ກຸ່ມບໍລິສັດ ໄຊຊະນະ ຈຳກັດຜູ້ດຽວ ແລະ ບໍລິສັດ HQ Mine Export–Import Co, LTD ໄດ້ມອບເງີນໃຫ້ແຂວງ ອັດຕະປື ຈຳນວນ 1 ຕື້ກີບ ເພື່ອສະໜັບສະໜູນວຽກງານພັດ ທະນາເສດຖະກິດ-ສັງຄົມຂຂອງແຂວງ.
ພິທີມອບ-ຮັບ ໄດ້ຈັດຂື້ນຢ່າງເປັນທາງການໃນຕອນບ່າຍຂອງວັນທີ 19 ພະຈິກ 2024 ນີ້ທີ່ຫ້ອງວ່າການປົກຄອງແຂວງ, ຕາງ ໜ້າອົງການປົກຄອງແຂວງຮັບໂດຍທ່ານ ລິດຄໍາ ໂຮມອິນຕາ ຫົວ ໜ້າຫ້ອງວ່າການປົກຄອງແຂວງ, ໂດຍຊ້ອງໜ້າທ່ານ ພົນໂທ ວັນທອງ ກອງມະນີ ເຈົ້າແຂວງອັດຕະປື ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ການຊ່ວຍເຫຼືອຂອງກຸ່ມບໍລິສັດ ໄຊຊະນະ ຈຳກັດຜູ້ດຽວ ແລະ ບໍລິສັດ HQ Mine Export – Import Co, LTD ໃນຄັ້ງນີ້ ຖືວ່າເປັນຊ່ວຍອັນສໍາຄັນເຂົ້າໃນການຍູ້ແຮງໃຫ້ແກ່ການພັດ ທະນາແຂວງອັດຕະປື ໃຫ້ມີການພັດທະນາ ຂື້ນໄປເລື້ອຍໆ.
ຂ່າວ-ພາບ: ວິໄລສັກ
