ຫວ່າງມໍ່ໆ ມານີ້, ດ່ານສາກົນບໍ່ເຕ່ນ-ບໍ່ຫານ ໄດ້ເຫັນດີຈະຊຸກຍູ້ການຮ່ວມມືຂອງຂົງເຂດພື້ນຖານໂຄງລ່າງໃນເຂດຮ່ວມມື, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິເວນດ່ານ ແລະ ການ ຮ່ວມມືອຸດສາຫະກໍາການຜະລິດສອງຝ່າຍ, ຊຸກຍູ້ວຽກງານຂອງໂຄງການຕ່າງໆ ໃຫ້ເກີດຜົນເປັນຈິງຢ່າງມີປະສິດທິພາບ, ຍົກສູງລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາຢູ່ໃນພາກພື້ນຊາຍແດນຂອງສອງປະເທດລາວ ແລະ ຈີນ.
ກ່ອນວັນທີ 1 ພຶດສະພາ, ໃນເມືອງບໍ່ຫານ ໂຄງການໜຶ່ງໄດ້ມີຄວາມຄືບໜ້າໃໝ່ ຊຶ່ງໂຄງການນັ້ນ ຄືການເປີດສູ່ສາທາລະນະຊົນຢ່າງເປັນທາງການຂອງ ຫໍວາງສະແດງຕົວເມືອງຂອງໂຄງການທາງລົດໄຟຈີນບໍ່ຫານ. ໂຄງການທາງລົດໄຟຈີນບໍ່ຫານ ໄດ້ປະສົມປະສານແນວຄວາມຄິດຂອງການພັດທະນາຕົວເມືອງ ແລະ ສະຖານີລົດໄຟເຂົ້າໃນກັນ ເພຶ່ອວາງແຜນທີ່ຈະສ້າງສູນການຄ້າ, ສູນທຸລະກິດ, ສູນຈັດກອງປະຊຸມ, ສູນເຕົ້າໂຮມນັກທ່ອງທ່ຽວ, ໂຮງແຮມດີເລີດ ແລະ ອາພາດເມັ້ນສາກົນ. ທີ່ຜ່ານມາ, ການຮ່ວມມືທີ່ມີຫົວຄິດປະດິດສ້າງກັບກຸ່ມທາງລົດໄຟຈີນເຊິ່ງບໍ່ແມ່ນຕົວຢ່າງທຳອິດ.
ກ່ອນໜ້ານີ້ ໃນວັນທີ 3 ທັນວາ 2023, ບັນດາໂຄງການລຽບຕົວເມືອງບໍ່ຫານໄດ້ເລີ່ມດຳເນີນໂຄງການຄັ້ງທຳອີດໄປພ້ອມກັນ, ໂຄງການໄດ້ວາງແຜນສຸມໃສ່ 03 ຂົງເຂດຕົ້ນຕໍໃນການ ກໍ່ສ້າງຢູ່ບໍ່ຫານ “ສອງສູນກາງ ແລະ ຫນຶ່ງຈຸສຳຄັນ”, ນັ້ນຄື: ການສ້າງຕັ້ງສູນບໍລິການຂ້າມຊາຍແດນໃນເຂດບໍລິການຮອບດ້ານທ່າບົກບໍ່ຫານ, ການສ້າງສູນຂົນສົ່ງສິນຄ້າຮອບດ້ານຂ້າມຊາຍແດນຢູ່ເຂດສະຖານີລົດໄຟບໍ່ຫານ ແລະ ສ້າງຈຸດສ້າງພະລັງງານຮອບດ້ານໃນເຂດພັດທະນາຮວມມື ແລະ ເຂດການຂະຫຍາຍເນື້ອທີ່ການພັດທະນາຂອງການຜະລິດພະລັງງານຮອບດ້ານຢູ່ເທິງພູພາກໃຕ້ຂອງບໍ່ຫານ.
