ຈີນຈະສືບຕໍ່ສຸມໃສ່ການສ້າງລະບົບການຄຸ້ມຄອງດິນຟ້າອາກາດໂລກທີ່ຍຸຕິທຳ ສົມເຫດສົມຜົນ ແລະ ຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ
ເມື່ອບໍ່ດົນມານີ້, ກອງປະຊຸມຄົບຄະນະຄັ້ງທີ 62 ຂອງຄະນະກຳມະການສະເພາະກິດການປ່ຽນແປງຂອງດິນຟ້າອາກາດລະຫວ່າງລັດຖະບານ ຫຼື IPCC ໄດ້ອັດລົງຢູ່ນະຄອນຮາງໂຈ່ວຂອງຈີນ. ວັນທີ 3 ມີນານີ້, ທ່ານລີນຈ້ຽນ ໂຄສົກກະຊວງການຕ່າງປະເທດຈີນ ໄດ້ລາຍງານຜົນສໍາເລັດກອງປະຊຸມຄັ້ງນີ້ໃນກອງປະຊຸມຖະແຫຼງຂ່າວ ວ່າ: ຈີນ ຈະສືບຕໍ່ສຸມໃສ່ການສ້າງລະບົບການຄຸ້ມຄອງດິນຟ້າອາກາດໂລກທີ່ຍຸຕິທຳ, ສົມເຫດສົມຜົນ ແລະ ຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ, ຊຸກຍູ້ໃຫ້ບັນດາປະເທດເຂດໂລກໃຕ້ຮ່ວມກັນສ້າງຄວາມຈະເລີນຮຸ່ງເຮືອງແບບສີຂຽວ ແລະ ກາກບອນຕ່ຳ.
ທ່ານ ລີນຈ້ຽນ ກ່າວຕື່ມວ່າ: ນີ້ແມ່ນການເປັນເຈົ້າພາບຈັດກອງປະຊຸມຄົບຄະນະ IPCC ເປັນຄັ້ງທຳອິດຂອງຈີນ, ເຊິ່ງກອງປະຊຸມໄດ້ຮັບຮອງໂຄງຮ່າງບົດລາຍງານການປະເມີນຄັ້ງທີ 7 ຂອງ IPCC , ໄດ້ກຳນົດທິດທາງຈຸດສຸມແຫ່ງການປະເມີນການປ່ຽນແປງຂອງດິນຟ້າອາກາດຕາມຫຼັກວິທະຍາສາດຢ່າງຈະແຈ້ງ ເຊິ່ງໄດ້ສ້າງພື້ນຖານທີ່ສຳຄັນໃຫ້ແກ່ການເຕົ້າໂຮມກຳລັງລວມຂອງວົງການວິທະຍາສາດທົ່ວໂລກ ແລະ ຮ່ວມກັນຍົກສູງລະດັບການຄຸ້ມຄອງດິນຟ້າອາກາດໂລກ.
ທີ່ມາ: CMG