ວັນທີ 2 ທັນວານີ້, ບັນດາຜູ້ມີຊື່ສຽງທາງອິນເຕີເນັດຈາກປະເທດອາຊຽນທີ່ໄປເຂົ້າຮ່ວມກອງປະຊຸມສາກົນເຂົ້າໃຈຈີນ 2024 ຕາມຄຳເຊີນໄດ້ກ່າວໃນເວລາໃຫ້ສຳພາດຕໍ່ນັກຂ່າວວິທະຍຸໂທລະພາບສູນກາງຈີນຫຼື CMG ໂດຍໄດ້ແບ່ງປັນພາບແຫ່ງຄວາມປະທັບໃຈຂອງຕົນຕໍ່ຈີນແລະຄວາມເຂົ້າໃຈຂອງເຂົາເຈົ້າທີ່ມີຕໍ່ຄວາມທັນສະໄໝແບບຈີນ.
ທ່ານ ສັງຂານ ຈຸມຄຳພັນ ອະດີດຮອງຜູ້ອຳນວຍການໃຫຍ່ວິທະຍຸກະຈາຍສຽງແຫ່ງຊາດລາວເຄີຍໄດ້ເຮັດວຽກຢູ່ຈີນເປັນເວລາ 5 ປີ. ລາວມີຄວາມປະທັບໃຈຢ່າງເລິກເຊິ່ງຕໍ່ຂະບວນການຫັນເປັນທັນສະໄໝຂອງຈີນ,ລາວເວົ້າວ່າ “ປະເທດຈີນໃຊ້ເວລາພຽງແຕ່ປະມານ 40 ປີກໍທັນລະດັບການພັດທະນາຂອງປະເທດຝ່າຍຕາເວັນຕົກທີ່ພັດທະນາມາເປັນເວລາ 200 ກວ່າປີແລ້ວ, ປັດຈຸບັນ ຈີນແມ່ນມີຄວາມທັນສະໄໝຫຼາຍກວ່າປະເທດເຫຼົ່ານີ້ໃນບາງຂົງເຂດ. ເລື່ອງນີ້ພິສູດໃຫ້ເຫັນວ່າ ຈີນ ແລະ ປະຊາຊົນຈີນໄດ້ເລືອກເສັ້ນທາງທີ່ຖືກຕ້ອງພາຍໃຕ້ການນໍາພາຂອງພັກກອມມູນິດຈີນ. ຂ້າພະເຈົ້າຍັງຂໍຍ້ອງຍໍເປັນພິເສດວ່າ ຈີນບໍ່ເຄີຍລືມການອະນຸລັກສິ່ງແວດລ້ອມຈັກເທື່ອ ພ້ອມທັງໄດ້ມີບົດບາດອັນຕັ້ງໜ້າໃນຂອບເຂດທົ່ວໂລກ.”
ທ້າວ ອິຊາ ຈຸບິວ ຜູ້ມີຊື່ສຽງທາງອິນເຕີເນັດ ຄົນມາເລເຊຍທີ່ຕັ້ງຊື່ຊ່ອງຕ່າງໆຂອງຕົນວ່າ “ຫົວຜັກກາດແດງ” ໄດ້ເວົ້າວ່າ: “ຈີນໄດ້ຫັນຈາກສູນອຸດສາຫະກຳການຜະລິດແຫ່ງໜຶ່ງກາຍເປັນຜູ້ນຳໜ້າໃນຂົງເຂດການຄ້າສາກົນ, ການເງິນ ແລະ ການຕ່າງປະເທດ.”
ທ້າວອາງ ຕີຮາ ຜູ້ມີຊື່ສຽງທາງອິນເຕີເນັດ ຊາວມຽນມາທີ່ມັກເຜີຍແຜ່ຄິບດ້ານການທ່ອງທ່ຽວໄດ້ກ່າວວ່າ: ລາວເຄີຍໄດ້ໄປທຽວມາຫຼາຍປະເທດ,ແຕ່ໄດ້ສຳຜັດປະສົບການດ້ານຄວາມປອດໄພແລະຄວາມທັນສະໄໝຂ້ອນຂ້າງໜ້ອຍ,ແຕ່ເມື່ອທຽບກັບຈີນແລ້ວ ຊ້ຳພັດເປັນໜຶ່ງໃນສະຖານທີ່ມີຄວາມປອດໄພແລະທັນສະໄໝຫຼາຍ. ລາວເວົ້າວ່າ: ໃນມຸມມອງຂອງຂ້ອຍເອງແລ້ວ, ລົດໄຟຟ້າທີ່ດີທີ່ສຸດໃນໂລກແມ່ນມາຈາກຈີນ.
ທ້າວ ໂຈອີ ຄາປີຊັນດາ ຜູ້ມີຊື່ສຽງທາງອິນເຕີເນັດຟີລິບປິນທີ່ເຄີຍຈົບການສຶກສາຈາກມະຫາວິທະຍາໄລພາຍໃຕ້ການຊ່ວຍເຫຼືອທຶນການສຶກສາຈາກນັກວິສາຫະກິດຊາວຈີນຢູ່ຟີລິບປິນ, ລາວເວົ້າວ່າ ສິ່ງທີ່ເຮັດໃຫ້ລາວປະທັບໃຈທີ່ສຸດແມ່ນສິ່ງມະຫັດສະຈັນດ້ານການກໍ່ສ້າງຂອງຈີນ, ຈີນໃນສາຍຕາຂອງລາວກໍ່ຄືສະພາບແຫ່ງຄວາມທັນສະໄໝ: “ຢູ່ຈີນປະຊາຊົນເປັນເຈົ້າຂອງປະເທດຊາດ, ປະຊາຊົນສາມາດຕັດສິນຊີວິດການເປັນຢູ່ຂອງຕົນເອງໄດ້. ຢູ່ຈີນມີແນວຄິດການບໍລິຫານປະເທດທີ່ຖືຄົນເປັນກົກ ແລະ ມີການນຳທີ່ສາມາດຮັບປະກັນຄວາມຜາສຸກແລະອະນາຄົດຂອງປະຊາຊົນ.”
ທີ່ມາ: CMG
