ຕອນບ່າຍວັນທີ 5 ມີນານີ້, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນ ໄດ້ເຂົ້າຮ່ວມການພິຈາລະນາບົດລາຍງານວຽກງານລັດຖະບານຂອງຄະນະຜູ້ແທນແຂວງຈ່ຽງຊູ່ ໃນກອງປະຊຸມ ຄັ້ງທີ 3 ຂອງສະພາປະຊາຊົນແຫ່ງຊາດຈີນສະໄໝທີ 14, ທ່ານກ່າວເນັ້ນວ່າ, ໃນການບັນລຸຄາດໝາຍການພັດທະນາຂອງແຜນພັດທະນາເສດຖະກິດສັງຄົມແຫ່ງຊາດ 5 ປີ ຄັ້ງທີ 14 ຢ່າງຈົບງາມ, ແຂວງໃຫຍ່ດ້ານເສດຖະກິດຕ້ອງເສີມຂະຫຍາຍບົດບາດທີ່ສຳຄັນ. ແຂວງຈ່ຽງຊູ່ຕ້ອງກຳແໜ້ນຈຸດໃສ່ແຮງໃນການເສີມຂະຫຍາຍບົດບາດສຳຄັນໃຫ້ດີ, ເປັນກອງໜ້າໃນການຊຸກຍູ້ການປະດິດສ້າງດ້ານວິທະຍາສາດເຕັກໂນໂລຊີ ແລະ ການປະດິດສ້າງກັບການເຊື່ອມໂຍງດ້ານອຸດສາຫະກຳ, ຍາດແຍ່ງເປັນແຖວໜ້າໃນການຊຸກຍູ້ການປະຕິຮູບຢ່າງເລິກເຊິ່ງ ແລະ ການເປີດປະຕູສູ່ພາຍນອກໃນລະດັບສູງ, ເປັນຜູ້ນຳໜ້າໃນການຈັດຕັ້ງປະຕິບັດຍຸດທະສາດການພັດທະນາທີ່ສຳຄັນຂອງຊາດ ແລະເປັນແບບຢ່າງໃນການຊຸກຍູ້ໃຫ້ປະຊາຊົນທັງໝົດຮັ່ງມີຮ່ວມກັນ.
