ່ວັນຕາມລຳນ້ຳງາ.

ປ່າສະຫງວນແຫ່ງຊາດ ນໍ້າກ່ານ ກຳລັງເປັນທີ່ນິຍົມຂອງຊາວຕ່າງປະເທດແລະຄົນລາວ ຫາກທ່ານໃດມັກການທ່ອງທ່ຽວແບບປະຈົນໄພແບບທຳມະຊາດ  ໄດ້ເຫັນສັດແບບໃກ້ຊິດ ຕ້ອງມາທີີນີ້

ນອກຈາກນີ້ແລ້ວ ແຂວງບໍ່ແກ້ວ ຍັງມີແຫຼ່ງທ່ອງທ່ຽວອີກຫຼາຍແຫ່ງທີ່ໜ້າສົນໃຈເຊັ່ນ: ບ້ານຕູບເມືອງຫ້ວຍຊາຍ,ພູຜາແດງ,ຄຸກເກົ່າ 24 ຫ້ອງ,ບໍ່ນໍ້າຮ້ອນຫົວນໍ້າເກິ່ງ, ເມືອງເກົ່າ ສຸວັນນະໂຄມຄໍາ ແລະ ອື່ນໆ ເຊິ່ງສະຖານທີ່ເຫຼົານີ້ຍັງຄົງລໍຄອຍພວກທ່ານມາສຳພັດ

ນ້ຳຕົກຕາດຄะ ແຂວງຊຽງຂວາງ

ຢູ່ລະຫວ່າງເສັ້ນທາງໂພນສະຫວັນຫາ ເມືອງໜອງແຮດ 99 ກິໂລແມັດ, ແລະ ຈາກທາງເລກ 7 ເຂົ້າໄປປະມານ 5 ກິໂລແມັດ, ທ່ານສາມາດພົບເຫັນຕາດຄະ ທີ່ເປັນຕາດທຳມະຊາດ ມີຄວາມສວຍງາມເປັນຢ່າງຍິ່ງ. ພາຍໃນຕາດ ປະກອບດ້ວຍຫຼາຍຂັ້ນ. ໃນນັ້ນ ຂັ້ນສຸດທ້າຍມີຄວາມສູງປະມານ40-50 ແມັດ. ແຕ່ລະຂັ້ນ ມີຄວາມສວຍງາມ ແລະ ສາມາດຍ່າງໄດ້ແຕ່ລຸ່ມຂຶ້ນເທິງ. ຄວາມກ້ວາງຂອງຕາດ ປະມານ 40-50 ແມັດ. ພາຍໃນຕາດ ແລະ ອ້ອມຂ້າງ ປະກອບດ້ວຍຕົ້ນໄມ້ ແລະ ຊີວະນາໆພັນ ທີ່ອຸດົມສົມບູນ. ຕາດຄະ ມີນ້ຳໄຫຼຕະຫຼອດປີ ເປັນນ້ຳທີ່ເກີດຈາກຮູຜາ.

tk2-696x522tk1

ແຫຼ່ງທ່ອງທ່ຽວແຫ່ງນີ້ ຍັງຈະຕ້ອງໄດ້ຈັດສັນແຫຼ່ງທ່ອງທ່ຽວຄືນໃໝ່, ສ້າງແຫຼ່ງທ່ອງທ່ຽວທີ່ສາມາດເຊື່ອມຕໍ່ກັນ ເຮັດໃຫ້ແຫຼ່ງທ່ອງທ່ຽວແຫ່ງນີ້ ຄືກັບວ່າບໍ່ເດີນທາງໄກປານໃດ ແລະ ສ້າງສິ່ງຮອງຮັບຕ່າງໆ ໄວ້ຄອຍບໍລິການນັກທ່ອງທ່ຽວ ທີ່ມາທ່ຽວຊົມ.

