ປກສ ແຂວງໄຊສົມບູນ ທໍາລາຍອາວຸດລ່າເນື້ອ

ວັນທີ 29 ເມສາ 2024, ປກສ ແຂວງໄຊສົມບູນ ໄດ້ທຳລາຍອາວຸດລ່າເນື້ອທັງໝົດ 220 ກະບອກ, ໃນນັ້ນມີອາວຸດເສິກ 24 ກະບອກ ພ້ອມລູກປືນ 55 ລູກ, ອາວຸດພື້ນເມືອງ 196 ກະ ບອກ, ເລົາປືນ 25 ເລົາ, ລະເບີດ 3 ໜ່ວຍ, ໝໍ້ຊ໊ອດປາ 8 ໜ່ວຍ, ໝໍ້ໄຟ 2 ໜ່ວຍ.

ອາວຸດ ແລະ ເຄື່ອງຕ້ອງຫ້າມທີ່ນຳໃຊ້ບໍ່ຖືກຕ້ອງຕາມລະບຽບກົດໝາຍເຫລົ່ານີ້ເຈົ້າໜ້າທີ່ສາມາດເກັບກູ້ມາໄດ້ຈາກ ການປະຕິ ບັດຕາມຄຳສັ່ງຂອງກະຊວງປ້ອງກັນຄວາມສະຫງົບວ່າດ້ວຍການຮີບໂຮມຂຶ້ນບັນຊີຄຸ້ມຄອງອາວຸດເສິກ ແລະ ຕາມຄຳສັ່ງເພີ່ມເຕີມຂອງຄະນະກຳມະການ ປກຊ-ປກສ ແຂວງໄຊສົມບູນ ວ່າດ້ວຍການເລີກຮື້ສະນຳໄຮ່, ຄັງລ້ຽງສັດຂອງປະຊາຊົນຢູ່ເຂດຫ່າງໄກສອກຫລີກ, ເລີກຮື້ອາວຸດເຖື່ອນ, ປືນແກັບ, ປືນປໍ້, ໝໍ້ຊ໊ອດປາ, ທາດແຕກ, ທາດລະເບີດ, ການເຄື່ອນໄຫວອື່ນໆ ທີ່ພົວພັນເຖິງຄວາມບໍ່ສະຫງົບ, ບໍ່ຖືກຕ້ອງຕາມລະບຽບກົດໝາຍ.

ທີ່ມາ: ປກສ ແຂວງໄຊສົມບູນ