ວັນທີ 17 ກັນຍາ 2024 ທ່ານ ໂມຮາມັດ ຟາມິ ບິນ ອາລິມານ ເຈົ້ານະຄອນ ອາຊີຕາເວັນອອກສ່ຽງໃຕ້ ສິງກະໂປ ພ້ອມດ້ວຍຄະນະ ໄດ້ເດີນທາງ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ຕ້ອນຮັບການເຂົ້າພົບປະຢ້ຽມຢາມ. ທີ່ຫ້ອງວ່າການປົກຄອງນະຄອນຫຼວງວຽງຈັນ.
ໃນໂອກາດນີ້, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໄດ້ສະແດງຄວາມຍິນດີຕ້ອນຮັບ, ພ້ອມທັງລາຍງານກ່ຽວກັບສະພາບການພັດທະນາເສດຖະກິດ ຂອງນະຄອນຫຼວງວຽງຈັນ ໃນ 6 ເດືອນຕົ້ນປີ 2024 ຂະແຫນງກະສິກໍາ ຂະຫຍາຍຕົວ ເພີ່ມຂຶ້ນ 4.2% ກວມເອົາ 13% ຂອງ GDP; ຂະແຫນງອຸດສາຫະກຳຂະຫຍາຍຕົວ ເພີ່ມຂຶ້ນ 7.05% ກວມເອົາ 48% ຂອງ GDP ແລະ ຂະແໜງການບໍລິການຂະຫຍາຍຕົວ ເພີ່ມຂຶ້ນ 3.8% ກວມເອົາ 39% ຂອງ GDP ເພີ່ມຂຶ້ນ 3.5% ກວມເອົາ 38.2% ຂອງ GDP.
ດ້ານການພັດທະນາຕົວເມືອງ: ໄດ້ຈັດຕັ້ງປະຕິບັດວຽກງານຮັກສາຄວາມສະອາດຕົວເມືອງ, ອານາໄມເສັ້ນທາງສາຍຫຼັກ ແລະ ບັນດາແຜນງານຕ່າງໆ ກ່ຽວກັບການຄຸ້ມຄອງຂີ້ເຫຍື້ອ ໃນນະຄອນຫຼວງວຽງຈັນ ຕາມຍຸດທະສາດ ແລະ ແຜນດຳເນີນງານການຄຸ້ມຄອງຂີ້ເຫຍື້ອແບບຍືນຍົງ ປີ 2021-2030.
ແລະ ຍົກໃຫ້ເຫັນໄລຍະຜ່ານມາ ລາວ ເເລະ ສິງກະໂປ ໄດ້ມີການພົວພັນຮ່ວມມືກັນດ້ວຍດີຕະຫຼອດມາ, ລັດຖະບານສິງກະໂປໄດ້ໃຫ້ການຊ່ວຍເຫຼືອ ສປປ ລາວ ກໍ່ຄື ນະຄອນຫຼວງວຽງຈັນ ຫຼາຍດ້ານ ໂດຍສະເພາະດ້ານການສຶກສາ ແລະ ພັດທະນາຊັບມະກອນມະນຸດ. ໃນແຕ່ລະປີ ສະຖານທູດສິງກະໂປ ໄດ້ໃຫ້ທຶນແກ່ພະນັກງານລັດຖະກອນ ຂອງ ສປປ ລາວ ໃນການຝຶກອົບຮົບ ແລະ ຍົກລະດັບພາສາອັງກິດ ແລະ ຫົວຂໍ້ຕ່າງໆ ຢູ່ສູນການຮ່ວມມືລາວ-ສິງກະໂປ.
ໃນໂອກາດທີ່ໄດ້ພົບປະກັນຄັ້ງນີ້ ເປັນຂີດໝາຍອັນສຳຄັນໜຶ່ງ ຂອງການພົວພັນຮ່ວມມື ລະຫວ່າງ ນະຄອນຫຼວງວຽງຈັນ ແລະ ນະຄອນຕາເວັນອອກສ່ຽງໃຕ້ ຂອງສິງກະໂປ ແລະ ເພື່ອເປັນການເສີມຂະຫຍາຍການພົວພັນຮ່ວມມື ຂອງສອງນະຄອນພວກເຮົາ ໃຫ້ກ້າວເຂົ້າສູ່ລວງເລີກ ແລະ ເປັນຮູບປະທຳຕົວຈິງ, ພ້ອມນີ້ ເຈົ້າຂອງນະຄອນຫລວງວຽງຈັນ ໄດ້ສະເໜີໃຫ້ມີການແລກປ່ຽນບົດຮຽນການບໍລິຫານຈັດການຕົວເມືອງ ໂດຍສະເພາະການ ກໍາຈັດສິ່ງເສດເຫຼືອ, ວຽກງານການສຶກສາ ແລະ ສາທາລະນະສຸກ ເຊິ່ງທາງສິງກະໂປ ມີບົດຮຽນ ແລະ ປະສົບການຫຼາຍ.
