ວັນທີ 24 ມິຖຸນານີ້, ກຳປັ່ນຂອງຈີນ ເລກທີ 53101, 53107 ແລະ 53108 ໄດ້ອອກເດີນທາງຈາກທ່າກຳປັ່ນຕຳຫຼວດຈິງຮ່າ ແລະ ກ່ວນເລີຍ ຂອງກິ່ງແຂວງສິບສອງພັ່ນນາ ແຂວງຢູນນານຂອງຈີນ. ພ້ອມດຽວກັນນັ້ນ, ກຳປັ່ນຂອງລາວ, ມຽນມາ ແລະ ໄທ ຕ່າງໄດ້ອອກເດີນທາງຈາກທ່າເຮືອ ຫຼືທ່າກຳປັ່ນຂອງປະເທດຕົນ, ສີ່ຝ່າຍໄດ້ເຕົ້າໂຮມກັນຢູ່ເຂດຕອນໜຶ່ງຂອງແມ່ນ້ຳຂອງແລ້ວ ສ້າງຕັ້ງເປັນກອງກຳປັ່ນບັງຄັບໃຊ້ກົດໝາຍ ແລະລາດຕະເວນຮ່ວມ ເພື່ອດຳເນີນການບັງຄັບໃຊ້ກົດໝາຍ ແລະ ລາດຕະເວນຮ່ວມຕາມລຳແມ່ນ້ຳຂອງ ລະຫວ່າງຈີນ-ລາວ-ມຽນມາ-ໄທ ຄັ້ງທີ 154.
ເນື່ອງໃນໂອກາດວັນສາກົນຕ້ານຢາເສບ “ ວັນທີ26 ມິຖຸນາ” ຄັ້ງທີ 38 ໄດ້ໝູນວຽນມາເຖິງ, ກ່ອນຈັດການເຄື່ອນໄຫວ, ພາກສ່ວນບັງຄັບໃຊ້ກົດໝາຍທີ່ກ່ຽວຂ້ອງຈາກ 4 ປະເທດ ໄດ້ຮ່ວມກັນຈັດກອງປະຊຸມຜູ້ບັນຊາການຢູ່ກອງບັນຊາການ ບັງຄັບໃຊ້ກົດໝາຍ ແລະ ລາດຕະເວນຮ່ວມຕາມລຳແມ່ນ້ຳຂອງ ລະຫວ່າງຈີນ-ລາວ-ມຽນມາ-ໄທ ທີ່ຕັ້ງຢູ່ທ່າກຳປັ່ນກ່ວນເລີຍ ຂອງຈີນ ເພື່ອຮ່ວມກັນຄົ້ນຄວ້າ ແລະ ວາງແຜນດຳເນີນງານ ພ້ອມທັງເລີ່ມຕົ້ນກິດຈະກຳຕ່າງໆກ່ຽວກັບການໂຄສະນາການຕ້ານຢາເສບຕິດ.
