ຕອນເຊົ້າວັນທີ 19ທັນວານີ້, ທ່ານ ນາງ ເຜີງລີ້ຢວນ ພັນລະຍາຂອງທ່ານ ສີຈິ້ນຜິງ ປະທານປະເທດຈີນ ໄດ້ໄປຢ້ຽມຊົມຫໍພິພິທະພັນມາເກົາ ໂດຍມີ ທ່ານ ນາງ ເຈີ້ງຊູ້ເຈີ່ນ ພັນລະຍາຂອງທ່ານ ເຮີ້ຢີເສີງ ຜູ້ວ່າການເຂດບໍລິຫານພິເສດມາເກົາເປັນເພື່ອນພາທາງ. ທ່ານ ນາງເຜີງລີ້ຢວນ ໄດ້ຊົມເບິ່ງວັດຖຸບູຮານໃນຫໍພິພິທະພັນຢ່າງລະອຽດ, ລົງເລິກຮັບຮູ້ຂະບວນວິວັດປະຫວັດສາດ ແລະ ສະພາບການເຊື່ອມໂຍງວັດທະນະທຳຕາເວັນອອກ-ຕາເວັນຕົກດ້ານສິ່ງກໍ່ສ້າງ ຂະແໜງການ ວິຖີຊີວິດວັດທະນະທຳ ແລະອື່ນໆຂອງມາເກົາ, ທັງໄດ້ໂອ້ລົມກັບຜູ້ສືບທອດມໍລະດົກວັດທະນະທຳນາມມະທຳດ້ານການຜະລິດຮູບແຕ້ມເທິງກະໂລ, ໄມ້ສະຫຼັກ ແລະອື່ນໆຢ່າງສະໜິດສະໜົມ.
ຢູ່ຫ້ອງຊັ້ນ 3 ຂອງຫໍພິພິທະພັນ, ທ່ານ ນາງເຜີງລີ້ຢວນ ໄດ້ແລກປ່ຽນຄວາມຮູ້ສຶກການຢ້ຽມຊົມກັບພວກເດັກນ້ອຍທີ່ຫາກໍສິ້ນສຸດການເບິ່ງຊົມການວາງສະແດງ, ທັງໄດ້ເບິ່ງຊົມການວາງສະແດງຜະລິດຕະພັນປະດິດສ້າງໃໝ່ດ້ານວັດທນະທຳຢູ່ຕະຫຼາດປະດິດສ້າງໃໝ່ດ້ານວັດທະນະທຳ, ແລະເຂົ້າຮ່ວມການຜະລິດເຂົ້າໜົມແກ່ນໝາກເຫັງ. ທ່ານ ນາງເຜີງລີ້ຢວນ ສົ່ງເສີມໃຫ້ທຸກຄົນສືບທອດວັດທະນະທຳທີ່ເປັນມູນເຊື້ອອັນດີເດັ່ນ, ຝັງເລິກຈິດໃຈຮັກຊາດຮັກມາເກົາ, ພະຍາຍາມຮ່ຳຮຽນຄວາມຮູ້ ແລະ ເຕັກນິກ, ຕັ້ງໜ້າປະກອບສ່ວນເຂົ້າໃນການສ້າງສາມາເກົາ ແລະ ການພັດທະນາຂອງປະເທດຊາດ.
ທີ່ມາ: CMG
