ຄະນະຜູ້ແທນ ຈາກແຂວງສະຫວັນນະເຂດ, ສາລະວັນ, ຈຳປາສັກ ແລະ ເຊກອງຂອງລາວໄດ້ພົບປະ ແລະ ອວຍພອນປີໃໝ່ປະຈຳຊາດຊາວຫວຽດນາມ ທີ່ນະຄອນດານັງ ສສ ຫວຽດ ນາມ ໃນວັນທີ 17 ມັງກອນ 2025 ໂດຍການຕ້ອນຮັບຂອງ ທ່ານ ຫງວຽນ ດິງ ບິ່ງ ຮອງເລຂາຜູ້ປະຈຳການພັກນະຄອນດານັງ ພ້ອມຄະນະ.
ໃນໂອກາດນີ້, ບັນດາການນຳທີ່ຕາງໜ້າໃຫ້ບັນດາແຂວງ ສ ປປ ລາວ ໄດ້ກ່າວອວຍພອນໄຊອັນປະເສີດມາຍັງ ສະຫາຍຄະນະ ພັກ-ຄະນະນຳ ກໍ່ຄື ປະຊາຊົນນະຄອນດານັງ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນມີຄວາມຜາສຸກ ແລະ ປະສົບຜົນສຳເລັດອັນໃຫຍ່ຫຼວງກວ່າເກົ່າ, ອວຍພອນແດ່ສາຍພົວພັນຄວາມມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ຫວຽດນາມ-ລາວ ເວົ້າລວມ, ເວົ້າສະເພາະ ນະຄອນດານັງ ກັບ ບັນດາແຂວງ ສ ປປ ລາວ ຍາມໃດກໍຂຽວສົດງົດງາມ ແລະ ໝັ້ນຄົງ ທະນົງແກ່ນ ຕະ ຫຼອດການລະນາ; ພ້ອມນັ້ນ ສອງຝ່າຍ ຍັງ ຕີລາຄາສູງ ຕໍ່ການເສີມຂະຫຍາຍມູນເຊື້ອແຫ່ງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ, ສອງທ້ອງຖິ່ນ ຫວຽດນາມ-ລາວ, ລາວ-ຫວຽດນາມ ແລະ ໃນການພົບປະຄັ້ງນີ້, ນະຄອນດານັງ ຍັງໄດ້ຈັດມີພິທີມອບ-ຮັບການຍ້ອງຍໍ ໃຫ້ແກ່ກົມກອງ ແລະ ບຸກຄົນຂອງ ສປປ ລາວ ທີ່ມີຜົນງານປະກອບສ່ວນໃນການເສີມສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ; ໃນນັ້ນ, ມີ 13 ກົມກອງ ແລະ ຍ້ອງຍໍໃຫ້ບຸກຄົນ ມີ 12 ທ່ານ.
ພ້ອມນັ້ນຄະນະຜູ້ແທນ ບັນດາແຂວງ ສ ປປ ລາວ ຍັງໄດ້ເຂົ້າຮ່ວມງານເສວະນາ ບັນດາເມືອງ/ນະຄອນ ຮ່ວມມືມິດຕະ ພາບ-ດານັ້ງ 2025 ຕື່ມອີກ.
ຂ່າວ: ທັດຊະນະ