ບໍ່ນ້ຳຮ້ອນ ເມືອງ ຄຳ ແຂວງ ຊຽງຂວາງ

ບໍ່ນ້ຳຮ້ອນ ເມືອງ ຄຳ ແຂວງ ຊຽງຂວາງ ຕັ້ງຢູ່ພາກຕາເວັນອອກຂອງເມືອງຄຳ ຫ່າງຈາກຕົວເມືອງໂພນສະຫວັນປະມານ 70KM ໄປຕາມທາງເລກ7 ແລ້ວແຍກເຂັົ້າໄປປະມານ 4-5KM ບໍ່ຮ້ອນມີຄວາມຮ້ອນອຸນຫະພູມສູງ ສາມາດເຕົ້າໄຂ່ໃຫ້ສຸກໄດ້ ບໍ່ນ້ຳຮ້ອນ ທີ່ເກີດຈາກຫຼືບຫີນ ເປັນນ້ຳທີ່ໃສສະອາດ ແລະ ໄຫຼຕະຫຼອດປີ

3654-696x520186

ມາຮອດປະຈຸບັນ ບໍ່ນ້ຳຮ້ອນ ເມືອງ ຄຳ ໄດ້ມີການພັດທະນາໃຫ້ກາຍເປັນສະຖານທີ່ທ່ອງທ່ຽວ ໂດຍໄດ້ມອບໃຫ້ເອກະຊົນສຳປະທານ ເຊິ່ງພວກເຂົາໄດ້ສ້າງອ່າງນ້ຳຮ້ອນຂຶ້ນ ເພື່ອເຮັດບ່ອນອາບນ້ຳໃນລະດູໜາວ, ນອກຈາກນີ້ຍັງມີການສ້າງສວນດອກໄມ້ທີ່ສວຍງາມ ແລະ ມີສວນສັດນ້ອຍໄວ້ໃຫ້ຄົນທີ່ມາທ່ຽວໄປໄດ້ເບິ່ງ, ມີບ່ອນຫຼິ້ນ, ບ່ອນກິນ ທີ່ສະດວກສະບາຍກວ່າເມື່ອກ່ອນ ແລະ ຕອນນີ້ແມ່ນກຳລັງສ້າງສະໜາມກ໋ອບອີກດ້ວຍ.

ແຕ່ລະປີມີນັກທ່ອງທ່ຽວທັງພາຍໃນແຂວງ, ຕ່າງແຂວງ ໄປທ່ຽວ ແລະໄປອາບນ້ຳບໍ່ຂາດ ໂດຍສະເພາະ ຍາມງານບຸນຕ່າງໆເຊັ່ນ ບຸນປີໃຫມ່ລາວ ແລະອື່ນໆ ເພາະເຊື່ອກັນວ່າເມື່ອໄດ້ອາບນ້ຳຮ້ອນບໍ່ດັ່ງກ່າວແລ້ວ ສາມາດເຮັດໃຫ້ຄົນທີ່ເປັນໂລກຜີວໜັງ ຢ່າງເຊັ່ນ ເປັນຕຸ່ມຕາມຜີວໜັງໃຫ້ຫາຍດີໄດ້ວ່າຊັ້ນ.