ໃນມື້ພັກວັນກຳມະກອນສາກົນ ວັນທີ 1 ພຶດສະພາ, ທ່າບົກທາງລົດໄຟຈີນ-ລາວ ບໍ່ຫານ ມີຜູ້ໂດຍສານຂ້າມຜ່ານຊາຍແດນທັງໝົດ 1.038 ຄົນ, ນີ້ແມ່ນຄັ້ງທຳອິດ ນັບແຕ່ໄດ້ເປີດບໍລິການເສັ້ນທາງລົດໄຟສາກົນຈີນ-ລາວ ທີ່ມີຜູ້ໂດຍສານເກີນກວ່າ 1,000 ຄົນ ໃນໜຶ່ງມື້, ເພີ່ມຂຶ້ນ 17%ໃນຮອບເດືອນ ແລະ ເພີ່ມຂຶ້ນ 165% ເມື່ອທຽບໃສ່ປີຜ່ານມາ. ນັບແຕ່ໄດ້ເປີດບໍລິການເສັ້ນທາງລົດໄຟສາກົນຈີນ-ລາວ ຕັ້ງແຕ່ໃນວັນທີ 13 ເມສາ 2023 ເປັນຕົ້ນມາ, ຜູ້ໂດຍສານໄດ້ພົບກັບ 02 ເຫດການ ຄື: ການຫລຸດເວລາການເດີນທາງ ແລະ ເພີ່ມຂຶ້ນຂອງຈຳນວນປີ້ໂດຍສານໃນເມື່ອກ່ອນຈາກການໃຊ້ເວລາເດີນທາງຈາກ 90 ນາທີ ມາເປັນ 52 ນາທີ ໃນປະຈຸບັນ ແລະ ຈໍານວນປີ້ໄດ້ເພີ່ມຂຶ້ນຈາກ 250 ເປັນ 350, ຊຶ່ງເຮັດໃຫ້ໄດ້ຮັບຄວາມນິຍົມຈາກນັກທ່ອງທ່ຽວທັງພາຍໃນ ແລະ ຕ່າງປະເທດ, ເນື່ອງຈາກຈຸດພິເສດທີ່ ປະຢັດ, ວ່າງໄວ ແລະ ສະດວກສະບາຍຂອງເສັ້ນທາງລົດໄຟ.
ທ່ານ ຫຼີເຄີ້ສຽງ, ກຳມະການປະຈຳກົມການເມືອງສູນກາງພັກກອມມູນິດຈີນ, ນາຍົກລັດຖະມົນຕີ ສປ ຈີນ ໄດ້ເນັ້ນເຖິງຄວາມສຳຄັນຂອງການຜັນຂະຫຍາຍບັນດາຂໍ້ດີ ຂອງເຂດການຮ່ວມມືຂ້າມຊາຍແດນບໍ່ຫານຢ່າງຕັ້ງໜ້າ ເພື່ອເພີ່ມທະວີການຮ່ວມມືເສດຖະກິດໃນເຂດຊາຍແດນ ລະຫວ່າງ ຈີນ ແລະ ລາວ ແລະ ເພື່ອເປັນການເສີມຂະຫຍາຍຄວາມໝາຍທາງດ້ານຍຸດທະສາດຂອງການຮ່ວມມືຂ້າມຊາຍແດນ ຈີນ-ລາວ. ປັດຈຸບັນ, ແຂວງຢຸນນານ ພວມພະຍາຍາມຈັດຕັ້ງປະຕິບັດວຽກງານ ຕາມຄວາມຮຽກຮ້ອງຕ້ອງການຂອງຄະນະບໍລິຫານງານສູນກາງພັກ ແລະ ສຳນັກງງານນາຍົກ ເພື່ອສ້າງເມືອງບໍ່ຫານໃຫ້ກາຍເປັນສູນກາງທີ່ມີຜົນສະທ້ອນຕໍ່ອາຊີໃຕ້ ແລະ ອາຊີຕາເວັນອອກສ່ຽງໃຕ້, ເປັນເຂດຕົວແບບການຮ່ວມມືໃນອານາຄົດຂອງປະຊາຄົມຈີນ- ລາວ ແລະ ສາມາດສະແດງໃຫ້ເຫັນເຖິງການເຄື່ອນຍ້າຍອຸດສາຫະກຳການຜະລິດ ແລະ ການຮ່ວມມືດ້ານກຳລັງການຜະລິດສາກົນ. ແຂວງຢຸນນານ ຈະໝູນໃຊ້ທ່າແຮງທາງດ້ານພູມສາດ ແລະ ສະຖານະພາບທາງຍຸດທະສາດຢ່າງເຕັມທີ່ ເພື່ອຕັ້ງໜ້າຮັບໃຊ້ ແລະ ເຊື່ອມໂຍງເຂົ້າກັບການກໍ່ສ້າງສູນກາງສົ່ງຜົນສະທ້ອນອັນດີ ໄປຍັງອາຊີໃຕ້ ແລະ ອາຊີຕາເວັນອອກສຽງໃຕ້, ເພື່ອຊຸກຍູ້ການຫັນປ່ຽນເສດຖະກິດຂອງທ່າບົກຈາກ “ເສດຖະກິດຊ່ອງທາງ” ກາຍເປັນ “ເສດຖະກິດອຸດສາຫະກຳ”, ຊຸກຍູ້ການກໍ່ສ້າງເຂດການຮ່ວມມື ລະຫວ່າງ ບໍ່ເຕ່ນ-ບໍ່ຫານ ໃນການພັດທະນາແບບໃໝ່ໃນຮູບແບບທີ່ມີ “ສອງຈຸດໃຈກາງເປັນແຮງຊຸກຍູ້, ສອງເຂດຮ່ວມມືປະສານງານ, ສອງປະເທດເປັນແບບເຊິ່ງກັນ ແລະ ກັນ ແລະ ຮ່ວມຂັບເຄື່ອນຫລາຍຈຸດໄປພ້ອມກັນ”.
