ແຈ້ງເຕືອນ ຝົນຕົກໜັກ, ນໍ້າຖ້ວມຊູ ແລະ ດິນເຈື່ອນໃນໄລະຍະວັນທີ 22 ຫາ 24 ກໍລະກົດ 2025

ໃນເວລາ 14:00 ໂມງ ຂອງວັນທີ 22 ກໍລະກົດ 2025 ພາຍຸໝຸນເຂດຮ້ອນ ວິພາ ມິມີຈຸດສູນກາງໃນເສັ້ນຂະໜານ ທີ່ 20.5 ອົງສາເໜືອ ແລະ ເສັ້ນແວງທີ່ 106.2 ອົງສາຕາເວັນອອກ ກໍາລັງເຄື່ອນທີ່ໄປທາງທິດຕາເວັນຕົກ – ຕາເວັນຕົກ ສຽງເໜືອ ດ້ວຍຄວາມໄວ 15 ກິໂລແມັດຕໍ່ຊົ່ວໂມງ, ຈາກນັ້ນຈະອ່ອນກໍາລັງລົງກາຍເປັນພາຍຸດີເປຼຣຊັນ ແລະ ຈະ ອ່ອນກໍາລັງລົງກາຍເປັນຄວາມກົດດັນອາກາດຕໍ່າ ທີ່ມີກຳລັງແຮງ ປົກຄຸມຢູ່ພາກເໜືອຂອງປະເທດລາວ ໃນວັນທີ 23 ກໍລະກົດ 2025, ສົມທົບກັບລົມມໍລະສຸມຕາເວັນຕົກສ່ຽງໃຕ້ທີ່ມີກຳລັງແຮງພັດປົກຄຸມເປັນສ່ວນໃຫຍ່ ຊຶ່ງຈະເຮັດ ໃຫ້ ມີຝົນຕົກ ຟ້າຮ້ອງ ຟ້າເຫຼື້ອມ ໃນລະດັບຄ່ອຍ ຫາ ປານກາງຢູ່ທົ່ວໄປ ໃນແຕ່ລະພາກ ແລະ ຕົກໜັກ ຫາ ໜັກ ຫຼາຍ ພ້ອມຈະມີລົມພັດແຮງຢູ່ບາງທ້ອງຖິ່ນແຂວງພາກເໜືອ ແລະ ພາກກາງ ໃນໄລຍະ 1 ຫາ 2 ວັນຕໍ່ໜ້າ.

+ ເຂດພື້ນທີ່ສ່ຽງນໍ້າຖ້ວມຊູ ແລະ ດິນເຈື່ອນ ມີດັ່ງນີ້:

– ແຂວງ ຜົ້ງສາລີ: ເມືອງ ບຸນໃຕ້.

– ແຂວງ ຫົວພັນ: ເມືອງ ຊຳເໜືອ, ຮ້ຽມ, ວຽງໄຊ, ຫົວເມືອງ, ຊຳໃຕ້, ຊ່ອນ ແລະ ເມືອງ ກວັນ.

– ແຂວງ ຊຽງຂວາງ: ເມືອງ ຄໍາ, ຄຸນ, ໝອກໃໝ່, ແປກ, ພູກູດ ແລະ ເມືອງ ສຸຍ.

– ແຂວງ ບໍ່ແກ້ວ: ເມືອງ ເມິງ, ປາກທາ ແລະ ເມືອງ ຜາອຸດົມ.

– ແຂວງ ຫຼວງນໍ້າທາ: ເມືອງ ລອງ, ສິງ ແລະ ເມືອງ ວຽງພູຄາ.

– ແຂວງ ອຸດົມໄຊ: ເມືອງ ແບງ, ຮຸນ, ງາ, ປາກແບງ ແລະ ເມືອງ ໄຊ.

– ແຂວງ ຫຼວງພະບາງ: ເມືອງ ຈອມເພັດ, ນໍ້າບາກ, ນ່ານ, ງອຍ, ປາກແຊງ, ປາກອູ, ໂພນໄຊ, ພູຄູນ, ວຽງຄໍາ ແລະ ເມືອງ ຊຽງເງິນ.

– ແຂວງ ໄຊຍະບູລີ: ເມືອງ ຫົງສາ, ຄອບ, ເງິນ, ປາກລາຍ ແລະ ເມືອງ ຊຽງຮ່ອນ.

– ແຂວງ ໄຊສົມບູນ: ເມືອງ ອະນຸວົງ, ຮົ່ມ, ລອງຊານ ແລະ ເມືອງ ທ່າໂທມ.

– ແຂວງ ບໍລິຄຳໄຊ: ເມືອງ ບໍລິຄັນ, ຄໍາເກີດ, ປາກກະດິງ ແລະ ເມືອງ ວຽງທອງ.

– ແຂວງ ວຽງຈັນ: ເມືອງ ກາສີ, ວັງວຽງ, ແມດ, ຊະນະຄາມ ແລະ ເມືອງ ເຟືອງ.

– ແຂວງ ຄໍາມ່ວນ: ເມືອງ ຫີນບູນ, ນາກາຍ ແລະ ເມືອງ ຍົມມະລາດ.

– ແຂວງ ສະຫວັນນະເຂດ: ເມືອງ ພີນ ແລະ ເມືອງ ທ່າປາງທອງ.

– ແຂວງ ສາລະວັນ: ເມືອງ ຕະໂອ້ຍ ແລະ ເມືອງ ຕຸ້ມລານ.

– ແຂວງ ເຊກອງ: ເມືອງ ກະລຶມ ແລະ ເມືອງ ດາກຈຶງ.

– ແຂວງ ອັດຕະປື: ເມືອງ ຊານໄຊ, ສະໜາມໄຊ ແລະ ເມືອງ ພູວົງ.