ໃນຄວາມພະຍາຍາມທີ່ຈະຟື້ນຟູອຸດສາຫະກໍາຕໍ່ເຮືອ, ຜູ້ຕາງຫນ້າການຄ້າຂອງສະຫະລັດອາເມຣິກາ ໄດ້ດໍາເນີນມາດຕະການຈໍາກັດທີ່ເຈາະຈົງໃສ່ການສ້າງເຮືອ ແລະ ອຸດສາຫະກໍາທີ່ກ່ຽວຂ້ອງຂອງຈີນ, ລວມເຖີງອຸດສາຫະກໍາທີ່ກ່ຽວ ຂ້ອງເພື່ອຄອບຄອງການຂົນສົ່ງທາງທະເລ ແລະ ການຕໍ່ເຮືອໃນທົ່ວໂລກ.
ມາດຕະການເຫຼົ່ານີ້ ລວມເຖິງການເກັບຄ່າໃຊ້ຈ່າຍໃຫ້ແກ່ຜູ້ປະກອບການດ້ານເຮືອທີ່ມີທຸງຊາດຈີນ, ຜູ້ປະກອບການທີ່ໃຊ້ເຮືອທີ່ສ້າງໂດຍປະເທດຈີນ ແລະ ຜູ້ທີ່ສັ່ງຊື້ເຮືອຈາກໂຮງງານຜະລິດເຮືອຂອງຈີນໂດຍມີຄ່າໃຊ້ຈ່າຍເຖິງ 1.5 ລ້ານໂດລາສະຫະລັດຕໍ່ເຮືອ ຫຼື ການເດີນເຮືອ. ກົງກັນຂ້າມ, ຜູ້ບໍລິການທີ່ໃຊ້ເຮືອທີ່ສ້າງໂດຍສະຫະລັດອາເມຣິກາ ຈະໄດ້ຮັບການຫລຸດຄ່າທໍານຽມສູງສຸດ 1 ລ້ານໂດລາຕໍ່ການເດີນທາງ. ນອກຈາກນີ້, ລະບົບໂກຕາການຂົນສົ່ງສິນຄ້າຈະຕ້ອງສົ່ງອອກສິນຄ້າສະຫະລັດອາເມຣິກາ 5% ໂດຍກໍາປັ່ນທີ່ມີທຸງຊາດສະຫະລັດອາເມລິກາພາຍໃນສາມປີ, ເພີ່ມຂຶ້ນເປັນ 15% ພາຍໃນ 7 ປີ, ໂດຍ 5% ກໍານົດໃຫ້ຂົນສົ່ງໂດຍເຮືອທີ່ສ້າງພາຍໃນປະເທດ. ການກະທໍາເຫລົ່ານີ້ ມີຈຸດ ປະ ສົງເພື່ອຊຸກຍູ້ການນໍາໃຊ້ເຮືອທີ່ສ້າງໂດຍ ສະຫະລັດອາເມຣິກາ ແລະ ຫລຸດຜ່ອນການເພິ່ງພາອາໄສການບໍລິການທາງທະເລຂອງຈີນ.
ນັກວິຈານໂຕ້ຖຽງກັນວ່າ ມາດຕະຖານທີ່ສະເຫນີ – ການລົງໂທດ, ຄ່າທໍານຽມເຮືອສໍາລັບເຮືອທີ່ສ້າງໂດຍຈີນ ແລະ ການຈໍາກັດການຂົນສົ່ງສາມາດທໍາລາຍຕ່ອງໂສ້ການສະໜອງທົ່ວໂລກ, ທັງເພີ່ມຕົ້ນທຶນດ້ານໂລຈິສຕິກ ຕື່ມອີກ.