ໃນໄລຍະ ວັນພັກກຳມະກອນສາກົນ ວັນທີ 01 ພຶດສະພາ, ທາງລົດໄຟຈີນ-ລາວໄດ້ນຳເຂົ້າ ແລະ ສົ່ງອອກສິນຄ້າ 87.400 ໂຕນ ແລະ ຜູ້ໂດຍສານ 4.067 ຄົນ, ເພີ່ມຂຶ້ນ 26,2% ແລະ 101% ຕາມລຳດັບ. ໃນ 4 ເດືອນຕົ້ນປີນີ້, ທາງລົດໄຟ ຈີນ-ລາວ ໄດ້ນຳເຂົ້າ ແລະ ສົ່ງອອກສິນຄ້າ 183,34 ລ້ານໂຕນ, ເພີ່ມຂຶ້ນ 32,9% ເມື່ອທຽບໃສ່ໄລຍະດຽວກັນຂອງປີຜ່ານມາ. ດ່ານລົດ ໄຟບໍ່ເຕ່ນ-ບໍ່ຫານໄດ້ຄອງຕຳແໜ່ງທີ່ເປັນທາງລົດໄຟທ່າບົກອັນດັບໜຶ່ງຂອງ ສປ ຈີນ ຕໍ່ກັບອາຊຽນ. ຕາມການແນະນຳຂອງດ່ານພາສີເມືອງເມິງລາ, ປະຈຸບັນ, ຖ້າຜູ້ໂດຍສານຜ່ານການກວດກາ ການລະບາດຂອງພະຍາດແລ້ວ ແລະ ບໍ່ໄດ້ພົບຄວາມຜິດປົກ ກະຕິ, ແມ່ນໃຊ້ເວລາປະມານ 10 ວິນາທີເທົ່ານັ້ນໃນການຜ່ານດ່ານ.
ເນື້ອໃນຂອງກອງປະຊຸມຖະແຫລງຂ່າວ ກ່ຽວກັບການປະດິດສ້າງລະບົບຂອງເຂດທົດລອງການຄ້າເສລີນະຄອນຄຸນໝິງ (ຢຸນນານ) ສປ ຈີນ ທີ່ຈັດຂຶ້ນເມື່ອບໍ່ດົນມານີ້ໄດ້ສະແດງໃຫ້ເຫັນວ່າ, ເຂດຄຸນໝິງໄດ້ສຸມໃສ່ “ການຮ່ວມມື ລະຫວ່າງ ຊຽງໄຮ-ຢຸນນານ, ການຄຸ້ມຄອງບໍລິຫານເມືອງບໍ່ຫານ, ເສັ້ນທາງລົດໄຟຈີນ-ລາວ”, ເພື່ອຍົກໃຫ້ເຫັນການສ້າງນະວັດຕະກຳໃໝ່ຂອງເຂດທົດລອງການຄ້າເສລີ, ຄວາມສາມາດໃນການຮອງຮັບອຸດສາຫະກຳວິທະຍາສາດ ແລະ ເຕັກໂນໂລຊີ, ຄວາມດຶງດູດຂອງທ່າບົກເຂດການຮ່ວມມືເສດຖະກິດຂ້າມຊາຍແດນ ຈີນ-ລາວ, ດ້ວຍການສ້າງສວນອຸດ ສາຫະກຳ 3 ແຫ່ງ ໃນການເປັນເສົາຄ້ຳ, ໂດຍເອົາການເປີດປະຕູສູ່ພາກໃຕ້ເປັນ “ສາຍຫຼັກ”, ຜ່ານການປະສານພົວພັນຂອງບັນດາອົງປະກອບຂອງ “ເສັ້ນທາງຕາມລໍາແມ່ນໍ້າ + ຕາມສາຍ + ຕາມຊາຍແດນ”, ເພື່ອປະກັບເປັນການເຊື່ອມໂຍງແບບຂັ້ນໄດໃຫ້ແກ່ຮູບແບບໃໝ່ຂອງການຍົກຍ້າຍອຸດສາຫະກໍາການຜະລິດ.
