ວັນທີ 9 ພຶດສະພາ 2024 ຜູ້ຕາງຫນ້າ 3 ພາກສ່ວນທີ່ກ່ຽວຂ້ອງກັບການໃຊ້ແຮງງານ ຄື: ກະຊວງແຮງງານ ແລະ ສະຫວັດດີການສັງຄົມ, ສູນກາງສະຫະພັນກຳມະບານລາວ ແລະ ສະພາການຄ້າ ແລະ ອຸດສາຫະກຳແຫ່ງຊາດ ຮ່ວມກັນປຶກສາຫາລືຢູ່ນະຄອນຫວງວຽງຈັນ ເພື່ອຊອກຫາວິທີແກ້ໄຂບັນຫາການຂາດເຂີນແຮງງານ ແລະ ແຜນການຮ່ວມມືໃນການແກ້ໄຂບັນຫາດັ່ງກ່າວໃນໄລຍະຕໍ່ຫນ້າ.
ທັ້ງນີ້ ເນື່ອງຈາກປັດຈຸບັນຫລາຍຫົວຫນ່ວຍທຸລະກິດຢູ່ລາວ ປະສົບບັນຂາດເຂີນແຮງງານ ເນື່ອງຈາກຫລາຍສາເຫດສໍາຄັນ ໂດຍສະເພາະແມ່ນບັນຫາຄ່າຄອງຊີບນັບມື້ເພີ່ມຂຶ້ນສູງ.
