ວັນທີ 18 ກຸມພາ 2026 ຜູ້ລົງສະໝັກເລືອກຕັ້ງ ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 1 ນະຄອນຄອນຫຼວງວຽງຈັນ ຈຸທີ5 ສືບຕໍ່ລົງເຄື່ອນໄຫວຫາສຽງກ່ອນເຖິງບັ້ນເລືອກຕັ້ງໃນວັນທີ 22 ກຸມພາທີ່ຈະມາເຖິງນີ້ ການລົງເຄື່ອນໄຫວຄັ້ງນີ້ໄດ້ພົບປະຜູ້ມີສິດເລືອກຕັ້ງ 5 ບ້ານຄື: ບ້ານທ່າກົກໄຮ ບ້ານໂນນ ບ້ານ ໜອງດົງ ນາບົງ ແລະ ບ້ານທ່າຊ້າງ ເມືອງປາກງຶ່ມ ຢູ່ວັດບ້ານທ່າກົກໄຮ ຕ້ອນຮັບໂດຍທ່ານ ທົດສະກັນ ໄກສອນເພັດ ຮອງປະທານຄະນະກຳມະການປົກຄອງເມືອງປາກງື່ມ ພ້ອມດ້ວຍ ການນໍາເມືອງ ອົງການປົກຄອງບ້ານ ແລະ ພໍ່ປະຊາຊົນເຂົ້າຮ່ວມ.
ສຳລັບຈຸທີ 5 ປະກອບມີ 5 ທ່ານ ຄືທ່ານ ນາງ ວິໄຊ ສະຣິດທິລາດ ຮອງປະທານກຳມາ ທິການແຜນການ ການເງິນ ແລະ ການກວດສອບ ສະພາແຫ່ງຊາດ ເບີ 5 ທ່ານ ຕຸລາວັນ ໜໍ່ເມືອງເສດ ຫົວໜ້າກົມຈັດຕັ້ງກະຊວງສຶກສາທິການ ແລະ ກິລາ ເບີ 9 ທ່ານ ນາງ ຄຳແຫວນ ສິງບັນດິດ ຮອງປະທານຄະນະກຳມະການວັດທະນະທຳ ສັງຄົມ ແລະ ບັນດາເຜົ່າ ສະພາປະຊາຊົນ ນວ ເບີ 19 ທ່ານ ສົມສະຫວາດ ກົມໄຊຊະນະ ຮອງປະທານສານປະຊາຊົນ ນວ ເບີ 20 ແລະ ທ່ານ ບຸນທ່ຽງ ລັດຕະນະວົງ ປະທານສະມາ ຄົມທຸລະກິດກະສິກຳ ເບີ 25.
ການລົງເຄື່ອນໄຫວຄັ້ງນີ້ແຕ່ລະທ່ານກໍໄດ້ຜັດປ່ຽນກັນຂຶ້ນແນະນໍາຕົນເອງ ເພື່ອໃຫ້ຜູ້ມີສິດປ່ອນບັດເລືອກຕັ້ງໄດ້ຮັບຮູ້ເຂົ້າໃຈຢ່າງຖືກຕ້ອງ ຕໍ່ຜູ້ສະໝັກຮັບເລືອກຕັ້ງແຕ່ລະທ່ານເພື່ອເປັນບ່ອນອີງໃນການຄົ້ນຄວ້າ ຄົ້ນຄິດ ສົມທຽບໃສ່ມາດຕະຖານເພື່ອຕັດສິນໃຈເລືອກເອົາຜູ້ທີ່ເຫັນວ່າມີມາດຕະຖານເງື່ອນທີ່ເໝາະສົມເພື່ອເປັນຕົວແທນຂອງປະຊາຊົນຢູ່ສະພາແຫ່ງຊາດ ແລະ ສະພາປະຊາຊົນນະຄອນຫຼວງວຽງຈັນ.
ຂ່າວ: ວຽງຈັນໃໝ່