ໂດຍ:ວັນໄຊ ຕະວິນຍານ
ງານວາງສະແດງ ແລະ ແຂ່ງຂັນ “ຄໍ່າຄືນ AI League,” ເພື່ອສ້າງຄວາມເຂັ້ມແຂງໃຫ້ແກ່ອຸດສາຫະກຳຕ່າງໆດ້ວຍ AI, ໄດ້ຈັດຂຶ້ນໃນທ້າຍເດືອນທັນວາ ປີ 2025 ຜ່ານມາ ທີ່ແຂວງກວາງຊີ ປະເທດຈີນ.
ພາຍໃນງານໄດ້ມີການນໍາສະເໜີຜົນການແຂ່ງຂັນທີ່ກວ້າງຂວາງ ຈົນເຖິງການສາທິດເຕັກໂນໂລຊີທີ່ທັນສະໄໝ ປະສົມປະສານວິທະຍາສາດ ແລະ ເຕັກໂນໂລຊີກັບມະນຸດສາດ ແລະ ເຊື່ອມຕໍ່ປັດຈຸບັນກັບອະນາຄົດຂອງການຮ່ວມມືພາຍໃນອາຊຽນ,
ງານວາງສະແດງທີ່ມີຫົວຂໍ້ “ຄໍາຄືນ AI League,” ແມ່ນການກ້າວເຂົ້າສູ່ຍຸກໃໝ່ຂອງອະນາຄົດ. ຊຶ່ງມີສາມຫົວຂໍ້ຕົ້ນຕໍຄື “ປະສົບການການໃຊ້ຊີວິດດ້ວຍ AI,” “ເພື່ອນຮ່ວມງານໃນອະນາຄົດ,” ແລະ “AI ສ້າງຄວາມເຂັ້ມແຂງໃຫ້ແກ່ອຸດສາຫະກຳຫຼາຍພັນແຫ່ງ,” ສະແດງໃຫ້ເຫັນເຖິງພາບທີ່ຊັດເຈນຂອງຍຸກສະຫຼາດ. ຜົນສຳເລັດດ້ານນະວັດຕະກຳຫຼາຍສິບຢ່າງໄດ້ສະແດງໃຫ້ເຫັນຢ່າງຊັດເຈນເຖິງຫົວຂໍ້ຫຼັກຂອງລີກຄື “AI ກວາງຊີ, AI ຈີນ, AI ອາຊຽນ” ຜ່ານຮູບແບບຕ່າງໆເຊັ່ນ: ຮູບພາບ, ຕົວໜັງສື, ວັດຖຸທາງກາຍະພາບ, ແລະ ການສາທິດແບບເຄື່ອນໄຫວ.
ເປັນທີ່ເຂົ້າໃຈວ່າງານວາງສະແດງ ແລະ ການແຂ່ງຂັນ “AI League” ປີນີ້ແມ່ນມີຂະໜາດໃຫຍ່ກວ່າທີ່ເຄີຍມີມາກ່ອນ, ຊຶ່ງມີ 31 ແຂວງ, ເຂດປົກຄອງຕົນເອງ, ເທດສະບານທົ່ວປະເທດ ແລະ 11 ປະເທດອາຊຽນ. ມີ 10,447 ພາກສ່ວນຂອງລັດ, ລັດວິສາຫະກິດ, ບໍລິສັດເອກະຊົນພາຍໃນ ແລະ ຈາກປະເທດອາຊຽນເຂົ້າຮ່ວມ. ຜ່ານການງານສະແດງ ແລະ ການແຂ່ງຂັນ ມັນໄດ້ສ້າງລະບົບ ແລະ ກົນໄກ ຈໍານວນ 20 ລະບົບທີ່ກ່ຽວຂ້ອງຢ່າງໃກ້ຊິດກັບຄວາມຕ້ອງການຂອງການພັດທະນາເສດຖະກິດ ແລະ ສັງຄົມ, ກໍານົດເປັນໂຄງການຈັດຕັ້ງປະຕິບັດທີ່ຖືກຄັດເລືອກຜ່ານຂະບວນການປະມູນແບບເປີດກວ້າງ ມີມູນຄາເກີນ 74 ລ້ານຢວນ, ສົ່ງຜົນໃຫ້ມີສະຖານະການ ການແຂ່ງຂັນທີ່ໂດດເດັ່ນ 93 ຢ່າງ ແລະ ງານວາງສະແດງເຕັກໂນໂລຊີໃໝ່ 202 ຄັ້ງ. ມີ 40 ໂຄງການໄດ້ຮັບຄວາມສົນໃຈດ້ານທຶນຮອນເບື້ອງຕົ້ນ, ເຕັກໂນໂລຊີ 57 ຢ່າງໄດ້ເຂົ້າສູ່ຊ່ອງທາງການຫັນປ່ຽນ ແລະ ການນຳໃຊ້, ແລະ ວິສາຫະກິດຈຳນວນໜຶ່ງໄດ້ບັນລຸຂໍ້ຕົກລົງຮ່ວມມືກັບຄູ່ຮ່ວມງານອາຊຽນ.
ງານວາງສະແດງ “ຄໍາຄືນ AI League” ເຕັມໄປດ້ວຍຈຸດເດັ່ນ, ສະແດງໃຫ້ເຫັນເຖິງສະເໜ່ຂອງຄວາມສະຫຼາດໃນແບບທີ່ມີນະວັດຕະກໍາ. ໃນຕອນເລີ່ມຕົ້ນຂອງງານ, ແຂກທີ່ມາຮ່ວມງານໄດ້ຮ່ວມກັນຜ່ານເຄື່ອງຫຼິ້ນກິ່ນດິຈິຕອນເພື່ອເລີ່ມຕົ້ນການເດີນທາງທີ່ໜ້າຕື່ນເຕັ້ນໃນ “AI ກວາງຊີ” ທີ່ສ້າງຂຶ້ນໂດຍຮູບເງົາຫົວຂໍ້ “ກວາງຊີມີ AI”. ມີການແບ່ງປັນສະຕິປັນຍາດິຈິຕອນ,ດ້ານວິທະຍາສາດ ແລະ ເຕັກໂນໂລຊີທີ່ເຂັ້ມຂຸ້ນ, ໂດຍມີໂຄງການທີ່ໂດດເດັ່ນ 8 ໂຄງການ ກວມເອົາຫຼາຍຂົງເຂດເຊັ່ນ: ການປົກຄອງທາງສັງຄົມ, ການຜະລິດອັດສະລິຍະ, ຄວາມໝັ້ນຄົງດ້ານຊີວິດການເປັນຢູ່ຂອງປະຊາຊົນ, ແລະ ການຄ້າຂ້າມຊາຍແດນ.