ມອບລົດເມ 20 ຄັນ ໃຫ້ບັນດາສະມາຄົມລົດໂດຍສານພາຍໃນ ແຂວງບໍລິຄຳໄຊ
ເມື່ອບໍ່ດົນມານີ້, ພະແນກໂຍທາທິການ ແລະ ຂົນສົ່ງ ແຂວງບໍລິຄຳໄຊ ໄດ້ມອບລົດເມ 20 ຄັນ ໃຫ້ສະມາຄົມລົດໂດຍສານປະຈຳແຂວງ ແລະ ເມືອງ ຕາງໜ້າມອບໂດຍ ທ່ານ ໂຄສະຈານ ແສງທະວິໄຊ ຮອງຫົວໜ້າພະແນກໂຍທາທິການ ແລະ ຂົນສົ່ງແຂວງ ແລະ ກ່າວຮັບໂດຍບັນດາປະທານສະມາຄົມລົດໂດຍສານແຂວງ ແລະ ເມືອງ 7 ຕົວເມືອງ.
ລົດເມຈໍານວນດັ່ງກ່າວ ແມ່ນໄດ້ມາຈາກການຊ່ວຍເຫລືອຂອງ ບໍລິສັດ ບູຢອງລາວ ຈຳກັດ ເພື່ອໄປນໍາໃຊ້ບໍລິການຂົນສົ່ງຢູ່ພາຍ ໃນເມືອງຂອງແຂວງບໍລະຄໍາໄຊ.
