ເນື່ອງໃນໂອກາດວັນສ້າງຕັ້ງພັກປະຊາຊົນປະຕິບັດລາວຄົບ ຮອບ 70 ປີ ທ່ານສົມພອນ ສີຈະເລີນ ເອກອັກຄະລັດຖະທູດ ແຫ່ງ ສປປ ລາວ ປະຈຳ ສປຈີນ ໄດ້ໃຫ້ສຳພາດຕໍ່ນັກຂ່າວ CMG ກ່ຽວກັບການຂະຫຍາຍຕົວຂອງພັກ ປປ ລາວ ແລະຜົນງານທີ່ ສປປ ລາວ ຍາດມາໄດ້ພາຍໃຕ້ການນຳພາຂອງພັກ ປປ ລາວຕະຫຼອດໄລຍະຜ່ານມາ.
ໂດຍທ່ານກ່າວວ່າ, ພາຍຫຼັງ ພັກ ປປ ລາວໄດ້ຮັບການກຳເນີດແລະສ້າງຕັ້ງຂຶ້ນມາ, ພັກໄດ້ຊີ້ນຳນຳພາການຕໍ່ສູ້ເພື່ອປົດປ່ອຍປະເທດຊາດ ແລະ ສາມາດຍາດ ເອົາໄຊຊະນະໄດ້ໃນປີ 1975 ອັນນີ້ເປັນປະຫວັດສາດອັນສຳຄັນທີ່ສຸດ, ເປັນຂີດ ໝາຍອັນສຳຄັນຂອງປະຊາຊາດລາວທີ່ຫຼາຍພັນປີມາບໍ່ເຄີຍມີ, ພາຍໃຕ້ການນຳ ພາຂອງພັກພວກເຮົາສາມາດຍຶດອຳນາດໄດ້, ຍາດເອົາເອກະລາດສົມບຸນ, ຍາດເອົາສິດເສລີພາບຢ່າງແທ້ຈິງມາໃຫ້ປະຊາຊົນລາວບັນດາເຜົ່າ, ແລະສາມາດ ເຮັດໃຫ້ບົດບາດອິທິພົນຂອງລາວນັບມື້ນັບພົ້ນເດັ່ນຂຶ້ນ. ສຳຄັນນັ້ນແມ່ນພາລະ ກິດປົກປັກຮັກສາໝາກຜົນການປະຕິວັດໄດ້ຮັບການຮັບປະກັນຢ່າງແໜ້ນແຟ້ນ, ປະຊາ ຊົນລາວຢູ່ພາຍໃຕ້ການນຳພາຂອງພັກ ກໍ່ມີຊີວິດການເປັນຢູ່ທີ່ດີຂຶ້ນ, ສະຫຼຸບແລ້ວ, ຜ່ານມາໃນໄລຍະ 70 ປີ, ພັກໄດ້ເປັນຜູ້ຈັດຕັ້ງ ແລະນຳພາທຸກ ໄຊຊະນະຂອງການປະຕິບັດລາວ, ນຳພາໄຊຊະນະໃນການປົດປ່ອຍຊາດ, ໃນພາລະກິດປົກປັກຮັກສາສ້າງສາປະເທດ ຊາດສູ່ຈຸດໝາຍສັງຄົມນິຍົມ.
ເຊັ່ນດຽວກັນກັບພັກກອມມູນິດຈີນທີ່ນຳພາປະເທດຈີນ ກ້າວເຂົ້າສູ່ຍຸກໃໝ່ນັ້ນ, ພັກ ປປ ລາວກໍ່ເປັນພັກການເມືອງທີ່ເລີ່ມຈາກປະຊາຊົນ, ດ້ວຍປະຊາຊົນ ແລະເພື່ອປະຊາຊົນ, ທັງໝົດແມ່ນເພື່ອຜົນປະໂຫຍດທີ່ເປັນແກນ, ຜົນປະໂຫຍດ ອັນຊອບ ທຳຂອງປະຊາຊົນ, ເຮັດທຸກຢ່າງເພື່ອປະຊາຊົນ.
ກ່ຽວກັບການພັດທະນາຂອງຈີນ, ທ່ານ ທູດສົມພອນ ເຫັນວ່າ, ການຫັນເປັນທັນສະໄໝແບບຈີນແມ່ນພຶດຕິກຳທີ່ມີຊີວິດ ຊີວາທີ່ລັດທິມາກຫັນເປັນແບບຈີນ, ອັນໄດ້ ສະໜອງແບບຢ່າງໃຫ້ແກ່ບັນດາປະເທດທີ່ສະແຫວງຫາການພັດທະນາ ໃນໂລກ. ຈີນໄດ້ກຳນົດເປົ້າໝາຍພັດທະນາເສດຖະກິດໃນປີ 2025 ໃຫ້ຢູ່ໃນ ລະດັບ 5%, ນີ້ໄດ້ສະແດງໃຫ້ເຫັນຄວາມໝັ້ນໃຈອັນເດັດດ່ຽວໜຽວແໜ້ນຂອງຈີນ ໃນການເດີນໄປສູ່ຄວາມເປັນທັນສະໄໝແບບຈີນ.
