ວັນທີ 28 ມີນານີ້, ໄດ້ເກີດແຜ່ນດິນໄຫວຄວາມແຮງຂະໜາດ 7,9 ຣິກເຕີຢູ່ມຽນມາ, ຫຼາຍທ້ອງ ຖິ່ນຂອງແຂວງຢຸນນານຈີນມີຄວາມຮູ້ສຶກເຖິງແຮງສັ່ນສະເທືອນຢ່າງຮຸນແຮງ. ແຜ່ນດິນໄຫວຄັ້ງນີ້ເປັນແຜ່ນດິນໄຫວທີ່ມີຄວາມແຮງ 6 ຣິກເຕີ ຫຼື 6 ຣິກເຕີຂຶ້ນໄປເປັນຄັ້ງທີ 17 ທີ່ເກີດຂຶ້ນໃນໂລກ ແລະ ເປັນແຜ່ນດິນໄຫວຮຸນແຮງທີ່ສຸດນັບແຕ່ຕົ້ນປີນີ້ມາ, ພ້ອມດຽວກັນນີ້ ກໍເປັນແຜ່ນ ດິນໄຫວຮຸນແຮງທີ່ສຸດຂອງໂລກໃນໄລຍະເກືອບ 10 ປີຜ່ານມາ.
ພາຍຫຼັງເກີດແຜ່ນດິນໄຫວຢ່າງຮຸນແຮງຢູ່ມຽນມາແລ້ວ, ຕອນຮຸ່ງເຊົ້າວັນທີ 29 ມີນານີ້, ໜ່ວຍແພດກູ້ໄພແຂວງຢຸນນານຈີນທີ່ປະກອບດ້ວຍສະມາຊິກ 37 ຄົນໄດ້ນໍາເອົາເຄື່ອງກູ້ໄພສຸກເສີນທັງໝົດ 112 ຊຸດ ເດີນທາງໄປຮອດນະຄອນຢາງກຸງຂອງມຽນ ມາ ເຊິ່ງເປັນໜ່ວຍກູ້ໄພສາກົນໜ່ວຍທໍາອິດທີ່ເດີນທາງໄປຮອດມຽນມາພາຍຫລັງເກີດແຜ່ນດິນໄຫວຄັ້ງນີ້.
ພາຍຫຼັງເກີດແຜ່ນດິນໄຫວ, ຄະນະກໍາມະການບໍລິຫານປະເທດມຽນມາໄດ້ປະກາດພາວະສຸກເສີນຢູ່ບັນດາເຂດແຄວ້ນທີ່ໄດ້ຮັບຜົນກະທົບອ່າວຮຸນແຮງຈາກແຜ່ນດິນໄຫວຄັ້ງນີ້ເປັນຕົ້ນແມ່ນແຂວງມານດາເລ ແລະອື່ນໆ.
ທີ່ມາ: CMG
