ຕອນບ່າຍຂອງ ວັນທີ 12 ພະຈິກ 2024 ພະນະທ່ານ ທອງລຸນ ສີສຸລິດ ປະທານປະເທດ ພ້ອມຄະນະ ລົງທ່ຽວຊົມງານບຸນນະມັດສະການພຣະທາດຫຼວງ ປະຈໍາ ພສ 2567 ກໍຄື ປະຈໍາປີ 2024 ອອກຕ້ອນຮັບຄັ້ງນີ້ໂດຍ ທ່ານ ອະນຸພາບ ຕຸນາລົມ ເລຂາອົງຄະນະພັກ ປະທານສະພາປະຊາຊົນ ນະຄອນຫຼວງວຽງຈັນ ທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ ທ່ານ ນາງ ວຽງພອນ ແກ້ວຄູນສີ ຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງ.
ການລົງຢ້ຽມຊົມສິນຄ້າ ຮ້ານວາງສະແດງໃນງານບຸນພຣະທາດຫຼວງຄັ້ງນີ້ ປະທານສະພາປະຊາຊົນ ນວ ໄດ້ຮັບຟັງການລາຍງານການຈັດງານບຸນ ການວາງສະແດງສິນຄ້າ ແລະ ກິດຈະກຳຕ່າງໆທີ່ປິ່ນອ້ອມຢູ່ໃນງານບຸນນະມັດສະການພຣະທາດຫຼວງວຽງຈັນ ປະຈຳປີ 2024.
ຫຼັງຈາກນັ້ນຄະນະກໍໄດ້ທ່ຽວຊົມຮ້ານວາງສະແດງຜະລິດຕະພັນໂອດ໋ອບ ຈຸດວາງສະແດງຮູບພາບ ແລະ ເຂົ້າກາບໄຫວ້ສັກກາລະບູຊາພຣະທາດຫຼວງ ເພື່ອເປັນສິລິມຸງຄຸນໃຫ້ກັບງານບຸນຄັ້ງນີ້.
ທີ່ມາ: ວຽງຈັນໃໝ່