ທ່ານ ສົມພອນ ສີຈະເລີນ ໄດ້ເຂົ້າຮ່ວມພິທີໄຂແລະປິດກອງປະຊຸມສອງສະພາຂອງຈີນປະຈຳປີ 2025 ຕາມຄຳເຊີນ. ທ່ານກ່າວວ່າ:“ເຖິງວ່າສະພາບແວດລ້ອມສາກົນມີຄວາມຫຍຸ້ງຍາກ, ມີການປ່ຽນແປງໃນຮອບຮ້ອຍປີທີ່ບໍ່ເຄີຍມີ, ຈີນຍັງສືບຕໍ່ຕັດສິນໃຈເຮັດໃຫ້ການພັດທະນາເສດຖະກິດສືບຕໍ່ໃນຈັງຫວະ 5% ອີກໃນປີ 2025, ນີ້ບໍ່ແມ່ນເລື່ອງງ່າຍ, ແຕ່ວ່າພວກເຮົາມີຄວາມເຊື່ອໝັ້ນວ່າ ຈີນຈະສືບຕໍ່ບັນລຸຍຸດທະສາດໃນການຫັນເປັນທັນສະໄໝ.”
ທ່ານ ສົມພອນ ສີຈະເລີນ ເຫັນວ່າ: ວິທີການຂອງຈີນທີ່ເບິ່ງກວ້າງມອງໄກ, ສະແຫວງຫາສັດຈະທຳຈາກຄວາມຈິງ, ມີການຄົ້ນຄວ້າຄົບຊຸດເລິກເຊິ່ງ ກໍ່ເປັນບົດຮຽນໃຫ້ແກ່ການພັດທະນາໂລກ. ປັດຈຸບັນ, ຈີນໄດ້ປະກອບສ່ວນເກືອບ 40% ເຂົ້າໃນ ການເຕີບໂຕຂອງເສດຖະກິດໂລກ, ນີ້ແມ່ນເລື່ອງໃຫຍ່ທີ່ບໍ່ທຳມະດາໃນປະຫວັດສາດການພັດທະນາຂອງມວນມະນຸດ.
ນັບແຕ່ທ້າຍເດືອນພະຈິກປີ 2023 ທີ່ໄດ້ດຳລົງຕຳແໜ່ງເອກອັກຄະລັດຖະທູດລາວປະຈຳຈີນເປັນຕົ້ນມາ, ທ່ານ ສົມພອນ ສີຈະເລີນ ໄດ້ໄປທັດສະນະສຶກສາຢູ່ແຫ່ງຕ່າງໆ ຂອງຈີນ ເປັນຕົ້ນ: ນະຄອນຢຽນອ່ານ, ບ້ານສິບແປດຖ້ຳ ແລະ ນະຄອນໜິງເຕີ. ຢູ່ໃນເຮືອນຖ້ຳຂອງຢຽນອ່ານ, ເພິ່ນໄດ້ສັງເກດເຫັນປື້ມທີ່ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ, ປະທານປະເທດຈີນເຄີຍອ່ານໃນຍາມເປັນໄວໜຸ່ມ, ທ່ານກ່າວວ່າ:“ຢູ່ໃນຕູບນ້ອຍໆເຮົາໄດ້ສັງເກດເຫັນປື້ມມາກປື້ມເລນິງພາສາຈີນແດ່ພາສາອັງກິນແດ່, ຂ້າພະເຈົ້າຈິ່ງມີຄວາມເຂົ້າໃຈວ່າ ການນຳຜູ້ໜຶ່ງທີ່ໄດ້ຮັບການຝຶກຝົນຫຼໍ່ຫຼອມ ກິ້ງເກືອກລີເລືອນຳປະຊາຊົນແນວນັ້ນ. ເລີ່ມແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນທີ່ຖືເອົາສະຫາຍສີຈິ້ນຜິງເປັນແກນກາງຂອງຄະນະກຳມະການສູນກາງພັກຄອມມູນິດຈີນ, ສະຫາຍກໍໄດ້ເປັນຄັນທຸງໃນການຊີ້ນຳນຳພາຈັດຕັ້ງປະຕິບັດແນວຄິດສີຈິ້ນຜິງທີ່ເວົ້າເລື່ອງການສ້າງສັງຄົມນິຍົມໃນຍຸກໃໝ່, ການນຳພາແລະການຊີ້ນຳແມ່ນຄົບຊຸດຮອບດ້ານມີສາຍຕາທີ່ກວ້າງໄກ, ຈີນຕ້ອງໄດ້ຫັນເປັນທັນສະໄໝ.”
