ວັນທີ 20 ກຸມພາ 2025, ຢູ່ມະຫາວິທະຍາໄລແຫ່ງຊາດລາວ (ມຊ) ໄດ້ຈັດກອງປະຊຸມສໍາມະນາວິຊາການ ແລະການວາງສະແດງການສຶກສາຂອງສະຖານການສຶກສາຊັ້ນສູງ 12 ແຫ່ງຈາກແຂວງຢຸນນານ ສປ ຈີນ, ໂດຍເປັນກຽດເຂົ້າຮ່ວມຂອງທ່ານ ສິດທິໄຊ ໄຊຍະວົງ ຜູ້ອໍານວຍການສູນຄົ້ນຄວ້າຈີນ ຫ້ອງການຄົ້ນຄວ້າວິທະຍາສາດ ແລະບໍລິການວິຊາການ.
ຈຸດປະສົງ ຂອງການຈັດກອງປະຊຸມຄັ້ງນີ້ ແມ່ນເພື່ອແລກປ່ຽນການສຶກສາລະ ຫວ່າງ ມຊ ກັບສະຖານການສຶກສາຊັ້ນສູງ ຈາກແຂວງຢຸນໜານ, ເພືີ່ອປະຕິບັດຕາມແຜນງານຄູ່ຮ່ວມຊະຕາກໍາລາວ-ຈີນ, ຂໍ້ລິເລີມໜຶ່ງແລວໜຶ່ງເສັ້ນທາງ ແລະຍຸດທະ ສາດການສຶກສາ ຂອງ ສປປ ລາວ ໃຫ້ເປັນຮູບປະທໍາຂຶ້ນຕື່ມ, ທັງເປັນການສ້າງເວທີ ແລະແລກປ່ຽນຄວາມຮູູ້ໃນຂົງເຂດການສຶກສາ, ວິທະຍາສາດ ແລະທາງວິຊາການຂອງ 2 ຊາດ, ໂດຍສະເພາະເພືີ່ອແລກປ່ຽນການສຶກສາ ແລະວິທະຍາສາດກັບແຂວງຢຸນໜານ ໃຫ້ມີຄວາມໃກ້ຊິດ ເຂົ້າໃຈເຊິ່ງກັນ ແລະ ກັນ, ເພືີ່ອປຶກສາຫາລືຍົກຖານະບົດບົດສູນຄົ້ນຄວ້າຈີນ ໃຫ້ກາຍເປັນສະຖາບັນຄົ້ນຄວ້າວິທະຍາສາດ, ເຕັກໂນໂລຊີ ແລະນະວັດຕະກໍາລາວ-ຈີນ.
ທີ່ມາ: CMG FM93
