ວັນທີ 12 ສິງຫາ 2024 ທີ່ຜ່ານມາ, ສະຖາບັນຂົງຈື ມຊ ໄດ້ຈັດຕັ້ງການສອບເສັງຄັດເລືອກນັກສຶກສາເຂົ້າຮຽນໃນຫຼັກສູດຄູພາສາຈີນ ສົກປີ 2024-2025, ເຊິ່ງການສອບເສັງໄດ້ແບ່ງອອກເປັນສອງພາກຄື: ພາກເຊົ້າສອບເສັງ 2 ຫົວບົດຄື: ຄະນິດສາດ- ພູມິສາດ-ປະຫວັດສາດ-ພາສາລາວ ວັນນະຄະດີ ເປັນໜຶ່ງຫົວບົດເສັງ ແລະ ພາສາຈີນ-ພາສາອັງກິດ ເປັນໜຶ່ງຫົວບົດເສັງ.
ພາກບ່າຍແມ່ນການສໍາພາດດ້ວຍພາສາຈີນ, ເຊິ່ງສໍາພາດນັກ ສຶກສາທຸກຄົນດ້ວຍອາຈານຄົນຈີນ, ການຄັດເລືອກດ້ວຍຮູບ ແບບນີ້ແມ່ນສາມາດຮັບປະກັນໄດ້ເຖິງຄຸນນະພາບຂອງນັກສຶກສາທີ່ຈະເຂົ້າມາເປັນຄູພາສາຈີນ.
ການສອບເສັງຄັ້ງນີ້ມີນັກສາລົງທະບຽນສອບເສັງທັງໝົດ 437 ຄົນ, ລວມມີ 22 ຫ້ອງ ແມ່ນມີນັກສຶກສາມາຈາກ 15 ແຂວງ ແລະ 1 ນະຄອນຫຼວງໄດ້ມາສະໝັກລົງທະບຽນ, ເຊິ່ງມາຈາກຫຼາຍພາກສ່ວນເຊັ່ນ:ໂຮງຮຽນລຽວໂຕວ໌, ໂຮງຮຽນຈຸງເຕັກ (ແຂວງສະຫວັນນະເຂດ), ໂຮງຮຽນຫົວສຽວ (ແຂວງຈໍາປາສັກ) ແລະ ນັກສຶກສາທີ່ຮຽນບໍາລຸງພາສາຈີນທີ່ສະຖາບັນການສຶກສາທີ່ມີການສອນພາສາຈີນໃນແຕ່ລະແຂວງ, ສ່ວນການສອບເສັງເຂົ້າຮຽນຫຼັກສູດປະລິນຍາຕີ ສາຂາຄູພາສາຈີນໄດ້ປິດລົງໃນວັນດຽວກັນ ເວລາ 17:00 ນາທີ.
ທີ່ມາ: ສະຖາບັນຂົງຈື
