ທ່ານ ຈັນສະໝອນ ຜ່ອງຈັນທາ ປະທານສະຫະພັນບານສົ່ງແຫ່ງຊາດລາວ ໃຫ້ຮູ້ວ່າ: ລາຍການນີ້ ຈັດຂຶ້ນເພື່ອປະຕິບັດ ຕາມແຜນພັດທະນາກິລາບານສົ່ງລາວ ສົ່ງເສີມໃຫ້ກິລາບານສົ່ງນັບມື້ເຕີບໃຫຍ່ຂະຫຍາຍຕົວຂຶ້ນເລື້ອຍໆ, ແນໃສ່ສ້າງນັກກິລາໃຫ້ມີຄວາມແຂງແກ່ນ ສາມາດກ້າວເປັນນັກກິລາທີມຊາດ ກຽມຮ່ວມ ງານຕ່າງໆລະດັບພາກພື້ນ ແລະ ສາກົນ ໂດຍສະເພາະ ງານກິລາຊີເກມ ຄັ້ງທີ 33 ທີ່ປະເທດໄທ ໃນປີ 2025.
ລາຍການນີ້ ທັງສອງປະເພດແມ່ນແຂ່ງຂັນຮອບດຽວ ທຸກທີມຈະໄດ້ພົບກັນໝົດ ແລ້ວຄັດເລືອກເອົາທີມທີ່ມີຄະແນນດີສຸດເປັນແຊ້ມ ຈະແຂ່ງຂັນໃນວັນເສົາ ແລະ ອາທິດ ເຊິ່ງເງິນລາງວັນລວມເກືອບ 300 ບ້ານກີບ, ຄາດວ່າຈະຈັດຂຶ້ນໃນທ້າຍເດືອນກັນຍານີ້
ສຳລັບທີມຊາຍ ມີ 10 ທີມເຂົ້າຮ່ວມ ປະກອບມີ:1. ກະຊວງປ້ອງກັນປະເທດ ຫລື ກອງທັບ
2. ລາວສະກາຍເວ
3. ໂກຣ-ອັບ (Grow-UP)
4. ອິນເທັນເຊີນ
5. ວຽງຈັນ ວີຊີ
6. ສັນນິວາດ ວີຊີ
7. ແບັກບັດເຕີຟາຍ (Black Butterfly)
8. ຈັນທິລາດ ວີຊີ
9. ນະຄອນຫຼວງ ຫລື ອິນທະສອນ ວີຊີ
10. ເອັມພີຊີ ບລູ ຮາວາຍ.
ສ່ວນທີມຍິງ ມີ 5 ທີມເຂົ້າຮ່ວມ ປະກອບມີ:1. ກອງທັບ
2. ກົມໃຫຍ່ການເມືອງກອງທັບ
3. ວຽງຈັນ ວີຊີ
4. ເອັສເອັນເຄ ວີຊີ
5. ເອັສອີຊີ ວີຊີ
