ໄຂກອງປະຊຸມໃຫຍ່ຄັ້ງທີ VI ອົງຄະນະພັກເມືອງພະລານໄຊ ຢ່າງເປັນທາງການ

ກອງປະຊຸມໃຫຍ່ຄັ້ງທີ VI ອົງຄະນະພັກເມືອງພະລານໄຊ ແຂວງສະຫວັນນະເຂດ ໄຂຂຶ້ນຢ່າງເປັນທາງການໃນວັນທີ 30 ມັງກອນ 2025 ທີ່ສະໂມສອນຂອງເມືອງ. ມີ ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ພ້ອມດ້ວຍ ແຂກຖືກເຊີນ ແລະບັນດາຜູ້ແທນສົມບູນເຂົ້າຮ່ວມເຂົ້າຮ່ວມ.

ຈາກເນື້ອໃນຂອງບົດລາຍງານການເມືອງທີ່ໄດ້ຜ່ານໃນກອງປະຊຸມ ໄດ້ຍົກໃຫ້ເຫັນຜົນງານການນຳພາ-ຊີ້ນຳຂອງອົງຄະນະພັກເມືອງພະລານໄຊໃນໄລຍະ 5 ປີຜ່ານມາ ວ່າ: ເສດຖະກິດຂອງເມືອງຂະຫຍານຕົວສະເລ່ຍ 5.52% ຕໍ່ປີ,ລວມຍອດຜະລິດຕະ ພັນພາຍໃນ (GDP) ໄດ້ 400 ກວ່າຕື້ກີບ ເທົ່າກັບ 102.84% ຂອແຜນການ,ສະເລ່ຍໃສ່ຫົວຄົນໄດ້ 10.72 ລ້ານກີບຕໍ່ຄົນຕໍ່ປີ,ສະເລ່ຍເຂົ້າເປືອກໃສ່ຫົວຄົນໄດ້ 853.63 ກິໂລ/ຄົນ/ປີ, ຊອກຄົ້ນເກັບລາຍຮັບເຂົ້າງົບປະມານປະຕິບັດໄດ້ລື່ນແຜນການ 21.75%, ດ້ານລາຍຈ່າຍປະຕິບັດໄດ້ 98.42% ຂອງແຜນການ.

ດ້ານການພັດທະນາພື້ນຖານໂຄງລ່າງໄດ້ຮັບການພັດທະນາເປັນກ້າວໆ ເສັ້ນທາງແຕ່ເມືອງຫາບ້ານ, ບ້ານຫາບ້ານ ສາມາດທຽວໄດ້ສອງລະດູ ກວມ87.10%,ບ້ານທີ່ຊົມໃຊ້ໄຟຟ້າ ກວມ98.15% ເພີ່ມຂຶ້້ນ 2 ບ້ານ ເທົ່າກັບ 66.66% ຂອງແຜນການ.

ການລຶບລ້າງຄວາມທຸກຍາກ ແລະພັດທະນາຊົນນະບົດ, ທົ່ວເມືອງສາມາດລົບ ລ້າງບ້ານທຸກຍາກໄດ້ 40 ບ້ານ ກວມເອົາ 74.07% ຂອງບ້ານທັງໝົດ, ເທົ່າກັບ 200%ຂອງແຜນການ(ແຜນການໃຫ້ໄດ້ 20 ບ້ານ) ແລະປະເມີນຄອບຄົວພົ້ນທຸກໄດ້ 4,126 ຄອບຄົວ, ເທົ່າກັບ 54.02% ຂອງຄອບຄົວທັງໝົດ(ມີ 7,637 ຄອບຄົວ) ເທົ່າກັບ 173.65% (ແຜນການ 2,376 ຄອບຄົວ), ສ້າງບ້ານພັດທະນາໄດ້ 5 ບ້ານ ເທົ່າກັບ 18.52%(ແຜນການໃຫ້ໄດ້ 27 ບ້ານ) ແລະ ສ້າງຄອບຄົວພັດທະນາໄດ້ 2,910 ຄອບຄົວ, ເທົ່າກັບ 118%(ແຜນການ 2,466 ຄອບຄົວ).

ກອງປະຊຸມຄັ້ງນີ້, ບັນດາຜູ້ແທນສົມບູນຈະໄດ້ປ່ອນບັດຄັດເລືອກເອົາຄະນະບໍລິ ຫານງານພັກເມືອງພະລານໄຊ ຊຸດໃໝ່ດ ເຊິ່ງກອງປະຊຸມຈະດໍາເນີນເປັນເວລາ 2 ວັນຈິ່ງສໍາເລັດ.

Cr: ສະຫວັນພັດທະນາ ຂ່າວ