ວັນທີ 22 ພະຈິກ 2024 ສະຫາຍ ອຳໄພ ຈິດມານົນ ຮອງປະທານກຳມາທິການກົດໝາຍ (ກກໝ) ໄດ້ພົບປະເຮັດວຽກກັບສະຫາຍ ຫວັງ ເຈິ໋ນຈຽງ ຮອງລັດຖະມົນ ຕີກະຊວງຍຸຕິທຳ ແຫ່ງ ສປຈີນ ພ້ອມດ້ວຍຄະນະ ໃນໂອກາດມາຢ້ຽມຢາມ ແລະ ເຮັດວຽກຢູ່ ສປປລາວ ເຊິ່ງເປັນການປະກອບສ່ວນຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ຄູ່ຮ່ວມຍຸດທະສາດ ຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ແລະ ການເປັນຄູ່ຮ່ວມຊາຕາກໍາສັງຄົມນິຍົມ ລາວ-ຈີນ, ຈີນ-ລາວ ໃຫ້ນັບມື້ນັບຂະຫຍາຍຕົວ, ເກີດດອກອອກຜົນຍິ່ງຂຶ້ນກວ່າເກົ່າ ແລະ ນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ.
ໃນການພົບປະ, ສອງຝ່າຍໄດ້ແຈ້ງໃຫ້ກັນຊາບໂດຍຫຍໍ້ກ່ຽວກັບພາລະບົດບາດ, ການເຄື່ອນໄຫວວຽກງານຂອງກຳມາທິການກົດໝາຍ ແລະ ກົນໄກການພົວພັນລະ ຫວ່າງ ກກໝ ກັບກະຊວງຍຸຕິທໍາ ຂອງ ສປປລາວ; ພາລະບົດບາດ, ການເຄື່ອນໄຫວວຽກງານຂອງກະຊວງຍຸຕິທໍາ ແລະ ກົນໄກການພົວພັນລະຫວ່າງກະຊວງຍຸຕິທໍາກັບກໍາມາທິການລັດຖະທຳມະນູນ ແລະ ກົດໝາຍ ຂອງສະພາຜູ້ແທນປະຊາຊົນທົ່ວປະ ເທດຈີນ. ພ້ອມທັງຕີລາຄາສູງຕໍ່ຜົນການພົບປະສອງຝ່າຍລະຫວ່າງສອງຮອງລັດຖະ ມົນຕີກະຊວງຍຸຕິທຳ ແລະ ການລົງນາມຮ່ວມກັນໃນບົດບັນທຶກຄວາມເຂົ້າໃນ (MOU) ວ່າດ້ວຍການຮ່ວມມືລະຫວ່າງສອງກະຊວງຍຸຕິທຳລາວ-ຈີນ ເຊິ່ງຈະເປັນນິຕິກຳບ່ອນອິງໃຫ້ແກ່ສອງກະຊວງ ໃນການຈັດຕັ້ງປະຕິບັດໃຫ້ມີປະສິດຜົນສູງຂຶ້ນ.
ຂ່າວ: ນາງ ອາລິນ ສຸພິມມະປະດິດ)
