ຕອນເຊົ້າ ຂອງວັນທີ 18 ກໍລະກົດ 2023 ບໍລິສັດ HOLMATRO Netherlands ຮ່ວມກັບ ບໍລິສັດ ມະຫາໂຊກການຄ້າ ຈໍາກັດຜູ້ດຽວ ໄດ້ມອບ ອຸປະກອນກູ້ໄພ ໃຫ້ແກ່ມູນລະນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວ (1623). ເຊິ່ງພິທີມອບ-ຮັບດັ່ງກ່າວໄດ້ຈັດຂຶ້ນ ທີ່ມູນນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວ, ຕາງໜ້າມອບໂດຍ ທ່ານ ນ. ຈັນດາວອນ ວົງໄຊ, ຮອງຜູ້ອໍານວຍການ ບໍລິສັດ ມະຫາໂຊກການຄ້າ ແລະ ເປັນກຽດຮັບໂດຍ ທ່ານ ນາງ ສີສະຫຼຽວ ທໍາມະເທວາ, ປະທານມູນນິ ທິຊ່ວຍເຫຼືອຄົນທຸກຍາກແຫ່ງ ສປປ ລາວ. ອຸປະກອນທີ່ມອບໃນຄັ້ງນີ້ ລວມມີ: ເຄື່ອງຕັດ, ແຍກ ພ້ອມອຸປະກອນຄົບຊຸດ ແລະ ເຄື່ອງຍົກດ້ວຍແຮງດັນ ລວມທັງໝົດ 10 ລາຍການ, ລວມເປັນມູນຄ່າ 16,000 ເອີໂຣ. ອຸປະກອນກູ້ໄພທີ່ນໍາມາມອບ ແມ່ນຈະຖືກນໍາໃຊ້ເຂົ້າໃນວຽກງານກູ້ໄພ ໂດຍສະເພາະອຸບັດເຫດທາງລົດຍົນ ເພື່ອຈະເອົາຜູ້ໄດ້ຮັບບາດເຈັບອອກຈາກລົດໄດ້ທັນເວລາ ແລະ ປອດໄພທີ່ສຸດ.
ຂ່າວ;ພາບ: ຫນ່ວຍກູ້ໄພ 1623
