ກະຊວງສາທາລະນະສຸກ ມອບລົດຈໍານວນ 9 ຄັນ, ມູນຄ່າ 481.500 ໂດລາສະຫະລັດ ໃຫ້ 8 ແຂວງ ຄື: ນະຄອນຫຼວງວຽງຈັນ, ແຂວງ ໄຊສົມບູນ, ບໍລິຄໍາໄຊ, ແຂວງວຽງຈັນ, ອັດຕະປື, ເຊກອງ, ຫົວພັນ ແລະໄຊຍະບູລີ ເມື່ອບໍ່ດົນມານີ້ທີ່ ນະຄອນຫລວງວຽງຈັນ.
ລົດດັ່ງກ່າວຈະໄດ້ນຳໃຊ້ເຂົ້າໃນການຂົນສົ່ງວັກຊິນຈາກແຂວງ ຫາ ເມືອງ, ເມືອງ ຫາ ສຸກສາລາ ທັ້ງນີ້ກໍເພື່ອ ເປັນການຮັບປະກັນຄຸນນະພາບຂອງວັກຊິນ ໃຫ້ມີຄວາມປອດໄພ ຮັກສາຄວາມເຢັນໃຫ້ຢູ່ໃນເກນມາດຕະຖານກ່ອນຈະບໍລິການໃຫ້ກັບປະຊາຊົນ.
ທີ່ມາ: ສູນຂ່າວສານການແພດ ແລະ ສຸຂະສຶກສາ
