ສະຫາຍ ນາງ ຄຳໝັ້ນ ແກ້ວບຸນຫວນ ໄດ້ຮັບເລືອກເປັນເລຂາຄະນະບໍລິຫານງານພັກເມືອງຮຸນ

ກອງປະຊຸມໃຫຍ່ ຜູ້ແທນອົງຄະນະພັກ ເມືອງຮຸນ ແຂວງອຸ ດົມໄຊ ຄັ້ງທີ XIII ໄດ້ສຳເລັດໃນຕອນເຊົ້າຂອງວັນທີ 18 ກຸມພາ 2025 ນີ້ ທີ່ສະໂມສອນຂອງເມືອງ ການເຂົ້າຮ່ວມຂອງ ສະຫາຍ ບຸນຄົງ ຫຼ້າຈຽມພອນ, ກຳມະການສຳຮອງ ສູນກາງພັກ ເລຂາຄະນະບໍລິຫານງານພັກແຂວງ, ເຈົ້າແຂວງອຸດົມໄຊ.

ກອງປະຊຸມໄດ້ຮັບຮອງເອົາບົດລາຍງານການເມືອງ 2 ພາກ ຂອງຄະນະບໍລິຫານງານພັກເມືອງ ສະໄໝທີ XIII ແລະ ແຜນພັດທະນາເສດຖະກິດ-ສັງຄົມ 5 ປີຄັ້ງທີ IV ແຕ່ປີ 2025- 2029, ເປັນເອກະພາບການສະຫຼຸບຕີລາຄາ ຜົນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XIII ຂອງອົງຄະນະພັກເມືອງ ກໍ່ຄືແຜນພັດທະນາເສດຖະກກິດ-ສັງຄົມ ມັນແມ່ນຜົນ ງານທີ່ຍາດມາໄດ້ ຕະຫຼອດໄລຍະ 5 ປີທີຜ່ານມາ ໄດ້ສ້າງພື້ນຖານ ແລະ ຖ່ວງທ່າອັນໃໝ່ ໃຫ້ແກ່ການສືບຕໍ່ຂະຫຍາຍຕົວ ຂອງເມືອງຮຸນ ໄປຕາມທິດທາງ ແລະ ຈຸດໝາຍທີ່ວາງໄວ້.

ກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະບໍລິຫານງານພັກເມືອງຄັ້ງທີ XIII ເຊິ່ງມີຜູ້ອອກຮັບສະໝັກເລືອກຕັ້ງ 32 ສະຫາຍ ຍິງ 7 ສະຫາຍ, ເລືອກຕັ້ງໄດ້ 27 ສະຫາຍ; ຍິງ 4 ສະຫາຍ. ກອງປະຊຸມຄັ້ງປະຖົມມະເລິກໄດ້ເລືອກຕັ້ງເອົາຄະນະປະຈຳພັກເມືອງ 7 ສະຫາຍ ຍິງ 1 ສະຫາຍ, ເລືອກເອົາ ສະຫາຍ ນາງ ຄຳໝັ້ນ ແກ້ວບຸນຫວນ ເປັນເລຂາພັກເມືອງ, ສະຫາຍ ຫົງທອງ ບົວລີໄຊ ແລະ ສະຫາຍ ວັນນິຄອນ ມິ່ງບຸບຜາ ເປັນຮອງເລຂາພັກເມືອງ, ເລືອກເອົາສະຫາຍ ໂອໄຊ ສີສຸພັນ ເປັນປະທານກວດກາພັກເມືອງ,ສະຫາຍ ທອງຄຳໄຊຍະພູມ ແລະ ສະຫາຍ ອ່ອນຄຳ ອຸ່ນທິກຸນ ເປັນຮອງປະທານຄະນະກວດກາພັກ-ລັດເມືອງ. ພ້ອມກັນນັ້ນກໍໄດ້ເລືອກເອົາຜູ້ ແທນສົມບູນຈຳນວນ 24 ສະຫາຍ ແລະສຳຮອງ 2 ສະຫາຍ ໄປຮ່ວມກອງປະຊຸມອົງຄະນະພັກແຂວງອຸດົມໄຊຄັ້ງທີ X ໃນມໍໆນີ້.

ສະຫາຍ ບຸນຄົງ ຫຼ້າຈຽມພອນ ໄດ້ມີຄຳເຫັນໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມ ກອນອື່ນທ່ານສະແດງຄວາມຍ້ອງຍໍຊົມເຊີຍຄະນະບໍລິຫານງານພັກເມືອງຊຸດເກົ່າທີມີຜົນສຳເລັດຫຼາຍດ້ານຕະຫຼອດໄລຍະ 5 ປີຜ່ານມາ ພ້ອມນັ້ນສະຫາຍໄດ້ຮຽກຮ້ອງໃຫ້ຄະນະຊຸດໃໝ່ ສືບຕໍ່ຍົກສູງຄວາມຮັບຜິດຊອບວຽກງານການເມືອງ-ແນວຄິດ ໃຫ້ໜັກແໝ້ນຮອບດ້ານ,ປັບປຸງກໍ່ສ້າງພັກໃຫ້ເຂັ້ມແຂງໜັກແໜ້ນ,ເພີ່ມທະວີບົດບາດການນຳພາ ຈັດຕັ້ງປະຕິບັດແນວທາງປ້ອງກັນຊາດ, ປ້ອງກັນຄວາມສະຫງົບທົ່ວປວງຊົນຮອບດ້ານ ໃຫ້ແຂງແຮງ, ສຸມໃສ່ຈັດຕັ້ງປະຕິບັດທິດທາງ, ໜ້າທີ່, ຄາດໝາຍສູ້ຊົນ ໃຫ້ສອດຄ່ອງກັບສະພາບຈຸດພິເສດ ແລະ ທ່າແຮງບົ່ມຊ້ອນຂອງເມືອງ, ເອົາໃຈໃສ່ວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ, ລົບລ້າງຄວາມ ທຸກຍາກ ຕິດພັນກັບຂະບວນການແຂ່ງຂັນຮັກຊາດ-ພັດທະ ນາ,ກ່ຽມທຸກເງື່ອນໄຂໃນການສ້າງຕາແສງຕາມແນວທາງຂອງພັກ, ສືບຕໍ່ພັດທະນາຊັບພະຍາກອນມະນຸດ ໃຫ້ໄດ້ທາງດ້ານປະລິມານ ແລະ ຄຸນນະພາບສົມຄູ່ກັບການພັດທະນາເສດຖະກິດ-ສັງຄົມ, ສືບຕໍ່ຈັດຕັ້ງປະຕິບັດ ແລະ ຜັນຂະຫຍາຍບັນດາທິດທາງ, ມະຕິ,ຄາດໝາຍ, ແຜນວຽກຈຸດສຸມ ທີ່ໄດ້ກຳນົດໄວ້ໃນມະຕິກອງປະຊຸມຄັ້ງນີ້ ໃຫ້ມີບາດກ້າວອັນຢ່າງແທ້ຈິງເປັນກ້າວໆ.

Cr: ວິທະຍຸ-ໂທລະພາບແຂວງອຸດົມໄຊ