ໃນວາລະຂອງການດໍາເນີນກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍອາຊະຍາກໍາຂ້າມຊາດຄັ້ງທີ 24 ໃນວັນທີ 28 ມິຖຸນາ 2024 ໄດ້ມີກອງປະຊຸມປຶກສາຫາລື ແລະ ແລກປ່ຽນບົດຮຽນລະຫວ່າງ ເຈົ້າໜ້າທີ່ອາວຸໂສອາຊຽນ ກັບ ສປ ຈີນ ຕໍ່ກັບການພົວ ພັນຮ່ວມມືໃນການຕ້ານອາຊະຍາກໍາຂ້າມຊາດ ໂດຍການເປັນປະທານຮ່ວມຂອງຄະ ນະເຈົ້າໜ້າທີ່ອາວຸໂສອາຊຽນ ແລະ ການາດາ.
ກອງປະຊຸມໃນຄັ້ງນີ້ໄດ້ພ້ອມກັນປຶກສາຫາລື ແລະ ທົບທວນຄືນ ຜົນຂອງການຮ່ວມມືລະຫວ່າງ ອາຊຽນ ແລະ ສປ ຈີນ ຕໍ່ກັບວຽກງານການຕ້ານອາຊະຍາກໍາຊາດ ໃນໄລຍະຜ່ານມາ, ພ້ອມນີ້ກໍ່ໄດ້ມີການແລກປ່ຽນຄໍາຄິດຄໍາເຫັນ ແລະ ກໍານົດທິດທາງແຜນການຮ່ວມມືໃນຕໍ່ໜ້າ ເປັນຕົ້ນແມ່ນການຮ່ວມມືສະກັດກັ້ນບັນຫາຢາເສບ ຕິດ, ການກໍ່ການຮ້າຍ, ການຄ້າມະນຸດ, ການລັກລອບຄ້າຂາຍອາວຸດເສິກ, ອາຊະຍາກໍາທາງເສດຖະກິດ, ການຟອກເງີນ, ອາຊະຍາກໍາທາງຄອມພິວເຕີ, ການໂຈລະກໍາທາງທະເລ, ການຄ້າຂາຍສັດປ່າ ແລະ ໄມ້ຫວງຫ້າມ ແລະ ການລັບລອບນໍາຄົນເຂົ້າ-ອອກເມືອງ.
ກອງປະຊຸມໃນຄັ້ງນີ້ຜູ້ແທນເຂົ້າຮ່ວມໄດ້ຍົກສູງຄວາມຮັບຜິດຊອບຕໍ່ການຄົ້ນຄ້ວາບັນຫາທີ່ສໍາຄັນ ເພື່ອເຮັດໃຫ້ການພົວພັນຮ່ວມມືລະຫວ່າງອາຊຽນ ແລະ ສປ ຈີນ ໃນການສະກັດກັ້ນ ແລະ ຕ້ານອາຊະຍາກໍາຂ້າມຊາດ ມີປະສິດທິພາບສູງຂຶ້ນ, ແນ່ໃສເຮັດໃຫ້ທັງສອງພາກພື້ນ ແລະ ສາກົນ ມີຄວາມສະຫງົບປອດໄພ ແລະ ເປັນລະ ບຽບຮຽບຮ້ອຍ ເຊີ່ງຈະເປັນການສ້າງເງືອນໄຂເຮັດໃຫ້ການພັດທະນາເສດຖະກິດ-ສັງ ຄົມມີການຂະຫຍາຍຕົວຢ່າງຮອບດ້ານ.
