ສະຫາຍ ຄໍາໄຕ ແກ້ວປະເສີດ ຮັບໄດ້ຮັບເລືອກເປັນເລຂາຄະນະບໍລິຫານງານພັກເມືອງສຸຂຸມາ

ກອງປະຊຸມໃຫຍ່ ຄັ້ງທີ IX ຂອງອົງຄະນະພັກເມືອງສຸຂຸມາ, ແຂວງຈໍາປາສັກ ໄດ້ຈັດຂຶ້ນໃນວັນທີ 13-14 ມີນານີ້ ຢູ່ສະໂມສອນເມືອງ​ ໂດຍການໃຫ້ກຽດເຂົ້າຮ່ວ​ມເປັນປະທານຂອງ ສະຫາຍ ອາລຸນໄຊ ສູນນະລາດ, ກໍາມະ​ການ​ສູນກາງພັກ, ເລຂາຄະນະບໍ ລິຫານງານພັກແຂວງ, ເຈົ້າແຂວງຈຳປາສັກ.

ກອງປະຊຸມໄດ້ດຳເນີນການປ່ອນບັດເລືອກເອົາຄະນະບໍລິຫານງານພັກເມືອງຊຸດໃໝ່ ຊຶ່ງມີຜູ້ລົງສະໝັກ 32 ສະຫາຍ, ເລືອກເອົາ 27 ສະຫາຍ. ກອງປະຊຸມຄັ້ງປະຖົມມະລຶກຂອງຄະນະບໍລິຫານງານພັກເມືອງ​ສຸຂຸມາ ສະໄໝທີ IX ໄດ້ເລືອກເອົາຄະນະປະ ຈຳພັກເມືອງ 9 ສະຫາຍ. ເປັນເອກະສັນຮັບຮອງເອົາ ສະຫາຍ ຄໍາໄຕ ແກ້ວປະເສີດ, ເປັນເລຂາຄະນະບໍລິຫານງານພັກເມືອງ, ສະຫາຍ ສະນັ່ນ ສີດາວົງ ແລະ ສະຫາຍ ຄໍາໄພ ໄຊສົງຄາມ ເປັນຮອງເລຂາ. ເລືອກເອົາສະຫາຍ ສົມບູນ ສຸລິຍະວົງ ເປັນປະທານຄະນະກວດກາພັກເມືອງ, ສະຫາຍ ຄໍາເພັດ ດວງສາ ແລະ ສະຫາຍ ບຸນຈັນ ຈອມມະ ນີ ເປັນຮອງປະທານກວດກາພັກເມືອງ.

ຂ່າວ-ພາບ: ຈັນທະວີສັກ ເຊັນສຸດໃຈ