ອີງຕາມດ່ານກວດກາຄົນເຂົ້າອອກເມືອງບໍ່ຫານຈີນແຈ້ງໃຫ້ຮູ້ໃນວັນທີ 5 ກຸມພານີ້ວ່າ: ໃນໄລຍະວັນພັກບຸນກຸດຈີນປີ 2025 (ຄືລະຫວ່າງວັນທີ 28 ມັງກອນຫາວັນທີ 4 ກຸມພາປີນີ້), ດ່ານບໍ່ຫານຢູ່ເຂດຊາຍແດນ ລະຫວ່າງຈີນ-ລາວ(ລວມທັງດ່ານທາງຫຫຼວງແລະດ່ານທາງລົດໄຟ) ນັບລວມແລ້ວໄດ້ກວດກາໃຫ້ຜ່ານດ່ານຕໍ່ນັກທ່ອງທ່ຽວສັນຊາດຕ່າງປະເທດເຂົ້າອອກແດນປະເທດຈີນທີ່ມາຈາກ 47 ປະເທດແລະເຂດແຄວ້ນຈຳນວນ 27.000 ກວ່າເທື່ອຄົນ,ເພີ່ມຂຶ້ນ 110% ເມື່ອທຽບໃສ່ໄລຍະດຽວກັນຂອງປີກາຍ.
ອີງຕາມສະຖິຕິຈາກດ່ານກວດກາຄົນເຂົ້າອອກເມືອງບໍ່ຫານຂອງແຂວງຢຸນນານຈີນສະແດງໃຫ້ເຫັນວ່າ: ໃນຈຳນວນນັກທ່ອງທ່ຽວສັນຊາດຕ່າງປະເທດທີ່ເຂົ້າອອກແດນປະເທດຈີນຜຜ່ານດ່ານບໍ່ຫານໃນໄລຍະວັນພັກບຸນກຸດຈີນ, ນັກທ່ອງທ່ຽວທີ່ເຂົ້າເມືອງໂດຍຍົກເວັ້ນວີຊາກວມຫຼາຍກວ່າ 97%, ນັກທ່ອງທ່ຽວທີ່ເຂົ້າເມືອງດ້ວຍຈຸດປະສົງການທ່ອງທ່ຽວແລະຢາມພີ່ນ້ອງເພື່ອນມິດກວມຫຼາຍກວ່າ 80%, ປະເທດທີ່ມີຄົນເຂົ້າແດນປະເທດຈີນຫຼາຍທີ່ສຸດແມ່ນລາວ,ໄທ,ມາເລເຊຍ,ອາເມຣິກາ,ຝຣັ່ງແລະເຢຍລະມັນຕາມລຳດັບ.
Cr: CMG