ແຫຼ່ງທ່ອງທ່ຽວປະຫວັດສາດ ຖໍ້າປີວ

ເລີ່ມແຕ່ປີ 1964 (ສົງຄາມເພີ່ມທະວີຢູ່ລາວ) ຂອງອາເມລິກາ ແລະ ລູກມື ຫວັງດັບມອດຂະບວນການຕໍ່ສູ້ເພື່ອສັນຕິພາບ ແລະ ເອກະລາດແຫ່ງຊາດ ຂອງປະຊາຊົນເຮົາ; ໄດ້ເພີ່ມທະວີຄວາມດຸເດືອດ ແລະ ຮຸນແຮງເລື້ອຍໆ, ພວກເຂົາ ໄດ້ເປີດສາກບຸກໂຈມຕີເຂົ້າເຂດປົດປ່ອຍ ຂອງກ່ຳລັງຮັກຊາດ ດ້ວຍຫຼາຍບັ້ນຮົບໃນຂອບເຂດທົ່ວປະເທດ. ຢູ່ຊຽງຂວາງ, ພວກເຂົາໄດ້ເປີດຫຼາຍບັ້ນຮົບ ດ້ວຍຍຸດໂທບາຍ 3 ກ້ຽງ, ຂ້າກ້ຽງ, ທຳລາຍກ້ຽງ, ດັບສູນກ້ຽງ. ແຕ່ຍຸດທະສາດບຽດຍຶດຂອງພວກເຂົາ;ເຂດປົດປ່ອຍຂອງພວກເຮົາ ໄດ້ຖືກກຳລັງຮັກຊາດ ແລະ ປະຊາຊົນເຮົາ ຕໍ່ຕ້ານຢັນຄືນຢ່າງດຸເດືອດ ພິລະອາດຫານ, ສາມາດຕີຖອຍ ແລະ ເປີດກວ້າງເຂດປົດປ່ອຍຂຶ້ນເລື້ອຍໆ; ພາຍໃຕ້ການນຳພາຂອງສູນກາງພັກ ໂດຍສະເພາະຂອງຄະນະພັກການທະຫານແຂວງຊຽງຂວາງ ໂດຍແມ່ນ ທ່ານ ສະໝານ ວິຍະເກດ ເປັນຜູ້ບັນຊາການສູງສຸດ, ສາມາດທັບມ້າງກົນອຸບາຍບຽດຢຶດ ເຂດປົດປ່ອຍຂອງພວກເຂົາ ໃຫ້ປະລາໄຊລົງ. ຍ້ອນການປະລາໄຊອັນເຈັບແສບ ຢູ່ບັ້ນຮົບຕ່າງໆນັ້ນ; ພວກເຂົາຈຶ່ງເພີ່ມທະວີຝູງຍົນສູ້ຮົບຍິງທຳລາຍເຜົາຜານເຂດປົດປ່ວຍຢ່າງປ່ວງບ້າ, ໃຊ້ຍົນຖິ້ມລະເບີດຢ່າງບໍ່ເລືອກເປົ້າໝາຍ, ຕະຫຼອດຮອດເຮືອນຊານບ້ານຊ່ອງຂອງປະຊາຊົນ, ໂຮງຮຽນ, ໂຮງໝໍ, ວັດວາອາຮາມ, ນັບທັງຊີວິດ ແລະ ຊັບສິນຂອງປະຊາຊົນ ຈົນນັບບໍ່ຖ້ວນ. ໃນນັ້ນ ມີເຫດການໜຶ່ງ ທີ່ທຸກຄົນອາດລືມບໍ່ໄດ້ ນັ້ນກໍ່ຄື: ໂສກອະນາດຕະກຳ ຈາກການຍິງລູກສອນໄຟໃສ່ຖ້ຳປິເມືອງຄຳ, ແຂວງຊຽງຂວາງ ຂອງກຳລັງອາກາດສະຫະລັດອາເມລິກາ ໃນມື້ວັນທີ່ 24 ພະຈິກ 1968 ໄດ້ເຂ່ັນຂ້າປະຊາຊົນທີ່ລີ້ໄພຢູ່ໃນນັ້ນ ເສຍຊີວິດພາບດຽວ 374 ຄົນ ໃນພຽງສ້ຽວວິນາທີ. ດັ່ງນັ້ນ ໃນວັນທີ່ 24 ເດືອນພະຈິກຂອງທຸກໆປີ ຈຶ່ກາຍເປັນວັນຄຽດແຄ້ນສົງຄາມຮຸກຮານ, ເປັນວັນລະນຶກ ແລະ ໄຫວ້ອາໄລ ເຖິງດວງວິນຍານຂອງພໍ່ແມ່ປະຊາຊົນຜູ້ບໍລີສຸດ ເຊິ່ງຕົກເປັເຫຍື່ອເຄາະຮ້າຍຈາກເຫດການຄັ້ງນັ້ນ.

