ເມື່ອບໍ່ດົນມານີ້, ໃນໂອກາດເດີນທາງຢ້ຽມຢາມ ສປປ ລາວ ຂອງຄະນະຜູ້ແທນເຂດບໍລິຫານພິເສດຮົງກົງ ນຳໂດຍ ທ່ານ ຈອນ ລີ ກາຊິວ ຫົວໜ້າຄະນະບໍລິຫານງານເຂດບໍລິຫານພິເສດຮົງກົງ, ສປ ຈີນ.ຕາງຫນ້າບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດ ຫຼື LADT, ທ່ານ ຊີຣີວ ເສິງ, ຮອງປະ ທານບໍລິສັດ ບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດ ໄດ້ໃຫ້ສໍາພາດຕໍ່ສື່ມວນຊົນລາວ ແລະ ຮົງກົງ ເຊິ່ງເປັນສຳນັກຂ່າວທີ່ມີຊື່ສຽງ ເຊັ່ນ: ໂທລະພາບແຫ່ງຊາດລາວ, Sing Tao Headline, Now News ແລະ HKTKWW ກ່ຽວກັບວິສາຫະກິດຮົງກົງທີ່ເຂົ້າມາລົງທຶນໃນ ບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດ, ພ້ອມດ້ວຍຄໍາ ຫມັ້ນສັນຍາ ເພື່ອພັດທະນາແພັດຟອມການຊຳລະເງິນດິຈິຕອນ ຂ້າມຊາຍແດນ ແລະ ທຸລະກິດການຊຳລະເງິນຫຼຽນໃຫ້ຫມັ້ນຄົງ.
ສຳລັບເຫດຜົນຂອງການລົງທຶນໃນລາວ, ທ່ານ ຊີຣີວ ເສິງ ກ່າວວ່າ: “ແພັດຟອມການຊຳລະເງິນທາງໂທລະສັບມືຖື ດ້ວຍ NewPay ຂອງ ບໍລິສັດ ລາວເນເຊັນນໍ ດິຈິຕ໋ອນ ເທັກໂນໂລຢີ ກຣຸບ ຈໍາກັດ ໄດ້ເຂົ້າສູ່ຕະຫຼາດລາວໃນປີ 2019, ໂດຍຜະລິດ ຕະພັນການຊຳລະເງິນມືຖືຂອງ ຕົນໄດ້ເປີດຕົວໃນປີ 2021.
ການເຄື່ອນໄຫວນີ້ສອດຄ່ອງກັບຂໍ້ລິເລີ່ມ “ໜຶ່ງແລວທາງໜຶ່ງເສັ້ນທາງ” ແລະ ການລົງທຶນໃນປະເທດລາວ. ການຮວບຮວມເອົາອຸດສາຫະກຳດິຈິຕອນ ເປັນຍຸດທະສາດການພັດທະນາແຫ່ງຊາດອັນສຳຄັນ, ອຳນວຍຄວາມສະດວກໃຫ້ແກ່ການ ຫັນເປັນອຸດສາ ຫະກຳທີ່ຕິດພັນທາງ ດ້ານດິຈິຕອນ.
ນອກນັ້ນ, ການເປີດທາງລົດໄຟ ລາວ-ຈີນ ໄດ້ຫັນປະເທດລາວຈາກປະເທດທີ່ມີໂອກາດໜ້ອຍທາງດ້ານພູມສາດມາເປັນປະເທດໜຶ່ງທີ່ມີທ່າໄດ້ປຽບທາງດ້ານພູມສາດໃນແຫຼມອິນດູຈີນ, ລາວມີຄວາມພ້ອມທີ່ຈະເປີດໂອກາດການພັດທະນາຫຼາຍດ້ານໃນອະນາຄົດ, ສະນັ້ນ, LADT ຈຶ່ງເລືອກເອົາລາວເປັນຈຸດເລີ່ມຕົ້ນຍຸດທະສາດເພື່ອຂະຫຍາຍອອກສູ່ຕະຫຼາດໃນ 10 ປະເທດອາຊຽນ.