ທ່ານ ສົມພອນ ສີຈະເລີນ ໄດ້ສະແດງຄວາມຊົມເຊີຍເປັນພິເສດຕໍ່ພັກຄອມມູນິດຈີນພາຍໃຕ້ການຊີ້ນຳນຳພາຂອງທ່ານປະທານສີຈິ້ນຜິງທີ່ໄດ້ເອົາຊະນະໃນບັ້ນລຶບລ້າງຄວາມທຸກຍາກ. ທ່ານເຫັນວ່າ: ນີ້ເປັນເຫດການທີ່ບໍ່ເຄີຍມີໃນປະຫວັດສາດຂອງມວນມະນຸດ, ເປັນແບບຢ່າງທີ່ດີໃຫ້ແກ່ປະເທດພວມພັດທະນາເຊິ່ງລວມທັງປະເທດລາວ ເພື່ອຊອກເຫັນເສັ້ນທາງການພັດທະນາທີ່ສອດຄ່ອງກັບສະພາບຕົວຈິງຂອງປະເທດຕົນ.
ເດືອນເມສາ ປີ 2019, ສອງປະເທດຈີນ-ລາວໄດ້ຮ່ວມກັນລົງລາຍເຊັນໃນແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳຈີນ- ລາວລະຫວ່າງພັກກອມມູນິດຈີນກັບພັກປະຊາຊົນປະຕິວັດລາວ. ໃນຖານະເປັນຜູ້ມີສ່ວນຮ່ວມ ແລະ ເປັນສັກຂີພິຍານຂອງແຜນ ແມ່ບົດດັ່ງກ່າວ, ທ່ານສົມພອນກ່າວວ່າ:“ການພົວພັນຮ່ວມມືລາວ -ຈີນ ນັບແຕ່ນັ້ນມາ ຈະບໍ່ເປັນການຮ່ວມມືແບບທົ່ວໄປ. ການຈັດຕັ້ງປະຕິບັດແຜນແມ່ບົດ ໄດ້ນຳເອົາຜົນປະໂຫຍດຕົວຈິງແທ້ເຖິງປະຊາຊົນແທ້. ໂດຍສະເພາະບັນດາໂຄງການຕ່າງໆ ຕົວຢ່າງຄື ທາງລົດໄຟນີ້ ກໍ່ເປັນສະຫາຍຈີນເປັນຜູ້ສ້າງໃຫ້ພວກເຮົາ, ສຳຄັນກໍ່ແມ່ນໄດ້ເຮັດໃຫ້ຄວາມຝັນຂອງລັດຖະບານ ຄວາມຝັນຂອງປະຊາຊົນລາວພວກເເຮົາທີ່ຄອງຄອຍຫຼາຍພັນປີປາກົດຄວາມເປັນຈິງ.”
ທ່ານ ສົມພອນ ເຫັນວ່າ: ຜົນສຳເລັດທີ່ອຸດົມສົມບູນໃນການຊຸກຍູ້ການສ້າງຄູ່ຮ່ວມຊາຕາກຳລາວ-ຈີນ ບໍ່ພຽງແຕ່ໄດ້ສ້າງຄວາມສຸກໃຫ້ແກ່ປະຊາຊົນທັງສອງປະເທດເທົ່ານັ້ນ, ຍັງເປັນຕົວແບບຂອງການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ແລະ ການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ປີ 2025 ແມ່ນປີມ້ວນທ້າຍຂອງການປະຕິບັດແຜນການ 5 ປີຄັ້ງທີ 14 ຂອງຈີນ, ທັງເປັນປີມ້ວນທ້າຍຂອງການປະຕິບັດແຜນການ 5 ປີຄັ້ງທີ 9 ຂອງລາວ. ທ່ານສົມພອນເຫັນວ່າ: ສາຍພົວພັນລາວ-ຈີນພວມຢູ່ໃນໄລຍະທີ່ດີທີ່ສຸດ. ການຮ່ວມມືລາວ- ຈີນໄດ້ໄປຕາມທ່າອ່ຽງການພັດທະນາຂອງຍຸກສະໄໝຢ່າງບໍ່ຢຸດຢັ້ງ. ເດືອນກຸມພາປີນີ້, ຈີນ-ລາວໄດ້ເຊັນສັນຍາເພື່ອຮ່ວມກັນສ້າງສູນການຮ່ວມມື ແລະ ປະດິດສ້າງບັນຍາປະດິດຈີນ-ລາວ. ນີ້ແມ່ນເວທີການຮ່ວມມືດ້ານບັນຍາປະດິດແຫ່ງທຳອິດລະຫວ່າງຈີນກັບປະເທດສະມາຊິກອາຊຽນຮ່ວມກັນສ້າງຂຶ້ນ.