%e0%ba%96%e0%bb%8d%e0%bb%89%e0%ba%b2%e0%ba%9b%e0%ba%b4%e0%ba%a7

ພວກເພິ່ນໄດ້ສະຫຼະຊີວິດ, ເລືອດເນື້ອ ເພື່ອເອກະລາດແຫ່ງຊາດ, ເພື່ອ ຄວາມສົມດູນພູນສຸກຂອງພວກເຮົາໃນວັນນີ້.ແຫຼ່ງທ່ອງທ່ຽວຖ້ຳປີວນີ້ ຍັງຈະຕ້ອງໄດ້ປັບປຸງເສັ້ນທາງເຂົ້າໃຫ້ມີຄວາມສະດວກສະບາຍຂຶ້ນ ແລະ ສາມາດຮອງຮັບໃຫ້ແກ່ງານບຸນຖ້ຳປິວແຫ່ງນີ້ ແລະ ຍັງຈະໄດ້ປັບປຸງສິ່ງຮອງຮັບຕ່າງໆ ເຊັນ: ຫ້ອງນ້ຳ, ຮ້ານອາຫານ…    ເລີ່ມແຕ່ປີ 1964 (ສົງຄາມເພີ່ມທະວີຢູ່ລາວ) ຂອງອາເມລິກາ ແລະ ລູກມື ຫວັງດັບມອດຂະບວນການຕໍ່ສູ້ເພື່ອສັນຕິພາບ ແລະ ເອກະລາດແຫ່ງຊາດ ຂອງປະຊາຊົນເຮົາ; ໄດ້ເພີ່ມທະວີຄວາມດຸເດືອດ ແລະ ຮຸນແຮງເລື້ອຍໆ, ພວກເຂົາ ໄດ້ເປີດສາກບຸກໂຈມຕີເຂົ້າເຂດປົດປ່ອຍ ຂອງກ່ຳລັງຮັກຊາດ ດ້ວຍຫຼາຍບັ້ນຮົບໃນຂອບເຂດທົ່ວປະເທດ. ຢູ່ຊຽງຂວາງ, ພວກເຂົາໄດ້ເປີດຫຼາຍບັ້ນຮົບ ດ້ວຍຍຸດໂທບາຍ 3 ກ້ຽງ, ຂ້າກ້ຽງ, ທຳລາຍກ້ຽງ, ດັບສູນກ້ຽງ. ແຕ່ຍຸດທະສາດບຽດຍຶດຂອງພວກເຂົາ;ເຂດປົດປ່ອຍຂອງພວກເຮົາ ໄດ້ຖືກກຳລັງຮັກຊາດ ແລະ ປະຊາຊົນເຮົາ ຕໍ່ຕ້ານຢັນຄືນຢ່າງດຸເດືອດ ພິລະອາດຫານ, ສາມາດຕີຖອຍ ແລະ ເປີດກວ້າງເຂດປົດປ່ອຍຂຶ້ນເລື້ອຍໆ; ພາຍໃຕ້ການນຳພາຂອງສູນກາງພັກ ໂດຍສະເພາະຂອງຄະນະພັກການທະຫານແຂວງຊຽງຂວາງ ໂດຍແມ່ນ ທ່ານ ສະໝານ ວິຍະເກດ ເປັນຜູ້ບັນຊາການສູງສຸດ, ສາມາດທັບມ້າງກົນອຸບາຍບຽດຢຶດ ເຂດປົດປ່ອຍຂອງພວກເຂົາ ໃຫ້ປະລາໄຊລົງ. ຍ້ອນການປະລາໄຊອັນເຈັບແສບ ຢູ່ບັ້ນຮົບຕ່າງໆນັ້ນ; ພວກເຂົາຈຶ່ງເພີ່ມທະວີຝູງຍົນສູ້ຮົບຍິງທຳລາຍເຜົາຜານເຂດປົດປ່ວຍຢ່າງປ່ວງບ້າ, ໃຊ້ຍົນຖິ້ມລະເບີດຢ່າງບໍ່ເລືອກເປົ້າໝາຍ, ຕະຫຼອດຮອດເຮືອນຊານບ້ານຊ່ອງຂອງປະຊາຊົນ, ໂຮງຮຽນ, ໂຮງໝໍ, ວັດວາອາຮາມ, ນັບທັງຊີວິດ ແລະ ຊັບສິນຂອງປະຊາຊົນ ຈົນນັບບໍ່ຖ້ວນ. ໃນນັ້ນ ມີເຫດການໜຶ່ງ ທີ່ທຸກຄົນອາດລືມບໍ່ໄດ້ ນັ້ນກໍ່ຄື: ໂສກອະນາດຕະກຳ ຈາກການຍິງລູກສອນໄຟໃສ່ຖ້ຳປິເມືອງຄຳ, ແຂວງຊຽງຂວາງ ຂອງກຳລັງອາກາດສະຫະລັດອາເມລິກາ ໃນມື້ວັນທີ່ 24 ພະຈິກ 1968 ໄດ້ເຂ່ັນຂ້າປະຊາຊົນທີ່ລີ້ໄພຢູ່ໃນນັ້ນ ເສຍຊີວິດພາບດຽວ 374 ຄົນ ໃນພຽງສ້ຽວວິນາທີ. ດັ່ງນັ້ນ ໃນວັນທີ່ 24 ເດືອນພະຈິກຂອງທຸກໆປີ ຈຶ່ກາຍເປັນວັນຄຽດແຄ້ນສົງຄາມຮຸກຮານ, ເປັນວັນລະນຶກ ແລະ ໄຫວ້ອາໄລ ເຖິງດວງວິນຍານຂອງພໍ່ແມ່ປະຊາຊົນຜູ້ບໍລີສຸດ ເຊິ່ງຕົກເປັເຫຍື່ອເຄາະຮ້າຍຈາກເຫດການຄັ້ງນັ້ນ. ພວກເພິ່ນໄດ້ສະຫຼະຊີວິດ, ເລືອດເນື້ອ ເພື່ອເອກະລາດແຫ່ງຊາດ, ເພື່ອ ຄວາມສົມດູນພູນສຸກຂອງພວກເຮົາໃນວັນນີ້.ແຫຼ່ງທ່ອງທ່ຽວຖ້ຳປີວນີ້ ຍັງຈະຕ້ອງໄດ້ປັບປຸງເສັ້ນທາງເຂົ້າໃຫ້ມີຄວາມສະດວກສະບາຍຂຶ້ນ ແລະ ສາມາດຮອງຮັບໃຫ້ແກ່ງານບຸນຖ້ຳປິວແຫ່ງນີ້ ແລະ ຍັງຈະໄດ້ປັບປຸງສິ່ງຮອງຮັບຕ່າງໆ ເຊັນ: ຫ້ອງນ້ຳ, ຮ້ານອາຫານ…

