ບໍລິສັດ ໂອໂຕ ເອເຊຍ ຈັດພິທີນໍາສະເໜີລົດໄຟຟ້າ NETA ພ້ອມລົດ SUV ຮຸ່ນໃໝ່ NETA U Pro ຂຶ້ນວັນທີ 18 ກັນຍາ 2022 ຢູ່ນະຄອນຫຼວງວຽງຈັນ ໂດຍມີທ່ານ ດາວວົງພອນແກ້ວ ລັດຖະມົນຕີກະຊວງພະລັງງານແລະບໍ່ແຮ່ທ່ານWang Chiengjie ຮອງປະທານບໍລິສັດHozon Auto New Energy Automobileທ່ານBao Zhuangfei ຜູ້ຈັດການທົ່ວໄປບໍລິສັດເນ່ຕ້າໂອໂຕໄທແລນຮອງປະທານຝ່າຍທຸລະກິດພາກພື້ນ ASEAN ທ່ານ ກົງເພັດແກ້ວມະນີວົງຜູ້ອຳນວຍການບໍລິສັດໂອໂຕເອເຊຍຈຳກັດພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ດາວວົງພອນແກ້ວ ກ່າວວ່າ: ເພື່ອການຫຼຸດຜ່ອນການນໍາເຂົ້ານໍ້າມັນເຊື້ອໄຟເທື່ອລະກ້າວນັບແຕ່ປີ 2020 ເປັນຕົ້ນມາລັດຖະບານໄດ້ປະກາດນະໂຍບາຍສົ່ງ ເສີມການໃຊ້ລົດໄຟຟ້າໃນສປປລາວແລະຍຸດທະສາດໃນການສະໜອງພະລັງງານສະອາດໃຫ້ຂະແໜງຄົມມະນາ ຄົມ-ຂົນ ສົ່ງເພື່ອປະກອບສ່ວນຊ່ວຍຫຼຸດປະລິມານການປ່ອຍອາຍກາກບອນອອກສູ່ບັນຍາ ກາດປັດຈຸບັນການນຳເຂົ້າແລະຈຳໜ່າຍລົດໄຟຟ້າມີລັກສະນະເພີ່ມຂຶ້ນ ຄາດວ່າໝົດປີ 2022 ການຊົມໃຊ້ລົດໄຟຟ້າຈະເພີ່ມຂຶ້ນ 30-50% ທຽບໃສ່ການຊົມໃຊ້ລົດໄຟຟ້າໃນປີ 2021ຮອດປີ 2025ຈະຕິດຕັ້ງສະຖານີສາກລົດໄຟຟ້າໃຫ້ໄດ້ຢ່າງໜ້ອຍ 50 ສະຖານີທົ່ວປະເທດການນໍາສະເໜີລົດທີ່ແລ່ນດ້ວຍກະແສໄຟຟ້າຄັ້ງນີ້ຈະສ້າງຄຸນປະໂຫຍດທີ່ສໍາຄັນສ້າງບາດ ກ້າວໃໝ່ເພື່ອປະກອບສ່ວນໃນການພັດ ທະນາວຽກງານຄົມມະນາຄົມຂົນສົ່ງແລະການບໍລິການກໍຄືການປະກອບສ່ວນໃນການພັດທະນາອຸດສາຫະກໍາພະລັງງານໄຟຟ້າຢູ່ສປປລາວໃຫ້ສືບຕໍ່ຂະຫຍາຍຕົວໄປສູ່ຄຸນນະພາບໃໝ່.
