ໃນວັນທີ 26 ກໍລະກົດ 2024, ອົງການກາແດງແຂວງຫລວງພະບາງ ມອບເຄື່ອງຊ່ວຍເຫລືອບັນເທົາທຸກ ໃຫ້ຜູ້ປະສົບໄພພິ ບັດນ້ຳຖ້ວມ ຢູ່ເມືອງປາກແຊງ ແຂວງຫລວງພະບາງ ລວມມູນຄ່າ 6,5 ລ້ານກີບ, ເຊິ່ງນຳທີມໂດຍ ທ່ານ ບຸນນາກ ເພັດສຸພັນ ຮອງຫົວໜ້າອົງການກາແດງແຂວງຫລວງພະບາງ, ເຊິ່ງຕາງໜ້າຮັບໂດຍທ່ານ ສຸກດາວັນ ພັນຈັກຂັນ ເຈົ້າເມືອງໆປາກແຊງ.
ໃນຂະນະດຽວກັນ, ອົງການກາແດງ ຍັງໄດ້ແຈ້ງເຖິງບັນດານັກທຸລະກິດ, ພໍ່ຄ້າຊາວຂາຍ, ຫ້າງຮ້ານ ແລະ ມວນຊົນໃນທົ່ວສັງຄົມ ຊາບວ່າ ອົງການກາແດງ ເປີດຮັບບໍລິຈາກເຄື່ອງຂອງທີ່ຈຳເປັນໂດຍສະເພາະ ເຄື່ອງອຸປະໂພກ-ບໍລິໂພກຈາກສັງຄົມ ເພື່ອນຳໄປຊ່ວຍເຫລືອຜູ້ປະສົບໄພໃນຄັ້ງນີ້ ເປັນຕົ້ນ ເຂົ້າສານ, ນ້ຳດື່ມ, ປ໋ອງປາ, ໝີ່, ເຄື່ອງນຸ່ງຫົ່ມ ແລະ ອື່ນໆ.
