ວັນທີ 6 ກັນຍານີ້, ພິທີສ້າງສຳເລັດຮູບແກະສະຫຼັກເພື່ອລະນຶກງານໂອລິມປິກປາຣີຂະໜາດໃຫຍ່ທີ່ໃສ່ຫົວຂໍ້ວ່າ “ຮ່ວມເຮືອລຳດຽວກັນ” ທີ່ວິທະຍຸໂທລະພາບສູນກາງຈີນ ຫຼື CMG ບໍລິຈາກໃຫ້ຄະນະກຳມະການໂອລິມປິກ ແລະ ກິລາແຫ່ງຊາດຝຣັ່ງ ກໍຄືພິທີເປີດນຳໃຊ້ສວນສັນຕິພາບໂອລິມປິກ ໄດ້ຈັດຂຶ້ນຢູ່ປາສາດກາຕາລານະຄອນມະຫານອຍຊີເຂດໃຫຍ່ເກາະຝຣັ່ງເສດ (Ile-de-France).
ທ່ານເຊິ້ນໄຫຊົງ ຜູ້ອຳນວຍການໃຫຍ່ CMG ໄດ້ສົ່ງສານຊົມເຊີຍເຖິງພິທີດັ່ງກ່າວ ໂດຍກ່າວວ່າ: ຂອງຂວັນມິດຕະພາບທີ່ລະນຶກວັນສ້າງຕັ້ງສາຍພົວພັນທາງການທູດຈີນ-ຝຣັ່ງຄົບຮອບ 45 ປີ ແລະ ອວຍພອນງານກິລາໂອລິມປິກຝຣັ່ງ ໄດ້ສ້າງສຳເລັດຢູ່ຜາ ສາດກາຕາລາຢ່າງຖາວອນ ເຊເຊິ່ສ່ອງແສງໃຫ້ເຫັນເຖິງປະຫວັດສາດການຮ່ວມເຮືອລຳດຽວກັນແລະກ້າວເດີນໄປໜ້າຮ່ວມກັນລະຫວ່າງສອງປະເທດຈີນແລະຝຣັ່ງ ພ້ອມທັງໄດ້ສ່ອງແສງໃຫ້ເຫັນເຖິງທັດສະນະຄະຕິອັນສູງສົ່ງແຫ່ງ “ສັນຕິພາບ, ມິດຕະພາບ ແລະ ຄວາມກ້າວໜ້າ” ຂອງກິລາໂອລິມປິກ. ຫວັງວ່າບຸກຄົນໃນວົງການຕ່າງໆຂອງຈີນ ແລະ ຝຣັ່ງຈະສືບຕໍ່ຖືງານກິລາໂອລິມປິກເປັນສາຍພານ, ຮ່ວມກັນຊຸກຍູ້ການແລກປ່ຽນ ແລະ ສົນທະນາລະຫວ່າງອະລິຍະທຳທີ່ຕ່າງກັນ, ຊຸກຍູ້ປະຊາຊົນປະເທດຕ່າງໆທຳຄວາມເຂົ້າໃຈກັນ ແລະ ເຄົາລົບເຊິ່ງກັນແລະກັນ, ຮ່ວມກັນຂຽນປະຫວັດສາດກິລາໂອລິມປິກໜ້າໃໝ່ທີ່ຮຸ່ງເຮືອງກວ່າເກົ່າ ແລະ ປະກອບສ່ວນຫຼາຍກວ່າເກົ່າເພື່ອການສ້າງປະຊາຄົມຮ່ວມຊາຕາກຳຂອງມວນມະນຸດ.
ທີ່ມາ: CMG
