ໃນຊົ່ວໂມງຄໍາຂອງຕອນຄໍ່າວັນທີ 29 ມັງກອນຜ່ານມາ ຕາມເວລາທ້ອງຖິ່ນ, ງານລາຕີສະຫຼອງບຸນກຸດຈີນ ປີມະເສັງ 2025 ສະບັບພາສາອັງກິດແບບຄັດຈ້ອນຂອງວິທະຍຸໂທລະພາບສູນກາງຈີນ ຫຼື CMG ໄດ້ອອກອາກາດຜ່ານທາງ ໂທລະພາບແຫ່ງຊາດເອທີໂອປີ ເປັນຄັ້ງທໍາອິດ, ພ້ອມທັງໄດ້ອອກອາກາດຄືນອີກໃນວັນທີ 30 ມັງກອນຜ່ານມາ. ງານລາຕີສະຫຼອງບຸນກຸດຈີນ ທີ່ເຕັມໄປດ້ວຍສີສັນຂອງຈີນຄັ້ງນີ້ ໄດ້ຮັບການຍ້ອງຍໍຊົມເຊີຍເປັນຢ່າງສູງຈາກວົງການຕ່າງໆ ຂອງເອທີໂອປີ.
ທ່ານ ອາເບເນ ຫົວໜ້າພະແນກເຄື່ອງໝາຍການຄ້າ ແລະ ການເຜີຍແຜ່ຂ່າວສານສາກົນໂທລະພາບແຫ່ງຊາດເອທີໂອປີ ໄດ້ແຈ້ງໃຫ້ນັກຂ່າວ CMG ຮູ້ວ່າ: ງານລາຕີທີ່ມີເນື້ອໃນດີເດັ່ນຄັ້ງນີ້ໄດ້ດຶງດູດສາຍຕາຂອງຜູ້ຊົມເອທີໂອປີຢ່າງຫຼວງຫຼາຍ, ເຂົາເຈົ້າຫວັງວ່າຈະເປີດກວ້າງການໂຄສະນາກ່ຽວກັບກິດຈະກໍາສະຫຼອງບຸນກຸດຈີນ ຕື່ມອີກໃນຕໍ່ໜ້າ ເພື່ອເພີ່ມທະວີການແລກປ່ຽນ ແລະ ການຖອດຖອນບົດຮຽນເຊິ່ງກັນແລະກັນ ທາງດ້ານວັດທະນະທໍາລະຫວ່າງປະຊາຊົນສອງຊາດ.
ທີ່ມາ: CMG