ທົ່ງໄຫຫີນ

images-4hh3-93a6133a9-82f8-4089-aaf0-784386342345-696x366

 

ສາລະວັນ “ສີ່ພັນຂຸມ” ແຫຼ່ງທ່ອງທ່ຽວມະຫັດສະຈັນທາງທຳມະຊາດ

ເມືອງລະຄອນເພັງ ແມ່ນ1 ໃນ 8 ເມືອງຂອງແຂວງ ສາລະວັນ, ໃນນັ້ນຖ້າເວົ້າເຖິງສະຖານທີ່ທ່ອງທ່ຽວພາຍໃນເມືອງລະຄອນເພັງແລ້ວ ກໍ່ມີຫລາຍບ່ອນທີ່ຫນ້າສົນໃຈ ໂດຍສະເພາະທາງດ້ານວັດທະນະທຳ ແລະ ທຳມະຊາດ, ຄຽງຄູ່ກັນນັ້ນ ປະຊາຊົນຊາວ ເມືອງ ລະຄອນເພັງ ຍັງເປັນຜູ້ທີ່ມີຈິດໃຈໂອບເອື້ອຍອາລີ, ມີຄວາມດຸຫມັ້ນຂະຫຍັນພຽງ, ຮັກ ແລະ ຫວງແຫນໃນມູນເຊື້ອທາງດ້ານມໍລະດົກວັດທະນະທຳອັນດີງາມ ກໍ່ຄືຂອງຊາດ. ການທ່ອງທ່ຽວ ທີ່ເມືອງ ລະຄອນເພັງ ຄັ້ງນີ້ ແມ່ນຈະນຳສະເຫນີ ສະຖານທີ່ທ່ອງທ່ຽວທາງທຳມະຊາດ ສິ່ງທີ່ເປັນຫນ້າອັດສະຈັນ ທີ່ເກີດຂື້ນຈາກການກັດເຊາະຂອງແມ່ນ້ຳຂອງ ນັ້ນກໍ່ແມ່ນ ປະຕິມາກຳແຫ່ງແມ່ນໍ້າຂອງ 4000 ຂຸມ ( ສີ່ພັນຂຸມ) ຫລື ທີ່ເຄີຍໄດ້ຍິນຝັ່ງໄທເອີ້ນກັນວ່າ 3000 ໂບກ, ແຕ່ຝັງລາວ ມີເຖິງ 4000 ຂຸມ.

