ຕາມການສະຖິຕິຈາກດ່ານກວດກາຄົນເຂົ້າ-ອອກເມືອງບໍ່ຫານຂອງຈີຈີ ໃຫ້ຮູ້ວ່າ: ນັບແຕ່ສັນຍາກ່ຽວກັບການຍົກເວັ້ນວີຊ່າຕໍ່ປະຊາຊົນຜູ້ຖືໜັງສືຜ່ານແດນທົ່ວໄປຂອງສອງປະເທດຈີນ-ໄທເລີ່ມມີຜົນບັງຄັບໃຊ້ໃນວັນທີ 1 ມີນາປີ 2024 ເປັນເວລາ 1 ປີມານີ້, ນັກທ່ອງທ່ຽວໄທທີ່ເຂົ້າ-ອອກເມືອງຈີນຜ່ານດ່ານບໍ່ຫານໄດ້ມີເຖິງ 32.000 ກວ່າເທື່ອຄົນ, ໃນນັ້ນ, ນັກທ່ອງທ່ຽວໄທທີ່ເຂົ້າເມືອງຈີນ ໂດຍຍົກເວັ້ນວີຊ່າ ກວມຫຼາຍກວ່າ 99%.
ດ່ານບໍ່ຫານຂອງຈີນຕັ້ງຢູ່ເມືອງຫຼ້າກິ່ງແຂວງປົກຄອງຕົນເອງເຜົ່າລື້ສິບສອງພັນນາແຂວງຢຸນນານຈີນ ແມ່ນດ່ານທາງບົກລະດັບຊາຊາສຳຄັນຂອງຈີນທີ່ເຊື່ອມຕໍ່ກັບລາວ, ໄທ ແລະ ປະເທດອື່ນໆ ໃນອາຊີຕາເວັນອອກສຽງໃຕ້.
ໃນ 1 ປີຜ່ານມາ, ຈຳນວນຜູ້ໂດຍສານຈາກປະເທດທີສາມທີ່ເຂົ້າ-ອອກເມືອງຈີນໂດຍຜ່ານດ່ານບໍ່ຫານ, ນັກທ່ອງທ່ຽວໄທກວມຫຼາຍກວ່າ 60%. ດ່ານດັ່ງກ່າວໄດ້ກາຍເປັນດ່ານທາງບົກທີ່ໃຫຍ່ທີ່ສຸດສຳລັບນັກທ່ອງທ່ຽວໄທທີ່ເຂົ້າສູ່ແຂວງຢຸນນານຈີນ.
ທີ່ມາ: CMG
