ຕອນເຊົ້າວັນທີ 19 ຕຸລາ 2024, ທີ່ສະຫະພັນບານເຕະແຫ່ງຊາດລາວ (ສຕລ) ນະຄອນຫລວງວຽງຈັນ ໄດ້ຈັດພິທີຈັບສະຫລາກການແຂ່ງຂັນບານເຕະຍິງຊີງແຊ້ມ ອາຊຽນ 2024 ຮອບຄັດເລືອກ AFF WOMEN’S CUP 2024 ໂດຍມີ ຕາງໜ້າຈາກ ສຕລ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ຜົນການຈັບສະຫລາກການແຂ່ງຂັນ ມີດັ່ງນີ້:
– ກຸ່ມ ເອ: ລາວ ( ເຈົ້າພາບ), ສິງກະໂປ ແລະ ຕີມໍ ເລສເຕ
– ກຸ່ມ ບີ: ກຳປູເຈຍ, ມາເລເຊຍ ແລະ ອິນໂດເນເຊຍ
ລາຍການດັ່ງກ່າວ ຈະແຂ່ງຂັນກັນໃນລະຫວ່າງວັນທີ 23 ພະຈິກ ຫາ 06 ທັນວາ 2024 ໂດຍ ແມ່ນ ສປປ ລາວ ໄດ້ຮັບກຽດເປັນເຈົ້າພາບ.
ໃນນີ້, ສໍາລັບອັນດັບ1 ຫາ ອັນດັບ 4 ແມ່ນຈະໄດ້ສິດເຂົ້າຮ່ວມການແຂ່ງຂັນບານເຕະຍິງຊີງແຊ້ມອາຊຽນ 2024 ຮອບສຸດທ້າຍຮ່ວມກັບ ຫວຽດນາມ, ໄທ , ຟີລິບປິນ ແລະ ມຽນມາ.
ຂອບໃຈພາບ: ສຕລ
