ກອງປະຊຸມຄັ້ງທີ 10 ຂອງຄະນະປະຈຳຄະນະກຳມະການທົ່ວປະເທດສະພາປຶກສາການເມືອງປະຊາຊົນແຫ່ງຊາດຈີນ ສະໄໝທີ 14 ໄດ້ອັດລົງຢູ່ນະຄອນຫຼວງປັກກິ່ງໃນຕອນບ່າຍວັນທີ 2 ມີນານີ້ ໂດຍແມ່ນ ທ່ານ ຫວາງຮູ້ນີງ ກຳມະການປະຈຳກົມການເມືອງສູນກາງພັກກອມມູນິດຈີນ, ປະທານສະພາປຶກສາການເມືອງປະຊາຊົນແຫ່ງຊາດຈີນ ເປັນປະທານ
ທ່ານ ຫວາງຮູ້ນີງ ກ່າວວ່າ: ໃນໜຶ່ງປີທີ່ຜ່ານມາ, ວຽກງານດ້ານຕ່າງໆຂອງສະພາປຶກສາການເມືອງປະຊາຊົນແຫ່ງຊາດຈີນໄດ້ຮັບຄວາມຄືບໜ້າໃໝ່. ປີ2025, ສະພາປຶກສາການເມືອງປະຊາຊົນຕ້ອງລົງເລິກຜັນຂະຫຍາຍຈັດຕັ້ງປະຕິບັດແນວຄວາມຄິດທີ່ສຳຄັນຂອງ ທ່ານສີຈິ້ນຜິງ, ເລຂາທິການໃຫຍ່ຄະນະກຳມະການສູນກາງພັກ ກອມມູນິດຈີນ, ປະທານປະເທດຈີນກ່ຽວກັບການເພີ່ມທະວີແລະປັບປຸງວຽກງານຂອງສະພາປຶກສາການເມືອງປະຊາຊົນ, ຍຶດໝັ້ນເຮັດໃຫ້ການນຳພາຂອງພັກ, ແນວໂຮມແລະການປຶກສາຫາລືແບບປະຊາທິປະໄຕເຊື່ອມໂຍງເຂົ້າກັນ, ຊ່ວຍໃຫ້ສຳເລັດໜ້າທີ່ເປົ້າໝາຍທີ່ວາງໄວ້ໃນແຜນການ “5ປີ ຄັ້ງທີ14” ດ້ວຍຄຸນນະພາບສູງ, ຕ້ອງອອກແຮງສຸດຂີດເພື່ອເຮັດວຽກດ້ານຕ່າງໆຂອງກອງປະຊຸມຄັ້ງທີ 3 ຂອງສະພາປຶກສາການເມືອງປະຊາຊົນແຫ່ງຊາດຈີນ ສະໄໝທີ 14 ໃຫ້ດີ ແລະ ຮັບປະກັນໃຫ້ຈັດກອງປະຊຸມຢ່າງສຳເລັດຜົນແລະເຕັມເມັດເຕັມໜ່ວຍ.
ທີ່ມາ: CMG