ພາຍຫຼັງນະຄອນຄຸນໝິງໄດ້ຄຸ້ມຄອງບໍລິຫານ ເຂດບໍ່ຫານຢ່າງເຕັມສ່ວນ, ໄດ້ດຳເນີນການຂັບເຄື່ອນການປະດິດສ້າງໃນ “4 ເຂດ” ຢ່າງໄວວາ ແລະ ໄດ້ອີງໃສ່ທາງລົດໄຟ ຈີນ-ລາວ ເພື່ອບັນລຸການຮ່ວມມືແບບ “ສອງຝັ່ງ ແລະ ຫລາຍເຂດອຸດສາຫະກຳ” ແລະ ໄດ້ຍົກລະດັບເຂດກວດກາດ່ານພາສີຂອງສະຖານີສູນກາງນະຄອນຄຸນໝິງວັງຈ່າຢິງ ແລະ ສຳເລັດການຫັນປ່ຽນທ່າບົກທາງລົດໄຟບໍ່ຫານຢ່າງມີຫົວຄິດປະດິດສ້າງໃຫ້ສຳເລັດ ສາມາດສຳເລັດການເພີ່ມທະວີການບໍລິການ ລະຫວ່າງ ພາກພື້ນ ແລະ ໃນຕົວເມືອງ. ໂດຍການປະສົມປະສານນະວັດຕະກໍາການຂົນສົ່ງທີ່ສໍາຄັນ ເຊັ່ນ “ລົດໄຟຈີນ-ລາວ + ລົດໄຟຈີນ-ເອີຣົບ”, “ສາຍສະເພາະຊຽງໄຮ-ຢູນໜານ ແລະ ແມ່ນ້ຳລ້ານຊ້າງ ແລະ ແມ່ນນ້ຳຂອງ” ແລະ ລົດໄຟຂົນສົ່ງສິນຄ້າຄວາມໄວສູງຄຸນໝິງ – ຊຸງຊິງ, ພ້ອມນັ້ນ, ໄດ້ວາງແຜນການ ແລະ ກໍ່ສ້າງສ່ວນອຸດສາຫະກຳເຂດຕາມສາຍນ້ຳ ບໍ່ຫານ ໄດ້ສ້າງ “ສອງສູນໃຈກາງຂອງທາງລົດໄຟທະເລທາງດ່ວນ” .
ປະຈຸບັນ, ໄດ້ຮັບໝາກຜົນການປະຕິບັດທີ່ດີ ແລະ ໝາກຜົນຂອງການເຄື່ອນໄຫວອຸດສາຫະກຳມີຄວາມຊັດເຈນ, ເຂດສ່ວນອຸດສາຫະກຳວິທະຍາສາດເຕັກໂນໂລຊີ ນະຄອນຄຸນໝິງ-ຊຽງໄຮ ຕາມເຂດໃກ້ແມ່ນ້ຳແຂວງຢຸນນານ ໄດ້ດຶງດູດເອົາ 38 ບໍລິສັດ ເຂົ້າມາຕັ້ງຖິ່ນຖານຢູ່ເຂດດັ່ງກ່າວໄດ້ຈົນສຳເລັດ. ໂຄງການອຸດສາຫະກຳທີ່ໄດ້ລົງນາມໃນການເຄື່ອນຍ້າຍມີ 45 ໂຄງການ ແລະ ມີມູນຄ່າທັງໝົດ 15 ຕື້ຢວນ, ໂຄງການສວນອຸດສາຫະກຳຕາມເຂດຊາຍແດນ ບໍ່ຫານ ມີ 28 ໂຄງການ ແລະ ມີຍອດເງິນລົງທຶນ 5,2 ຕື້ຢວນ, ແລະ ມີໂຄງການອຸດສາຫະກຳສຳຄັນຄືໂຄງການທຳອິດທີ່ລຽບຕາມແມ່ນ້ຳ ຂອງ ນະຄອນຊຽງໄຮ ແລະ ໂຄງການສ່ວນອຸດສາຫະກຳຫາຍຟູ ໄດ້ຮັບການປະຕິບັດຢ່າງເຕັມເມັດເຕັມໜ່ວຍ.