9d 911 6363

ການທ່ອງທ່ຽວ 4000 ຂຸມ ເຫມາະສົມທີ່ສຸດ ແມ່ນໃນໄລຍະເດືອນ ມັງກອນ ເຖິງ ເດືອນ ມີຖຸນາ ໃນທຸກໆປີ ນ້ຳຂອງຈະບຸກແຫ້ງ ເຫລືອໄວ້ພຽງແຕ່ລານຫິນ ທີ່ກວ້າງໃຫຍ່ ແລະ ເຕັມໄປດ້ວຍຂຸມນ້ອຍ-ໃຫຍ່ ທີ່ສວຍງາມ ຄືກັບຜົນງານທາງປະຕິມາກຳ ທີ່ເກີດມາຈາກທຳມະຊາດ. ສ່ວນໄລຍະ ແຕ່ເດືອນ ກໍລະກົດ ຫາ ເດືອນ ທັນວາ ນ້ຳຂອງແມ່ນຈະຖ້ວມໃນບໍລິເວນດັ່ງກ່າວ. ການເດີນທາງມາທ່ອງທ່ຽວ ແຫລ່ງທ່ອງທ່ຽວດັ່ງກ່າວ ນັກທ່ອງທ່ຽວສາມາດ ຮ່ວມສ້າງກິດຈະກຳໃນຫລາຍຮູບແບບ ເປັນຕົ້ນການລົງຫລີ້ນນ້ຳ ເພື່ອຜ່ອນຄາຍຄວາມຮ້ອນ, ການຫາປາຕາມແມ່ນ້ຳ, ການຕັ້ງແຄ້ມພັກຜ່ອນ ຫລື ຮັບປະທານອາຫານ ທາມກາງທຳມະຊາດ.

ສາລະວັນຖືເປັນອີກແຂວງໜຶ່ງທີ່ມີບັນດາແຫຼ່ງທ່ອງທ່ຽວສວຍງາມຫຼາກຫຼາຍແຫ່ງສາມາດສ້າງແຮງຈູງໃຈດຶງດູດເອົານັກທ່ອງທ່ຽວເຂົ້າມາທ່ຽວຊົມໄດ້ເປັນຢ່າງດີບໍ່ວ່າຈະເປັນທາງວັດທະນະທໍາ, ທໍາມະຊາດ ແລະປະຫວັດສາດ, ໃນນີ້ແຫຼ່ງທ່ອງທ່ຽວສີ່ພັນຂຸມບ້ານທ່ານັບວ່າ ເປັນອີກຜະລິດຕະພັນທ່ອງທ່ຽວ ຂອງແຂວງທີ່ໜ້າມະຫັດສະຈັນ ຊຶ່ງໄດ້ຮັບຄວາມສົນໃຈຈາກບັນດານັກທ່ອງທ່ຽວຢ່າງແຜ່ຫຼາຍເຊັ່ນກັນ.

