ວັນທີ 30 ກັນຍານີ້, ທີ່ນະຄອນຫຼວງວຽງຈັນ, ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ໄດ້ຕາງໜ້າພັກ ແລະລັດຖະບານ ແຫ່ງ ສປປ ລາວ ເດີນທາງໄປຢ້ຽມຢາມສະຖານທູດຈີນ ປະຈຳລາວ ເພື່ອອວຍພອນໃນໂອກາດ ວັນສະຖາປະນາ ສາທາລະນະລັດ ປະຊາຊົນຈີນ ວັນທີ 1 ຕຸລາ ຄົບຮອບ 75 ປີ.
ທ່ານ ສະເຫຼີມໄຊ ກົມມະສິດກ່າວວ່າ: ຕະຫຼອດ 75 ປີທີ່ຜ່ານມາ, ພັກກອມມູນິດຈີນໄດ້ສາມັກຄີກັນ ແລະນຳພາປະຊາຊົນຈີນບັນລຸຜົນສຳເລັດອັນໃຫຍ່ຫຼວງໃນການກໍ່ສ້າງສັງຄົມນິຍົມ ແລະໄດ້ປະກອບສ່ວນອັນສຳຄັນຕໍ່ພາລະກິດປົກປັກຮັກສາສັນ ຕິພາບ ແລະການພັດທະນາສາກົນ ເຊິ່ງສິ່ງນີ້ບໍ່ພຽງແຕ່ແມ່ນຜົນງານອັນໃຫຍ່ຫຼວງຂອງປະຊາຊົນຈີນເທົ່ານັ້ນ, ຫາກຍັງເປັນຕົວຢ່າງໃຫ້ແກ່ປະເທດພວມພັດທະນາອີກດ້ວຍ. ລາວຍິນດີເພີ່ມທະວີການຮ່ວມມືລະຫວ່າງສອງປະເທດ ແລະຫຼາຍຝ່າຍກັບຈີນ, ສືບຕໍ່ຊຸກຍູ້ການສ້າງຄູ່ຮ່ວມຊາຕາກໍາລາວ-ຈີນ ແລະຊຸກຍູ້ກໍາລັງແຮງໃໝ່ໃຫ້ແກ່ສັນຕິພາບ ແລະສະຖຽນລະພາບຂອງພາກພື້ນ.
ຂະນະດຽວກັນ ທ່ານນາງ ຟ່າງຫົງ ເອກອັກຄະລັດຖະທູດຈີນ ປະຈໍາລາວ ໄດ້ຕ້ອນຮັບຢ່າງອົບອຸ່ນ ແລະກ່າວຂອບໃຈຕໍ່ທ່ານຮອງນາຍົກລາວ ທີ່ໄດ້ເດີນທາງມາຢ້ຽມຢາມເປັນພິເສດ, ທ່ານທູດຈີນກ່າວວ່າ: ພາຍໃຕ້ການຊີ້ນຳດ້ານຍຸດທະສາດຂອງການນຳຂັ້ນສູງຂອງສອງປະເທດ, ການຮ່ວມມືຍຸດທະສາດຮອບດ້ານຈີນ-ລາວໄດ້ສືບຕໍ່ເຂົ້າສູ່ລວງເລິກ. ຈີນຍິນດີຮ່ວມກັບລາວໃນການກໍ່ສ້າງຄູ່ຮ່ວມຊາຕະກໍາໃຫ້ມີມາດ ຕະຖານສູງ, ຄຸນນະພາບສູງ ແລະລະດັບສູງ ແລະຮ່ວມກັນຮັກສາທິດທາງການຮ່ວມມືອາຊີຕາເວັນອອກທີ່ຖືກຕ້ອງ ແລະ ຕ່າງຝ່າຍຕ່າງມີຜົນປະໂຫຍດຫຼາຍກວ່າເກົ່າໃຫ້ແກ່ບັນດາປະເທດໃນພາກພື້ນລວມທັງຈີນ ແລະ ລາວ.
ທີ່ມາ: CMG FM93
