ກອງປະຊຸມເວທີປືກສາຫາລືການຮ່ວມມືນະຄອນມິດຕະພາບ ແລະ ອົງການປົກຄອງທອ້ງຖິ່ນ ຂອງບັນດາປະເທດສະມາຊິກສັນຍາຄູ່ຮ່ວມມືເສດຖະກິດຮອບດ້ານ ໃນພາກພື້ນ ຫລື RCEP ຈັດຂຶ້ນໃນວັນທີ 21 ມິຖຸນານີ້ ທີ່ນະຄອນຫວງຊ່ານ ແຂວງອ່ານຮຸ່ຍ ສປ ຈີນ. ໂດຍມີຄະນະຜູ້ແທນທີ່ມາຈາກ 15 ປະເທດສະມາຊິກ RCEP ເຊັ່ນ: ອົດສະຕຣາລີ, ບຣູໄນ, ກຳປູເຈຍ, ສປ ຈີນ, ອິນໂດເນເຊຍ, ຍີ່ປຸ່ນ, ສ ເກົາຫລີ, ມາເລເຊຍ, ມຽນມາ, ນູແວນ ເຊລັງ, ຟິລິປິນ, ສິງກະໂປ, ໄທ, ຫວຽດນາມ ແລະຄະນະຜູ້ແທນລາວ ນຳໂດຍ ທ່ານ ສົມມາດ ພົນເສນາ ຮອງປະທານສະພາແຫ່ງຊາດລາວ ເຂົ້າຮ່ວມ.
ໃນໂອກາດນີ້, ທ່ານ Losang Jamcan ຮອງປະທານສະພາຜູ້ແທນປະຊາຊົນທົ່ວປະເທດຈີນ ໄດ້ກ່າວເປີດພິທີຢ່າງເປັນທາງການວ່າ: ຈຸດປະສົງຂອງກອງປະຊຸມຄັ້ງນີ້ເພື່ອແນ່ໃສ່ການເພີ່ມທະວີຄວາມເຂົ້າອົກເຂົ້າໃຈເຊິ່ງກັນແລະກັນ ລະຫວ່າງ ບັນດາອົງການປົກຄອງທອ້ງຖິ່ນຂອງປະເທດສະມາຊິກ RCEP, ຄົ້ນຫາກາລະໂອກາດການດຳເນີນທຸລະກິດທີ່ມີຄວາມເປັນໄປໄດ້, ພອ້ມທັງສົ່ງເສີມການຮ່ວມມືຕ່າງຝ່າຍຕ່າງໄດ້ຮັບຜົນປະໂຫຍດ, ຈະສຸມໃສ່ປະຕິບັດການຮ່ວມມື ແລະ ແລກປ່ຽນຄຸນນະພາບສູງຂອງພາຫະນະພະລັງງານໃໝ່, ພະລັງງານແສງຕາເວັນ ແລະ ການຈັດເກັບພະລັງງານໃໝ່, ການທອ່ງທ່ຽວດ້ານວັດທະນະທຳ ແລະ ການສຶກສາພອ້ມທັງນຳສະເໜີສິ່ງທີດີໆກ່ຽວກັບເສັ້ນທາງຂອງຈີນ ສູ່ຄວາມທັນສະໄໝໃນແຂວງອ່ານຮູ່ຍ ໂດຍຜ່ານບັນດາຄວາມມານະພະຍາຍາມດັ່ງກ່າວ, ໄດ້ຕັ້ງໜ້າລົງເລິກແລະເປີດກວ້າງການຮ່ວມມືລະຫວ່າງ ບັນດານະຄອນມິດຕະພາບຂອງ RECP, ເພີ່ມທະວີການກໍ່ສ້າງ 3 ພື້ນທີ່ ແລະ 1 ເຂດ ໃຫ້ກາຍເປັນແຂວງທີ່ເຂັ້ມແຂງໃນ 7 ດ້ານ ປະກອບສ່ວນຮັບໃຊ້ວຽກງານການທູດລວມຂອງຈີນ ພາຍໃຕ້ຫົວຂໍ້ ການຮ່ວມມືພາກພື້ນ ແລະ ການພັດທະນາຮ່ວມກັນ.
ນອກຈາກນີ້, ເວທີປຶກສາຫາລືຄັ້ງນີ້ ຍັງໄດ້ທົບທວນຄືນບົດລາຍງານການຮ່ວມມືແລະການພັດທະນາຂອງ RCEP ປະຈຳປີ 2024 ທີ່ໄດ້ຮັບຜົນສຳເລັດເປັນຢ່າງດີ.
Cr: ເພັດສະໝອນ
