ໂຄງການຊ່ວຍເຫລືອກັນ ແບ່ງປັນສຸກ ນຳໂດຍ ພະອາຈານ ບຸນຕັ້ງ ເທືອງປະທຸມມາ ເຈົ້າອະທິການວັດຕານມີໄຊ, ພະອາຈານ ພົມສະຫວັນ ໄຊຍະລາດ ເຈົ້າອະທິການວັດຊ້າງຄູ້ສຸຂາຣາມ, ພະອາຈານ ມະຫາສົມປອນ ສີປະເສີດ ເຈົ້າອະທິການວັດພຣະຂາວ, ພະອາຈານ ສີສຸກ ຊຽງພັນໄຊ ເຈົ້າອະທິການວັດໂນນບໍ່ແກ້ວ ແລະ ຄະນະສົງ, ພ້ອມດ້ວຍພຸດທະສາສະນິກະຊົນ ມອບອຸປະກອນການສຶກສາ ປະກອບມີ: ຄອມພິວເຕີ 1 ເຄື່ອງ, ປຣິ້ນເຕີ 2 ເຄື່ອງ, ພັດລົມ 16 ໜ່ວຍ, ປຶ້ມບັນທຶກ, ປຶ້ມຂຽນ ແລະ ບິກຢ່າງລະ 800 ອັນ ລວມມູນຄ່າທັງໝົດ 30 ລ້ານກີບ ໃຫ້ໂຮງຮຽນ ບ້ານນາໂພ ເມືອງປາກລາຍ ແຂວງໄຊຍະບູລີ ໃນວັນທີ 10 ພຶດສະພາ 2025 ໂດຍມີ ທ່ານ ທິດເຕັມ ແສງຈະເລີນ ນາຍບ້ານນາໂພ, ມີຄະນະອໍານວຍການ ແລະ ຄ-ອາຈານ ພາຍໃນໂຮງຮຽນເຂົ້າຮ່ວມ.
ນອກຈາກນີ້, ທ່ານ ນາງ ຟອງສະມຸດ ກຽດສີທະນະກອນ ແລະ ທ່ານ ສິນທະວົງ ທຳມະວົງສາ ພ້ອມດ້ວຍຄະນະ ຍັງໄດ້ມອບປັດໄຈ ຈຳນວນ 3 ລ້ານກີບ ໃຫ້ໂຮງຮຽນ ບ້ານນາໂພ ເມືອງປາກລາຍ ແຂວງໄຊຍະບູລີ ຕື່ມອີກ.