ທ່ານBao Zhuangfei ກ່າວວ່າ: ບໍລິ ສັດHozon Auto New Energy Automobile ເປັນຜູ້ຜະລິດລົດພະລັງ ງານໄຟຟ້າ 100% ພາຍໃຕ້ແບຣນNETA ໂດຍຢູ່ໃນກຸ່ມບໍລິສັດລົດພະລັງງານໄຟຟ້າທີ່ມີຍອດຂາຍເຕີບໂຕສູງຢ່າງຕໍ່ເນື່ອງໃນຕະຫຼາດລົດ ສປ ຈີນ ດ້ວຍເປົ້າໝາຍທີ່ຈະໃຫ້ຜູ້ຄົນທົ່ວໂລກໄດ້ຮັບປະໂຫຍດຈາກຄວາມກ້າວໜ້າຂອງເຕັກໂນໂລຊີຢ່າງເຕັມທີ່ ແລະ ເທົ່າທຽມ ລວມທັງມີໂອ ກາດໄດ້ໃຊ້ລົດພະລັງງານໄຟຟ້າທີ່ມີເຕັກໂນໂລຊີທີ່ທັນສະໄໝຫຼາຍຂຶ້ນ NETA ຈຶ່ງໄດ້ຂະຫຍາຍທຸລະກິດໄປພາກພື້ນຕ່າງໆທົ່ວໂລກແຕ່ທ້າຍປີຜ່ານມາ ໂດຍມີປະ ເທດໄທ ເປັນເປົ້າໝາຍທໍາອິດ ກ່ອນຂະຫຍາຍໄປປະເທດຕ່າງໆໃນອາຊຽນ ແລະ ເອີຣົບ ກາານນໍາສະເໜີ ລົດ NETA ສູ່ ສປປ ລາວ ຖືເປັນໜຶ່ງໃນເປົ້າໝາຍຫຼັກຂອງພວກເຮົາ ເນື່ອງຈາກ ສປປ ລາວ ເປັນຜູ້ຜະລິດ ແລະ ສົ່ງອອກໄຟຟ້າລາຍໃຫຍ່ຂອງອາຊຽນ.
ທ່ານ ກົງເພັດແກ້ວມະນີວົງກ່າວວ່າ: ລົດ SUV ຮຸ່ນໃໝ່ NETA U Proເປັນລົດພະລັງງານໄຟຟ້າ100% ທີ່ສະງ່າງາມປະສານດ້ວຍການອອກແບບທີ່ມີມິຕິຮູບໂສມທີ່ໂດດເດັ່ນປະກອບດ້ວຍຄົມສັນຂອງເສັ້ນສາຍແລະລາຍລະອຽດເຊື່ອມເຂົ້າກັນໄດ້ຢ່າງລົງໂຕພ້ອມກິ່ນອາຍທີ່ສະທ້ອນເຖິງຄວາມລໍ້າຍຸກໃນການອອກແບບຕອບສະໜອງLifestyle ຂອງຄົນຮຸ່ນໃໝ່ດ້ວຍຄວາມເຊື່ອໝັ້ນແລະໄວ້ວາງໃຈຈາກບໍລິສັດHozon Auto New Energy Automobile ໃນທ່າແຮງຂອງບໍລິສັດໂອໂຕເອເຊຍຈຶ່ງໄດ້ແຕ່ງຕັ້ງໃຫ້ເປັນຕົວແທນຈຳໜ່າຍລົດຍີ່ຫຍໍ້NETA ເປັນທາງການໃນສປປລາວNETA ເປັນແບຣນລົດໄຟຟ້າໃໝ່ທີ່ໄດ້ຮັບຄວາມນິຍົມຢ່າງຕໍ່ເນື່ອງມີຍດຂາຍເຕີບໃຫຍ່ຢ່າງກ້າວກະໂດດໃນຕະຫຼາດລົດໄຟຟ້າມີສູນຄົ້ນຄວ້າວິໄຈແລະພັດທະນາຢູ່ປະເທດເຢຍລະມັນອີຕາລີອາເມຣິກາແລະສປຈີນ.
May be an image of 2 people
May be an image of 10 people, people standing, car and indoor
May be an image of 8 people, people standing, car and indoor
May be an image of 5 people, people standing, car and indoor
May be an image of 11 people and people standing
Loading...