ຄໍາວ່າ: Hisense ຄົນລາວຈໍານວນຫລວງຫລາຍອາດຍັງບໍ່ທັນຮູ້ຈັກ ຫລື ຄຸ້ນເຄີຍ, ແຕ່ສໍາລັບຢູ່ປະເທດຈີນແລ້ວ ຄົນຈີນຮູ້ຈັກກັນດີໃນຖານະກຸ່ມບໍລິສັດທີ່ຜະລິດເຄື່ອງໃຊ້ໄຟຟ້າໃນຄົວເຮືອນ ຍີ້ຫໍ້ Hisense ອັນດັບຕົ້ນໆ ຂອງຈີນ ແລະ ຂອງໂລກ, ເຊີ່ງມາຮອດປັດຈຸບັນ ກຸ່ມບໍລິສັດດັ່ງກ່າວໄດ້ຈໍາໜ່າຍເຄື່ອງໃຊ້ໄຟຟ້າໃນຄົວເຮືອນທີ່ຫລາກຫລາຍເກືອບທົ່ວໂລກ.
ເມື່ອບໍ່ດົນມານີ້, ສື່ມວນຊົນຫລາຍກວ່າ 30 ຄົນ ຈາກ 23 ປະເທດໃນອາຊີປາຊີຟິກ ແລະ ອາຟຼິກກາ ໄດ້ເດີນທາງໄປຢ້ຽມຢາມ ກຸ່ມບໍລິສັດ Hisense ເຊີ່ງມີສໍານັກງານໃຫຍ່ຕັ້ງຢູ່ເມືອງ ຊິງຕາວ, ແຂວງຊານຕົງ, ປະເທດຈີນ ແລະ ໄດ້ຮັບຟັງການລາຍງານກ່ຽວກັບຄວາມເປັນມາ, ການຜະລິດ ແລະ ການຈໍາໜ່າຍເຄື່ອງໃຊ້ໄຟຟ້າຂອງກຸ່ມບໍລິສັດດັ່ງກ່າວຈາກເຈົ້າໜ້າທີ່ກ່ຽວຂ້ອງ.
Hisense ເປັນກຸ່ມບໍລິສັດທີ່ຜະລິດເຄື່ອງໃຊ້ໄຟຟ້າໃນຄົວເຮືອນທີ່ຫລາກຫລາຍ ແລະ ນໍາໃຊ້ເຕັກໂນໂລຊີທີ່ທັນ ສະໄໝ ໂດຍສະເພາະແມ່ນການນໍາໃຊ້ລະບົບປັນຍາປະດິດ ຫລື AI (Artificial Intelligence), ເປັນອຸດສາຫະກໍາທີ່ຂາຍສິນຄ້າເຖີງລູກຄ້າໂດຍກົງໂດຍບໍ່ໄດ້ຜ່ານມືກາງ ຫລື B2C (Business to Consumer). ສິນຄ້າທີ່ຜະລິດມີຫລາກຫລາຍ ເປັນຕົ້ນແມ່ນ: ໂທລະພາບ, ຕູ້ເຢັນ, ແອເຢັນໃນເຮືອນ ແລະ ແອເຢັນເຄື່ອນທີ່, ໂທລະສັບ ແລະ ອື່ນໆ ເຊີ່ງແຕ່ລະປະເພດມີຫລາຍລະດັບ ແລະ ມີການໃຊ້ງານທີ່ສາມາດເຊື່ອມຕໍ່ກັບລະບົບທັນສະໄໝ ໂດຍສະເພາະລະ ບົບ AI ທີ່ແຕກຕ່າງກັນ.
ສໍາລັບໂທລະພາບທີ່ ກຸ່ມບໍລິສັດ Hisense ຜະລິດຖືວ່າໄດ້ຮັບຄວາມນິຍົມສູງ ແລະ ເຄີຍຄອງອັນດັບ 1 ໃນການຈໍາໜ່າຍຢູ່ຈີນເປັນເວລາຫລາຍປີຕິດຕໍ່ກັນ. ນອກຈາກນີ້ ຜ່ານມາກຸ່ມບໍລິສັດດັ່ງກ່າວເຄີຍໃຫ້ການສະໜັບສະໜູນການແຂ່ງຂັນບານເຕະເອີລົບປີ 2016 ແລະ ບານເຕະໂລກປີ 2018 ມາແລ້ວ ເຊີ່ງເປັນອີກປັດໃຈໜຶ່ງທີ່ເຮັດໃຫ້ຫລາຍປະເທດຮູ້ຈັກສິນຄ້າຂອງ ກຸ່ມບໍລິສັດ Hisense ດີຂຶ້ນກວ່າເກົ່າ.
ໃນປີ 2021 ຜ່ານມາ, ລາຍຮັບປະຈໍາປີຂອງ ກຸ່ມບໍລິສັດ Hisense ບັນລຸເຖີງ 175,5 ຕື້ຢວນ, ທຽບໃສ່ປີ 2020 ເພີ່ມຂຶ້ນ 24%, ໃນນີ້ ລາຍຮັບຈາກການຈໍາໜ່າຍຢູ່ຕ່າງປະເທດ 72,5 ຕື້ຢວນ, ທຽບໃສ່ປີ 2020 ເພີ່ມຂຶ້ນ 32%.
ສິນຄ້າ ຍີ່ຫໍ້ Hisense ທີ່ຈໍາໜ່າຍຢູ່ລາວເຮົາ ອາດມີບໍ່ຫລາຍ, ແຕ່ສໍາລັບຢູ່ປະເທດໃກ້ຄຽງຂອງລາວ ໂດຍສະ ເພາະແມ່ນປະເທດໄທ, Hisense ໄດ້ເຂົ້າໄປແຕ່ປີ 2016 ເຊີ່ງເບື້ອງຕົ້ນໄດ້ນໍາເອົາໂທລະພາບມາຈໍາໜ່າຍ ຈາກນັ້ນມາຮອດປີ 2019 ໄດ້ນໍາເອົາຕູ້ເຢັນມາຈໍາໜ່າຍ ເຮັດໃຫ້ແນ່ ນອນວ່າ ຖ້າຫາກສິນຄ້າ ຍີ່ຫໍ້ Hisense ມີຈໍາຫນ່າຍຢູ່ປະ ເທດໄທ ຢູ່ລາວເຮົາກໍ່ມີຈໍາໜ່າຍເຊັ່ນດຽວກັນ ເພາະສິນຄ້າເຫລົ່ານີ້ສ່ວນຫລາຍລາວເຮົານໍາເຂົ້າຈາກປະເທດໄທ ແຕ່ຄວາມນິຍົມຂອງຄົນລາວອາດບໍ່ທັນສູງ ເພາະຍັງບໍ່ທັນຄຸ້ນເຄີຍກັບ Hisense ມາກ່ອນ.
May be an image of 3 people, laptop, screen and television
Loading...