ວັນທີ 20 ມັງກອນນີ້ ແມ່ນມື້ທີ 7 ຂອງການຂົນສົ່ງໃນໄລຍະບຸນກຸດຈີນ, ອີງຕາມຕົວເລກຂໍ້ມູນຈາກຫ້ອງການວຽກງານການຂົນສົ່ງໃນໄລຍະບຸນກຸດຈີນສັງລວມປີ 2025 ສະແດງໃຫ້ເຫັນວ່າ: ນັບແຕ່ເລີ່ມການຂົນສົ່ງໃນໄລຍະບຸນກຸດຈີນໃນວັນທີ 14 ຈົນຮອດວັນທີ 19 ມັງກອນນີ້, ການຂົນສົ່ງໂດຍສານຂ້າມເຂດແຄ້ວນ ໃນທົ່ວປະເທດຈີນບັນລຸຫຼາຍກວ່າ 1 ຕື້ເທື່ອຄົນ. ໃນນັ້ນ ການຂົນສົ່ງຜ່ານທາງຫຼວງກວມເອົາເກືອບ 80%.
ນອກຈາກການຂົນສົ່ງຜູ້ໂດຍສານແລ້ວ, ການຈໍລະຈອນສິນຄ້າກໍໄດ້ເພີ່ມຂຶ້ນເຊັ່ນດຽວກັນ. ຫວ່າງມໍ່ໆມານີ້, ອົງການໄປສະນີແຫ່ງຊາດຈີນໄດ້ເຜີຍແຜ່ຕົວເລກຂໍ້ມູນວ່າ: ຫຼັງຈາກເລີ່ມການຂົນສົ່ງໃນໄລຍະບຸນກຸດຈີນ, ຄວາມຕ້ອງການດ້ານການຝາກເຄື່ອງບໍລິໂພກບຸນກຸດຈີນເພີ່ມສູງຂຶ້ນ. ກ່ອນເລີ່ມການຂົນສົ່ງໃນໄລຍະບຸນກຸດຈີນ 3 ວັນ ຄືໃນວັນທີ 11 ມັງກອນນີ້, ການຝາກເຄື່ອງດ່ວນໃນທົ່ວປະເທດຈີນມີຫຼາຍກວ່າ 670.000.000 ອັນຕໍ່ມື້, ສ່ວນການຂົນສົ່ງສິນຄ້າຜ່ານທາງລົດໄຟກໍນັບມື້ເພີ່ມຂຶ້ນເຊັ່ນ ດຽວກັນ.
ທີ່ມາ: CMG
