ຊາວໜຸ່ມ ກະຊວງພະລັງງານ ແລະ ບໍ່ແຮ່ ມອບເຄື່ອງກັ່ນໜາວ ແລະ ອຸປະກອນໄຟຟ້າແສງຕາເວັນໃຫ້ຊາວໜຸ່ມແຂວງຫົວພັນ

ຄະນະນຳຊາວໜຸ່ມກະຊວງພະລັງງານ ແລະ ບໍ່ແຮ່ໄດ້ປຸກລະດົມຄົ້ນຂວາຍພະ ນັກງານ, ລັດຖະກອນ ແລະ ກຳມະກອນ ພາຍໃນກະຊວງ ເຂົ້າຮ່ວມຂະບວນການຊ່ວຍ ເຫຼືອລູກຫຼານ, ນ້ອງນ້ອຍເຍົາວະຊົນ, ຊາວໜຸ່ມ ຢູ່ແຂວງຫົວພັນ ໃນລະດູໜາວປີ 2025. ສາມາດລະດົມເຄື່ອງນຸ່ງຮົ່ມໄດ້ທັງໝົດ 30 ຖົງ, ຄິດເປັນມູນຄ່າ 20ລ້ານກວ່າກີບ; ອຸປະກອນໄຟຟ້າແສງຕາເວັນ ຈຳນວນ 19 ຊຸດ ລວມມູນຄ່າ 11ລ້ານກວ່າກີບ.

ພິທີມອບ-ຮັບເຄື່ອງຊ່ວຍເຫຼືອດັ່ງກ່າວ ໄດ້ຈັດຂຶ້ນຢ່າງເປັນທາງການໃນຕອນເຊົ້າວັນທີ 3 ກຸມພາ 2025 ຢູ່ສຳນັກງານ ຄະນະ ຊປປລ ແຂວງຫົວພັນ. ຕາງໜ້າກ່າວມອບໂດຍ ສະຫາຍ ນາງ ແສງທະລາ ເລືອງຄຳມາ ຄະນະບໍລິຫານງານ ຊປປລ ກະຊວງພະລັງງານ ແລະ ບໍ່ແຮ່ ແລະ ກ່າວຮັບໂດຍ ສະຫາຍ ພົງໄກ ສຸພັນທອງ ຮອງເລຂາຄະນະບໍລິຫານງານ ຊປປລ ແຂວງຫົວພັນ.

Cr: ຄະນະ ຊປປລ ກະຊວງ