ລັດຖະບານເຢຍລະມັນ ໃຫ້ຄຳໝັ້ນສັນຍາ ຈະສະໜອງກາຊ່ວຍເຫຼືອໃໝ່ ມູນຄ່າ 41 ລ້ານເອີໂຣ (ຫລື ປະມານ 1,011 ຕື້ກີບ) ໃຫ້ແກ່ ສປປ ລາວ ເພື່ອສະໜັບສະໜູນໂຄງການຫຼຸດຜ່ອນຄວາມທຸກຍາກ ແລະ ຊຸກຍູ້ການພັດທະນາ.
ການສະໜັບສະໜູນນີ້ ແມ່ນໝາກຜົນແຫ່ງການເຈລະຈາລະຫວ່າງສອງລັດຖະບານ ກ່ຽວກັບການຜັນຂະຫຍາຍການຮ່ວມມືພັດທະນາ. ກອງປະຊຸມໄດ້ຈັດຂຶ້ນຢູ່ນະຄອນເບີລິນ ປະເທດເຢຍລະມັນໃນລະຫວ່າງວັນທີ 17-18 ກັນຍາ 2024, ຕາມຖະແຫຼງການຢ່າງເປັນທາງການ.
ກົມຮ່ວມມືສາສາກົນ, ກະຊວງແຜນການ ແລະ ການລົງລົງທຶນຂອງລາວ ໃຫ້ຮູ້ວ່າ: ໃນສ່ວນຂອງການເຈລະຈາ, ລັດຖະບານເຢຍລະມັນໄດ້ດຳເນີນການສະໜອງທຶນໃໝ່ໃຫ້ແກ່ລັດຖະບານ ສປປ ລາວ 41,000,000 ເອີໂຣ ໃຫ້ແກ່ການຮ່ວມມືດ້ານເຕັກນິກ ແລະ ການເງິນສອງຝ່າຍ. ການຊ່ວຍເຫຼືອນີ້ ປະກອບມີ 20 ລ້ານເອີໂຣ ສໍາລັບໂຄງການຮ່ວມມືດ້ານການເງິນ ແລະ 21 ລ້ານເອີໂຣສໍາລັບໂຄງການຮ່ວມມືດ້ານວິຊາການ.
ສໍາລັບການຊ່ວຍເຫຼືອທີ່ເຢຍລະມັນ ທີ່ມີຕໍ່ລາວ ແມ່ນມີມານັບແຕ່ປີ 1964 ແລະ ເປັນ 60 ປີແຫ່ງການຮ່ວມມືໄດ້ສ້າງການພົວພັນຢ່າງແໜ້ນແຟ້ນລະຫວ່າງ 2 ປະເທດ.
Cr: VientianeTimes, Via FM90