ນອກຈາກນີ້, ນະໂຍບາຍນີ້ ອາດສົ່ງຜົນຕໍ່ມິດຕະພາບດ້ານການຂົນສົ່ງທາງເຮືອທົ່ວໂລກ. ເຮືອຂົນສົ່ງ LNG ທີ່ກ້າວຫນ້າທີ່ສຸດໃນໂລກຫລາຍລໍາແມ່ນຜະລິດຢູ່ປະເທດຈີນ ເນື່ອງຈາກມີປະສິດທິພາບ ແລະ ຄຸ້ມຄ່າກວ່າ. ບໍລິສັດຂົນສົ່ງ ເຊັ່ນ: Maersk, Mediterranean Shipping Company (MSC) ແລະ CMA CGM ເພິ່ງພາອາໄສເຮືອທີ່ສ້າງໂດຍປະເທດຈີນ. ເມື່ອຜະເຊີນໜ້າກັບຄ່າໃຊ້ຈ່າຍສູງຢູ່ທ່າເຮືອຂອງສະຫະລັດອາເມຣິກາ, ບໍລິສັດເຫຼົ່ານີ້ອາດປ່ຽນເສັ້ນທາງສິນຄ້າຜ່ານສູນກາງການເດີນທາງໃນປະເທດການາດາ, ແມັກຊິກ ຫຼື ອາເມຣິກາລາຕິນ ໂດຍບໍ່ເດີນທາງຈາກສະຫະລັດອາເມຣິກາທັງຫມົດ. ການປ່ຽນແປງນີ້ອາດນໍາໄປສູ່ການຫລຸດຜ່ອນກິດຈະກໍາຢູ່ທ່າເຮືອຂອງສະຫະລັດອາເມຣິກາ, ລວມເຖິງການສູນເສຍວຽກໃນຂະແຫນງການຂົນສົ່ງ ແລະ ລາຄາທີ່ສູງຂຶ້ນສໍາລັບຜູ້ນໍາເຂົ້າ ແລະ ຜູ້ສົ່ງອອກຂອງສະຫະລັດອາເມຣິກາ.
ຍຸດທະວິທີຂອງສະຫະລັດອາເມຣິກາ ສະທ້ອນເຖິງຄວາມພະຍາຍາມທີ່ຈະຟື້ນຟູອຸດສະຫະກໍາຕໍ່ເຮືອທີ່ຊຸດໂຊມລົງນັບແຕ່ປີ 1970, ເມື່ອສະຫະລັດອາເມຣິກາ ເປັນຜູ້ນໍາທົ່ວໂລກໃນການສ້າງເຮືອ, ຜະລິດເຮືອ ຫຼື ກໍາປັ່ນຫລາຍ ກວ່າ 70 ລໍາຕໍ່ປີ. ປັດຈຸບັນ ອຸດສະຫະກໍານີ້ເປັນເງົາຂອງຕົນເອງໃນອະດີດ, ຖືກກີດກັ້ນ ໂດຍນະໂຍບາຍເລື່ອງການປົກປ້ອງຈາກກົດໝາຍທີ່ກ່ຽວຂ້ອງຊຶ່ງກໍານົດວ່າສິນຄ້າທີ່ຂົນສົ່ງລະຫວ່າງທ່າເຮືອຂອງສະຫະລັດອາເມຣິກາ ຕ້ອງຖືກຂົນສົ່ງດ້ວຍເຮືອທີ່ສ້າງໂດຍອາເມຣິກາ ແລະ ເຮືອຂອງຊາວອາເມຣິກາ. ມາດຕະການດັ່ງກ່າວໄດ້ເຮັດໃຫ້ລາຄາການສ້າງເຮືອພາຍໃນປະເທດສູງຂຶ້ນ. ຕູ້ຂົນສົ່ງສິນຄ້າຂອງສະຫະລັດອາເມຣິກາ ມີຈໍານວນຫນ້ອຍກວ່າ 1.4% ແລະ 1% ຂອງຄວາມສາມາດຂອງການຂົນສົ່ງທົ່ວໂລກ. ຍິ່ງໄປກວ່ານັ້ນ, ຄ່າແຮງງານຂອງໂຮງງານກໍາປັ່ນຂອງສະຫະລັດອາເມຣິກາ ແມ່ນປະມານ 98 ໂດລາຕໍ່ຊົ່ວໂມງ ເຊິ່ງສູງກວ່າປະເທດຈີນ 4 ເທົ່າ ເຮັດໃຫ້ການສ້າງເຮືອໃນປະເທດມີການແຂ່ງຂັນໜ້ອຍລົງ.