ສໍາລັບແຫຼ່ງທ່ອງທ່ຽວສີ່ພັນຂຸມແຫ່ງນີ້ມີລັກສະນະທີ່ແປກຕາ ແລະໜ້າມະຫັດສະຈັນໃຈ, ເນື່ອງຈາກຫີນ ແຜນໃຫຍ່ຖືກນໍ້າເຈາະເຊາະເປັນເວລາຫຼາຍຮ້ອຍປີໄດ້ເກີດເປັນຂຸມນ້ອຍໃຫຍ່ນັບຫຼາຍພັນຂຸມ ແລະແຕ່ລະຂຸມ ຈະມີນໍ້າຂັງເໜືອນກັບວ່ານໍ້າສ້າງ ແລະນໍ້າຈະໃສເບິ່ງແລ້ວສວຍງາມສະອາດຕາ ເຊິ່ງໄດ້ມີຄໍາຊ່າລືອັນຫຼາກຫຼາຍແຕກຕ່າງກັນໄປກ່ຽວກັບ ປະຫວັດຄວາມເປັນມາຂອງສີ່ພັນຂຸມນີ້ ເຊິ່ງບໍ່ທັນມີຄວາມຈະແຈ້ງເທື່ອ, ປະຈຸບັນແມ່ນຢູ່ພາຍໃຕ້ການຄຸ້ມຄອງດູແລ ໂດຍກົງຈາກຫ້ອງການຖະແຫຼງຂ່າວ, ວັດທະນະທໍາ ແລະທ່ອງທ່ຽວ (ຖວທ) ເມືອງລະຄອນເພັງ ໂດຍສົມທົບກັບອົງການ ປົກຄອງບ້ານທ່າ.

ຢ່າງໃດກໍ່ຕາມ ຖ້າຫາກວ່ານັກ ທ່ອງທ່ຽວທ່ານໃດທີ່ສົນໃຈກໍສາມາດໄປທ່ຽວໄປຊົມກັນໄດ້ ເຊິ່ງນອກຈາກຈະມີຂຸມຈໍານວນຫຼາຍໃຫ້ໄດ້ຊົມກັນແລ້ວບໍລິເວນອ້ອມຮອບເຂດ ດັ່ງກ່າວຍັງເຕັມໄປດ້ວຍພູຜາປ່າໄມ້ຂຽວສົດງົດງາມອັນລ້ວນແລ້ວແຕ່ ຜະລິດສາຍລົມໃຫ້ມີອາກາດເຢັນສົດຊື່ນຢູ່ຕະຫຼອດເວລາ, ຍິ່ງຖ້າໄດ້ ຖ່າຍພາບໄວ້ເປັນທີ່ລະນຶກກັບສິ່ງແວດລ້ອມຄຽງຄູ່ກັບຂຸມຫີນທີ່ໜ້າອັດສະຈັນແລ້ວຍິ່ງຈະສ້າງຄວາມຊົງຈໍາທີ່ຍາກຈະລືມໄດ້, ເອົາເປັນວ່າຖ້າມີໂອກາດໄດ້ເດີນທາງໄປທາງພາກໃຕ້ກໍຢ່າງລືມໄປແວ່ຊົມກໍແລ້ວກັນເຊື່ອແນ່ວ່າທ່ານຈະປະທັບໃຈຢ່າງແນ່ນອນ.

ສາລະວັນ ດິນແດນອົງແກ້ວອົງກົມມະດຳ ຕັ້ງຢູ່ທາງພາກໃຕ້ ຂອງສປປລາວ, ມີເມືອງສາລະວັນເປັນເທດສະບານ ຫລື ເມືອງເອກ. ເປັນແຂວງທີ່ມີຄວາມຫາກຫລາຍທາງດ້ານວັດທະນະທໍາ ແລະ ຮີດຄອງປະເພນີ ທີ່ຫນ້າສຶກສາ ແລະຄົ້ນຫາ. ສະແດງອອກຜ່ານການຮ້ອງລໍາທໍາເພງເຊັ່ນ: ລໍາສາລະວັນອັນມີຊື່ສຽງໂດ່ງດັງໄປທົ່ວປະເທດ, ລໍາຄົງເຊໂດນ, ລໍາຜູ້ໄທ,ລໍາຕາລີມອນ, ລໍາກະເລີ້ຍ ແລະ ອື່ນໆ.

