ຕອນແລງ ວັນທີ 22 ເມສາ 2025 ນີ້, ກ້ອນກໍາລັງສວນສະໜາມ ກອງທັບປະຊາຊົນລາວ ເຊິ່ງນຳໂດຍ ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫ່ຍ 11 ຫົວໜ້າຄະນະຊີ້ນຳກ້ອນກຳລັງສວນສະໜາມກອງທັບປະຊາຊົນລາວ ພ້ອມຄະນະ ໄດ້ນຳພາກ້ອນກຳລັງສວນສະໜາມ ກອງທັບປະຊາຊົນລາວ ເຝີກຊ້ອມເດີນຂະບວນສວນສະໜາມຕົວຈິງຢູ່ ຕົວເມືອງ ນະຄອນ ໂຮ່ຈີມິນ ສສ ຫວຽດນາມ ໃນທ່າມກາງບັນຍາກາດຟົດຟື້ນທີ່ມີປວງຊົນ ຊາວຫວຽດນາມ ຈຳນວນຫຼວງຫຼາຍ ລໍຖ້າຮັບຊົມການເດີນສວນສະໜາມຂອງບັນດາກ້ອນກຳລັງກອງທັບປະຊາຊົນລາວ, ກ້ອນກຳລັງສວນສະໜາມກອງທັບ ຫວຽດນາມ ແລະ ກ້ອນກໍາລັງສວນສະໜາມກອງທັບກຳປູເຈຍ, ທັງນີ້ກໍ່ເພື່ອເປັນການເຮັດໃຫ້ກ້ອນກຳລັງສວນສະໜາມກອງທັບປະຊາຊົນລາວ ມີຄວາມຊິນເຄີຍກັບສະໜາມຫັດແອບຕົວຈິງ ທັງເປັນການເຝິກກຳລັງແຮງກາຍ, ແຮງໃຈ, ເຮັດໃຫ້ກ້ອນກຳລັງກອງທັບປະຊາຊົນລາວ ຮັບປະກັນຄວາມພ້ອມໃນການເດີນສວນສະໜາມ ເຂົ້າຮ່ວມໃນພິທີສະເຫຼີມສະຫຼອງວັນປົດປ່ອຍພາກໃຕ້ຫວຽດນາມ ຄົບຮອບ 50 ປີ ຄື ວັນທີ 30 ເມສາ 2025 ທີ່ຈະມາເຖິງນີ້ ໃຫ້ມີຄຸນະພາບ ແລະ ໄດ້ຮັບໝາກຜົນສູງ.
ຂ່າວ-ພາບ: ມິກກີ້ ແກ້ວສຸວັນ
