ວັນທີ 29 ຕຸລາ 2024 ນີ້, ທີ່ສະໜາມບິນສາກົນວັດໄຕ ທ່ານນາງ ເມແກັນ ຈອນສ ເອກອັກຄະລັດຖະທູດອົດສະຕຣາລີ ໄດ້ມອບເຄື່ອງຊ່ວຍເຫຼືອຕອບໂຕ້ໄພພິບັດເພີ່ມອີກ 𝟮𝟴 ໂຕນ ໃຫ້ແກ່ ສປປ ລາວ ຕາງໜ້າຮັບໂດຍ ທ່ານ ລີປາວ ຢ່າງ, ຮອງລັດຖະ ມົນຕີກະຊວງແຮງງານ ແລະ ສະຫວັດດີການສັງຄົມ ສປປ ລາວ.
ການມອບເຄື່ອງຊ່ວຍເຫຼືອຕອບໂຕ້ໄພພິບັດຄັ້ງນີ້ແມ່ນຄັ້ງ ທີ 2 ຂອງອົດສະຕຣາລີໃນປີນີ້ ໂດຍເຄື່ອງຊ່ວຍເຫຼືອເຫຼົ່ານີ້ຈະຖືກຈັດສົ່ງ ເພື່ອນຳໄປຊ່ວຍເຫຼືອປະຊາຊົນທີ່ຖືກຜົນກະທົບຈາກໄພ ນໍ້າຖ້ວມເມື່ອບໍ່ດົນມານີ້ ແລະ ຈະນຳໃຊ້ເມື່ອເກີດມີເຫດການສຸກ ເສີນໃນຕໍ່ໜ້າ.
ສຳລັບເຄື່ອງຊ່ວຍເຫຼືອນີ້ຈະສາມາດຊ່ວຍເຫຼືອຜູ້ໄດ້ຮັບຜົນກະທົບຫຼາຍກວ່າ 3.000 ຄອບຄົວ ເຊິ່ງມີ: ຊຸດອຸປະກອນສຸຂະອະນາໄມ 468 ຊຸດ, ຊຸດເຄື່ອງຄົວ 2.016 ຊຸດ, ຜ້າຫົ່ມ 3.400 ຜືນ, ມຸ້ງ 3.200 ດາງ ແລະ ສາດຢາງ 2.250 ຜືນ.
ທີ່ມາ: Australia in Laos