23-5-696x349

ນອກຈາກວັດທະນະທໍາແລ້ວ ດິນແດນແຫ່ງນິ້ຍັງມີທຳມະຊາດເປັນຈຸດເດັ່ນ ມີຕົກຕາດທີ່ມີຊື່ສຽງຫລາຍແຫ່ງ ສົມກັບຄຳຂວັນທີ່ວ່າ: “ໝາກພ້າວນາໄຊ ປິ້ງໄກ່ນາປົ່ງ ເຫລົ້າຂາວເມືອງຄົງ ລຳວົງສາລະວັນ”.

ສາລະວັນຍັງເປັນດິນແດນທີ່ມີຮອງຮອຍແຫ່ງອູ່ອະລິຍະທໍາ ພະອົງຕື້ແຫ່ງວັດໂອກາດ ເປັນພະສັກສິດຄູ່ບ້ານຄູ່ເມືອງຂອງຊາວແຂວງສາລະວັນ, ຫໍໄຕສາລະວັນ ສັນນິຖານສ້າງຂຶ້ນໃນສັດຕະວັດທິ17-18ດ້ວຍໄມ້ເນື້ອແຂງທັງຫມົດມີໂຄງສ້າງຮູບຊົງທີ່ສວຍງາມສົມສ່ວນ ປະດັບດ້ວຍລວດລາຍອັນວິຈິດປານີດ ຖືເປັນສະຖາປັດຕະຍະກໍາທີ່ມີເອກະລັກໂດດເດັ່ນງາມສະຫງ່າ.

ອຸທິຍານຕາດເລາະ ຕັ້ງຢູ່2ຝັ່ງເຊເສັດ ມີນໍ້າຕົກຕາດທີ່ສວຍງາມ2ແຫ່ງປ່າໄມ້ຂຽວສົດ ແລະອາກາດຮົ່ມເຢັນ ເຫມາະສໍາລັບການພັກຜ່ອນຢ່ອນໃຈ, ພ້ອມນີ້ຍັງມີການບໍລິການຂີ່ຊ້າງຊົມທິວທັດ.

ດິນແດນສາລະວັນ ຕັ້ງຢູ່ພາກໃຕ້ຂອງປະເທດ ເຊິ່ງມີດິນແດນສ່ວນຫນຶ່ງຂອງພູພຽງບໍລິເວນອັນອຸດົມຮັ່ງມີ.

ມີຊາຍແດນຕິດກັບປະເທດຫວຽດນາມທາງດ້ານຕາເວັນອອກ ແລະ ປະເທດໄທຢູ່ຕາເວັນຕົກ .ຍ້ອນມີຕົ້ນຮັງ(ສາລະ)ເກີດຂຶ້ນຫລາຍຈິ່ງເອີ້ນວ່າສາລະວັນ ເຊິ່ງມີຄວາມຫມາຍວ່າດິນແດນແຫ່ງຕົ້ນຮັງ.

ສາລະວັນມີທ່ອງທ່ຽວທີ່ຫລາກຫລາຍທັງວັດທະນະທໍາ ແລະ ທຳມະຊາດ ສະຖານທີ່ທ່ອງທ່ຽວທີ່ຢາກແນະນຳປະກອບມີ

20090701_104016nikond80 x38-20101117143829-jpg-pagespeed-ic-xw561kcy8n

+ອຸທິຍານຕາດເລາະ

+ນ້ຳຕົກຕາດສູງເຊເຊັດ

+ອະນຸສາວະລີອົງແກ້ວ-ສວນແຄນ

+ນ້ຳຕົກຕາດເທວະດາ

+ຫັດຖະກຳຕໍາແພບ້ານຫ້ວຍຫີນ

+ຕາດແສນ

+ຕາດໄມ້ເຮ້ຍ

+4000ຂຸມບ້ານທ່າ

+ນ້ຳຕົກຕາດແກ້ງກຸ ແລະ ສະຖານທີ່ທ່ອງທ່ຽວແຫ່ງອື່ນໆອີກ