ຕໍ່ກັບເລື່ອງນີ້, ທ່ານ ສົມພອນ ໄດ້ສະແດງຄວາມຊົມເຊີຍຕໍ່ໝາກຜົນແຫ່ງການພັດທະນາໃນຂົງເຂດບັນຍາປະດິດຂອງຈີນ, ພ້ອມທັງຝາກຄວາມຫວັງຕໍ່ການຮ່ວມມືລະຫວ່າງສອງປະເທດໃນຕໍ່ໜ້າອີກວ່າ:“ຈີນແມ່ນປະເທດນຳໜ້າໃນການພັດທະນາສີຂຽວ, ໃນການພັດທະນາການຫັນເປັນທັນສະໄໝ, ທັດສະນະຍຸດທະສາດຂອງຈີນ ແມ່ນຖືກຕ້ອງສອດຄ່ອງ ໜຶ່ງກໍ່ຄື ປັນຍາປະດິດຕ້ອງຮັບໃຊ້ມວນມະນຸດ, ຕ້ອງເພື່ອມວນຊົນສ່ວນໃຫຍ່ ເພື່ອການພັດທະນາຂອງມວນມະນຸດ. ສຳລັບປະເທດທີ່ພວມພັດທະນາ, ອັນນີ້ຈະຊ່ວຍໃຫ້ການຮ່ວມມືໃນຂົງເຂດນີ້ ເຮັດໃຫ້ການພັດທະນາຂອງປະເທດເຫຼົ່ານັ້ນມີຄວາມກ້າວໜ້າ.”
ນອກຈາກນີ້, ທ່ານ ສົມພອນ ຍັງໄດ້ຕີລາຄາສູງຕໍ່ວິທະຍຸໂທລະພາບສູນກາງຈີນ ຫຼື CMG ທີ່ໄດ້ປະກອບສ່ວນອັນພົ້ນເດັ່ນໃນການຊຸກຍູ້ການປະສານໃຈລະຫວ່າງປະຊາຊົນສອງຊາດລາວ- ຈີນວ່າ:“ຜ່ານສື່ນີ້(CMG) ແຕ່ໄດ້ສ້າງຕັ້ງຂຶ້ນມາຮອດປະຈຸບັນ, ປະຊາຊົນລາວແມ່ນໄດ້ ຮັບສາລະປະໂຫຍດ ສຳຄັນມັນໄດ້ເຊື່ອມ ຊຶມພວກສະຫາຍ ເປັນຂົວຕໍ່ມິດຕະພາບລະ ຫວ່າງປະຊາຊົນ ໂດຍສະເພາະແມ່ນຊາວໜຸ່ມລາວ. ໂອກາດນີ້ ອວຍພອນໃຫ້ພວກ ສະຫາຍສືບຕໍ່ໄດ້ຮັບຜົນສຳເລັດໃນວຽກງານທຸກດ້ານ. ຖືວ່ານີ້ເປັນອົງປະກອບທີ່ ສຳຄັນ, ເປັນສື່ທີ່ສຳຄັນໃນປະຈຸບັນກໍ່ຄືໃນໄລຍະຍາວນານ ຕໍ່ໄປ. ສະຖານທູດ ສປປ ລາວຍິນດີສືບຕໍ່ຮ່ວມ ມືກັບພວກສະຫາຍ.
ໂອກາດດັ່ງກ່າວ, ຢູ່ໃນສະຖານທູດລາວປະຈຳຈີນໄດ້ຈັດພິທີມອບ-ຮັບປື້ມ ເຊິ່ງທ່ານສົມພອນ ສີຈະເລີນໄດ້ຮັບປື້ມຕ່າງໆທີ່ຮຽບຮຽງ ແລະ ແປໂດຍ CMG ເປັນຕົ້ນ: “ເສັ້ນທາງປະສານໃຈ” ສະບັບພາສາລາວແລະພາສາຈີນ, ປື້ມ “ກະວີເພື່ອເຈົ້າ: ບົດກະວີຈີນສະໄໝປັດຈຸບັນຮ້ອຍບົດ” ແລະ ປື້ມ “ສອນໃຈໄວເດັກ” ຈຳນວນທັງໝົດ 125 ຫົວ.
ທີ່ມາ: CMG
