ວັນທີ 30 ພຶດສະພານີ້ ແມ່ນວັນພະນັກງານວິທະຍາສາດເຕັກໂນໂລຊີແຫ່ງຊາດຈີນ ຄົບຮອບ 9 ປີ. ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ໄດ້ເອົາໃຈໃສ່ຕໍ່ພະນັກງານວິທະຍາສາດເຕັກໂນໂລຊີມາໂດຍຕະຫຼອດ, ຖືພວກເຂົາເປັນ “ກຳລັງຫຼັກແຫຼ່ງແຫ່ງການຊຸກຍູ້ຂະບວນການສ້າງຄວາມທັນສະໄໝແບບຈີນ” ແລະເປັນ “ຜູ້ແບກຫາບໜ້າທີ່ສຳຄັນຂອງການສ້າງສາປະເທດຊາດໃຫ້ເຂັ້ມແຂງດ້ວຍວິທະຍາສາດເຕັກໂນໂລຊີ”.
ໃນໂອກາດພົບປະກັບພະນັກງານວິທະຍາສາດເຕັກໂນໂລຊີ, ທ່ານ ສີຈິ້ນຜິງ ຊີ້ແຈງເລື້ອຍໆເຖິງຄວາມສຳຄັນຂອງບຸກຄະລາກອນວິທະຍາສາດເຕັກໂນໂລຊີ. ຕາມ ທ່ານ ສີຈິ້ນຜິງ ເຫັນວ່າ, “ແຫຼ່ງພື້ນຖານແຫ່ງກຳລັງປະດິດສ້າງດ້ານວິທະຍາສາດເຕັກໂນໂລຊີແຫ່ງຊາດແມ່ນຢູ່ນຳຄົນ”, “ໝາກຜົນການປະດິດສ້າງທຸກຢ່າງແລ້ວແຕ່ແມ່ນເປັນຜູ້ສ້າງ”, “ຖ້າຢາກບັນລຸເປົ້າໝາຍການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນຄືນໃໝ່, ມີບຸກຄະລາກອນຍິ່ງຫຼາຍຍິ່ງດີ, ມີຄວາມສາມາດຍິ່ງຫຼາຍຍິ່ງດີ”.
ເພື່ອປຸກລະດົມຄວາມຫ້າວຫັນດ້ານການປະດິດສ້າງຂອງບຸກຄະລາກອນວິທະຍາສາດເຕັກໂນໂລຊີ, ທ່ານ ສີຈິ້ນຜິງ ໄດ້ຄົ້ນຄິດ ແລະ ວາງແຜນດ້ວຍຕົນເອງ. “ເຮັດໃຫ້ນັກຄົ້ນຄວ້າວິທະຍາສາດສຸມໃສ່ວຽກງານຄົ້ນຄວ້າຢ່າງເຕັມທີ່” ເປັນຈຸດສຳຄັນທີ່ທ່ານເນັ້ນໜັກຢູ່ເລື້ອຍໆ. ທ່ານຮຽກຮ້ອງໃຫ້ຫຼຸດຜ່ອນພາລະຂອງບຸກຄະລາກອນວິທະຍາສາດເຕັກໂນໂລຊີຢ່າງແທ້ຈິງ: “ເດັດຂາດບໍ່ໃຫ້ພະນັກງານວິທະຍາສາດເຕັກໂນໂລຊີຕ້ອງທຸ້ມເທເວລາຈຳນວນຫຼວງຫຼາຍເຂົ້າໃນກິດຈະກຳທີ່ບໍ່ມີປະໂຫຍດເຊັ່ນ: ການຮັບຮອງແຂກ, ແລະເວລາໃນກິດຈະກຳການປະເມີນ ແລະ ຕີລາຄາແບບບໍ່ຈຳເປັນ, ເສຍເວລາໃນກິດຈະກຳຕ່າງໆທີ່ເປັນລັດທິຮູບການ ແລະ ລັດທິອາດຍາສິດ!” ຄວາມເວົ້າທີ່ເຂັ້ມແຂວງດັ່ງກ່າວ, ໄດ້ລຶບລ້າງສິ່ງກີດຂວາງບົນສັ້ນທາງຄົ້ນຄວ້າວິທະຍາສາດຂອງພະນັກງານວິທະຍາສາດເຕັກໂນໂລຊີ.
ການຝາກຄວາມຫວັງເປັນຢ່າງຍິ່ງ ແລະ ການວາງແຜນຢ່າງຕິດແທດຕົວຈິງຂອງທ່ານ ສີຈິ້ນຜິງ, ແມ່ນການສະໜັບສະໜູນ ແລະ ການລະດົມຈິດໃຈທີ່ເຂັ້ມແຂງທີ່ສຸດສຳລັບພະນັກງານວິທະຍາສາດເຕັກໂນໂລຊີທົ່ວປະເທດຈີນ, ເຊິ່ງຈະກໍ່ໃຫ້ເກີດມີແຮງຂັບເຄື່ອນດ້ານການປະດິດສ້າງທີ່ມີຊີວິດຊີວາຍິ່ງຂຶ້ນ.
